江浙滬 (京華中心)

Open Now

Now Closed

銅鑼灣希慎附近都有條食街💓見呢間上海菜好大間 餐牌選擇又多 就入去試下 又幾好味喎小籠包 $48即叫即蒸 熱辣辣 皮嘅厚度適中 摺位亦唔會特別厚 內裡有湯汁有肉汁 稍得上皮薄餡靚👍🏼餡料有鮮味 合格有餘呀蔥油拌麵 $48一黎到以為得一碗齋麵🍜原來d汁喺哂碗底 撈勻哂之後每條麵都比蔥油包圍住 油香十足 雖然係淨麵 但同時食到蔥花同醬油香味 好惹味 估佢唔到🤣花雕醉雞 $78酒味唔會太苦 但雞肉夠入味🍶有酒香 肉質不錯豆沙鍋餅 $46呢度都有唔少傳統嘅上海甜品🥣有酒釀丸子、薑茶湯圓、白糖糕等等 今次叫左即炸鍋餅🫔非常香脆 又唔算好油淋淋 外皮唔會好重粉感 中間嘅紅豆沙餡份量足 香甜可口

今日放工後約左朋友去銅鑼灣食飯，銅鑼灣鬧市中，竟然俾我地搵到價錢非常相宜、水準唔錯的餐廳。我地大約7點入席，餐廳仲未算好多人，但如果再遲多少少就可能要等位了。呢度嘅上海菜好正宗，相當之出色。首先黎左杯茶，係好香濃嘅玄米茶醉雞散發著香濃花雕酒味，醃得非常入味，仲有淡淡的桂花香！哇上海年糕無得輸，醬汁超正，好食到連椰菜都好好味！一份魚有兩條，幾香口，配醬汁食味道不錯。我地一人一杯薏米水，薏米份量都幾多！食上海菜，甜品又點少得豆沙鍋餅呢！個皮炸到好脆，一咬裡面啲豆沙就爆哂出黎，正！