Mamaday (Closed)

疫情期間有的鬱悶， 出開街search openrice見到，就過咗嚟銅鑼灣呢間熱門餐廳朝聖。order左5樣野，分別係滑蛋鳗魚飯， 芝士薯條，微辣雞翼， 豆腐咖啡同心太軟。滑蛋鰻魚飯: 落咗啲木魚，其實味道還可以，不過冇乜特別芝士薯條:好好味，好濃好足料微辣雞翼:都幾惹味，好香口豆腐咖啡:好特別， 豆腐雪糕出奇地同咖啡原來都幾夾心太軟:都係水準之作，好濃嘅朱古力溶岩配上焦糖雪糕。總括嚟講呢間餐廳相當有質素。

從來都覺得mamaday的食物絕對唔麻麻地，經常都想去食（可以話係我最喜歡的餐廳之一）。前排lunch即興拉了同事去食，可惜真係非常多人😢唯有外賣！（下次真係要book位）外賣盒也非常精緻，原來都頗多人選擇外賣的，店員也很快手處理所有外賣，而且好貼心包好，讓食物可以保持最佳狀態，他們也好nice呢😊可能會失望溫泉蛋明太子意大利扁麵一點也不會令人失望，還一試難忘。外表非常吸引之餘，仲食得出心思，意粉好creamy之餘夾雜了很多明太子，粒粒彈牙，偶爾還有些蒜蓉粒，令意粉更惹味。「點解個個都叫軟殼蟹比薩架？」除了名字搞鬼外，還非常好味道。一大隻原隻軟殼蟹多蟹肉之餘，襯上薄脆的pizza皮和沙律醬，非常滋味。這裡的pizza還有個特色，就是pizza中間有層薄薄的薯仔，口感非常特別。😋😋原來豆腐咖啡就是豆腐雪糕加上混合了豆腐texture的咖啡，每一口都有咖啡香濃加上豆腐的清淡口感，充滿層次感！下次「always hungry」的時候，要再來吃！

想食呢間餐廳好耐，不過一直都好爆場，今日終於book到位食晏晝啦！Set lunch來講唔算好多選擇，不過佢仲有另一本Menu可以散叫～牛肉漢堡係手打架，好有牛肉味！唔會煮得過熟，配埋炸洋蔥圈同埋芝士等等嘅配菜，好食 天氣咁熱，所以我哋叫咗個冷烏冬烏冬超級有咬口，配埋明太子醬同埋蟹柳絲，冰冰涼涼好開胃！另外仲有幾舊炸雞，夠熱又夠脆朋友叫咗杯抹茶沙冰，一開頭仲驚會好甜，點知佢唔甜不特止，仲有微澀嘅抹茶味～ 完全滿足到抹茶控呀見佢呢個咁特別就叫咗黎試吓，應該係用豆漿或者豆奶去沖咖啡～ 味道都幾夾，仲有個豆腐雪糕係上面，清清地咁幾好味另外我哋仲加錢叫咗抹茶窩夫～ 價錢平平哋但係絕對冇欺場！上枱先發現原來仲有海鹽雪糕，芝士醬同埋紅豆蓉鹹鹹甜甜咁，每一啖食都有驚喜夠晒特別但係又好Match少有嘅高質黃店，一定要再Encore!

男朋友慶生，指定話想黎試下有幾麻麻地🤣超級欣賞小店室內佈置和餐桌設計，文字上也花了不少心思，非常趣致❤️首先，菲兒認為必食的是原條鰻魚飯！鰻魚雖然稱不上是彈和厚肉，但都不劣，媲美在日貨超市買的。蛋炒得嫩滑，各樣配料配搭得非常完美！未食過超多蟹肉的意大利麵！一上枱的時候，會想為何比起炒飯份量少那麼多？一食便知道，因蟹肉份量多，而且醬汁比較膩，份量是十分足夠的。這碟味道相對較清淡，是食蟹肉的味道。我們還叫了兩個小食，喜歡炸魷魚的皮很酥脆，不會吃損口。如果魷魚更彈牙就更好！很少炸雞翼是全翼！上枱時還是非常熱辣辣的！它的微辣不太吃到，吃不到辣的朋友相信也可以嘗試。豆腐咖啡，起初以為是豆腐味的咖啡，原來是把豆腐雪糕放進裏面，雪糕味道清甜，還見到一粒粒豆腐呢，真材實料～由於店舖是小店，最好預先訂位，就毋需要在狹窄的位置等位。整體食物質素不錯，環境很有情調，值得來試一試。

餐廳由裝修到餐單餐具都用心十足，切合幽默主題，絕對能讓你會心微笑——無論是視覺或是味蕾。食物雖不是米芝蓮水準，但也比一般網紅店來得好十倍有多。或許因爲我抱著對網紅店的期待前來，更能得到反差的驚喜，咦！幾好味喎！而且份量十足，開心share時不用搶住食。豆腐咖啡是最大的收獲。香滑咖啡配上一大塊豆腐雪糕，適中的豆腐豆香和咖啡，不會搶對方風頭，反而相得益彰，會想再多點一杯。另外點了牛肉沙律，牛肉燒得恰到好處，肉汁甜美，單是這一點就贏了許多餐廳20條街。以上總總可以令我忽略餐廳狹窄同服務略不到位的缺點。一人200幾，愉快用餐環境及具水準的食物，你仲想點？