滿屋廚房 (Closed)

上網睇到Fullhouse Kitchen最近轉左餐牌，由東南亞風，一改成以三文治🥪、意粉🍝做主打！其實講真，草根覺得新餐牌更配合餐廳形象。始終最初fullhouse以人頭公仔嘅雞蛋仔起家，都係輕食match d😋.最初嘅荃灣店好似己經冇左，今次草根姐妹就去左最近我地嘅鑽石山店。商場人流唔算多，去到就有位。.以自助形式係出面點餐，然後拎牌仔坐底等店員幫手送餐就可以😊雖然當日只有2名店員，不過佢地好nice服務好好.雞蛋仔即叫即做，當然要點上一客最終點左2款主食，2款甜品。.黑松露珍寶菇班尼迪蛋 ($53)Portabella Eggs Benedict黑松露醬、珍寶啡菇、蕃茄、水煮蛋、扒露荀由於草根姐姐好中意食Eggs Benedict🐣，所以身為小薯嘅妹妹，為咗迎合姐姐而特別點咗呢個外面好少有嘅黑松露版本Eggs Benedict😎。老實講，真心好失望，水煮蛋煮得過熟，冇流心之餘，亦食唔出蛋味❌。黑松露醬味道唔算突出，麵包唔係一般English Muffin，用上鬆脆牛角包🥐，最好食係包上放左啡菇同露荀🌿，調味得宜又夠清新，成碟就敗左係隻蛋到，而且只有半件牛角包價錢過於進取，唔推薦

表弟仔考完試, 係時候relax一下, 特意帶佢去左一間以公仔做主題既餐廳食dinner。Fullhouse面積不大, 有一半面積為精品小店, 餐廳內更設有一小位置供小朋友玩樂地方。而且餐廳全日免收加一, 下班時間7點左右, 餐廳內已經座無虛席, 看一下menu, 價錢亦算合理, 晚飯時段更推出二人套餐優惠。不過今晚同表弟仔前黎, 二人餐份量對我地黎講似乎太多, 所以今次只好散叫幾款食物share試試。先試一下menu上既【招牌喇沙】HK$62湯底清甜, 香而不辣, 米粉較易吸取湯底精華, 而且材料比較豐富, 包括有豆腐卜、魚蛋、青口、魚角、半熟雞蛋同埋海蝦。魚蛋、魚角非常彈牙, 海蝦很爽口, 還有吸味既豆卜, 整體幾惹味。由於不帶辣, 而且味道不太濃, 就連小朋友都岩食。【爆珠蜂蜜綠茶】(upgrade價 HK$15)淡淡既綠茶加上爆珠蜂蜜, 不但有口感, 蜂蜜爆珠於口中爆開, 淡淡綠茶中加上少少甜既蜂蜜, 整體唔會太甜~【沙爹雞串】HK$62雞串一共6支, 表面較乾, 點上香濃沙爹醬, 甜甜地, 再有酸酸地既伴碟雜菜, 開胃又惹味。【青檸香茅燒雞全翼】HK$28雞全翼表面不帶油膩,

今日同媽媽來吃晚餐滿屋。招牌喇沙 $62麵條有意粉、公仔麵、河粉等選擇我地揀左米粉 配料無乜特別 但湯底好好食 甜甜地又帶啲椰奶香 每啖米粉都食到！吾錯呢青檸香茅燒雞全翼 $28兩大隻雞翼 燒得皮脆肉嫩 吱左青檸汁 酸酸的惹味又開胃心大心細想試兩款pizza 所以就點左兩個細6'黑松露野菌薄餅 $42呢個就有啲失望 基本上係食吾到黑松露味 只有芝士 少少菇同彩椒 芝士份量吾多亦拉吾到絲 好彩批底脆脆的 做得幾好食6'車厘茄水牛芝士薄餅 $42呢個反而好食啲！水牛芝士好香 整體芝士份量都較多 配上新鮮番茄仔 配搭簡單而出色全日早餐 $78炒蛋炒得很滑 麵包已經搽上牛油 條腸脂香味濃 菇菌同番茄仔同炒得好香凱撒沙律 $38沙律菜非常新鮮 還可以加錢配三文魚或脆雞肉甜品係最驚喜既環節 估吾到咁既價錢可以食到質素吾錯既蛋糕！抹茶紅豆千層蛋糕 $18呢個真係好有驚喜！抹茶味香醇濃郁帶甘甜 連千層皮都係抹茶皮 抹茶cream好滑 混入吾係好甜既紅豆粒 增加口感之餘仲好match添！豆腐意大利芝士蛋糕 $18甜度適中 餅底香脆 整體感覺不太膩 但我就不太喜歡上面的肉桂脆脆紫薯撻 $18這個味道較普通

星期五夜晚要喺間商場入邊，搵個位食飯都應該有啲困難。好彩今日放早，先至可以同朋友慢慢行慢慢揀。見到商場入邊開咗呢一間新餐廳，而且裝修好特別，又有好多精品賣，所以入去佢餐廳嗰度試一試主打東南亞菜式。夏天天氣熱，胃口唔係特別大，所以叫咗一個主食同埋其他小食share。蒜蓉包蒜蓉包焗到好脆，而且長條型大大件好吸引，蒜蓉餡料好多好香雞肉串燒雞肉串有六條，好重香草味。雞肉肉質滑，不過可能好細舊，有d部份有d乾，配埋佢個花生沙嗲醬好夾。而且仲好貼心有一啲醃菜去配搭！東南亞拼盤拼盤有三款小食，有泰式魚餅、越南庶蝦、同埋薯絲蝦。泰式魚餅好香檸檬葉味，而且彈牙厚肉；庶蝦肉薄左一啲啲；薯絲蝦做得好靚，薯仔絲一條一條包住隻蝦。 新加坡海南雞飯主要挑剔嘅係個飯唔夠油，不過雞肉就十分之嫩滑，去左骨既，配三種醬別有一番風味。豆腐意大利芝士蛋糕蛋糕豆腐同芝士味淡淡的，感覺好健康，岩曬唔鐘意好甜既朋友。綠茶紅豆千層蛋糕一層綠某夾一層紅豆，好好味，而且綠茶味夠曬濃！呢度食物散叫都可以加錢升級要餐湯／甜品／飲品，自由度更多，見到晚市二人餐都係二百蚊到，好抵食