人和荳品廠

Open Now

Now Closed

行街攰攰地，又口渴又肚餓， 途經人和荳品廠入面坐滿客人， 唔想等位嘅我只好買了兩支豆漿就走了。 本身我想試下煎釀豆腐，豆腐花，豬紅豬腸，煎韭菜餃，可惜太多人唯有下一次啦！ 豆漿真係好抵飲，只 需要$22就有兩枝，豆味濃郁。 諗返起經常經過附近望入店舖都有很多人， 相信很多人都喜歡吃豆腐食品。豆腐是一種簡單的食材， 但都能夠做出不同種類款式的味道， 真係煎炒煮炸都得， 而且含有豐富的維他命，健康又有益！還見到這裏有油渣麵， 唔知味道又如何呢？

經過呢間老字號荳品店，一心諗住食返d滑溜荳製品點知！！令人失望而回！一坐低，諗住叫個煎豆腐食住先，再慢慢睇下食咩。。。但當我同老公食第一啖豆腐的一刻，完全打消左我地加單的念頭！個豆腐。。。超。級。硬！！！點解可以硬成咁！一d都唔滑！又無豆味！差到一個點！下次唔會再黎！

旺角永遠係二十四小時不眠之城，無論幾點來到這裡，都一定會吃得飽。這晚吃完雞粥後，便來到了對面的豆漿鋪買豆漿飲。我喜歡飲豆漿的原因是因為對比其他飲品來說都來得健康，而且有益。有名的豆漿店多的是，公利是其中一個好選擇，在旺角來說就是這間人和了。十三蚊一支，對比近期熱爆的觀塘豆漿王，這裡價格算平了，不過相對豆漿不夠滑，而且也不算甜，解渴是可以的，但老實不算太好，公利當然贏幾條街，元朗大埔那些大名自然也不在話下。但當然在旺角來說你在7仔買枝無益的飲品也是差不多十多元，那麼這間也算有名的豆漿雖然普通但仍是一個好的選擇。