車站豆腐花

Open Now

Now Closed

嚟到大澳，食完巨型魷魚之後行咗一分鐘都冇就見到車站豆腐花，佢咁出名，當然入咗去食一食。喺遠處就見到舖頭個招牌，完全唔難揾。店舖售賣中式糖水，選擇唔算多，都係豆腐花、芝麻糊、杏仁糊同腰果糊四種，不過勝在可以搭配。佢每一張枱上面都放咗糖同薑水，等食客自己加。我地揀咗豆腐花同豆腐花拼芝麻糊，喺豆腐花未加糖同薑水既時候試咗一啖，豆腐花好滑好香豆味，已經覺得好正。，雖然加咗唔係好多，但d薑味出哂嚟，不過因為本身薑水都甜甜地，所以個人覺得即使唔加糖都夠甜。另外仲叫咗豆腐花併芝麻糊，佢地既芝麻糊口感幼滑，味道香濃，都係整得好有誠意。食完呢兩款，都想試下杏仁糊同腰果糊，所以下次嚟大澳一定會再幫襯！

長達40分鐘的車程令有暈車浪經歷的我 痛苦萬分剛下車 有點想吐 很想吃些冰涼的食物想起車站豆腐花很有名的 便去尋找門外有個醒目的招牌走進去座上客未算多 畢竟時間尚早坐下來要碗凍豆腐花老闆立刻從冰箱裡拿出亦提醒我自己下糖或糖漿先吃一口 滑溜無比好像直達喉嚨雖豆香不算濃烈 但豆腐花的軟滑遮蓋了這弱點加點糖 和糖漿另豆腐花味道更為出色糖漿帶有點薑味 介意的朋友就別加了吃完後 看看店內的照片 全都是遊玩時的照片照片該是有點歷史了但卻令環境充滿溫馨

呢間豆腐花位於大澳主街道上，所以來來回回總會出現幾次喺你眼前。下午將近4點，臨搭車走之前盡最後努力食食食，所以就入咗去。天氣仲熱熱地，所以當然是兩碗凍豆腐花。老闆娘有溫馨提示剛剛放雪櫃不久，所以唔算太凍。今次同行是一位從外國回來既朋友，佢首先係問咗檯面糖醬要落幾多，然後就低頭食，大約係兩分鐘內就食晒。至於我呢D食慣豆腐花既香港人，自然覺得冇咩特別，不過都算係比一般豆腐花滑。檯面有糖粉及糖醬，糖醬會有少少薑味，食落同豆腐更夾，唔會「死甜」。之後外國人想encore 要多一碗，已經賣晒，遲過我地入去既一行10人，都只係食到最後3,4 碗。本身都想試下佢其他，例如腰果糊，不過一樣售罄，唯有下次有緣再試吧！

才剛離開隱姑，向前多行兩步，又看見車站豆腐花啦～ 不過人多得很，唯有先逛個圈再回來吧，反正剛剛吃了那麼多～大半小時後回來，剛好有客人離開，我們剛好可以入座～小小店子只有四個選擇：豆腐花、芝麻糊、杏仁糊及合桃糊，可以雙併，凍熱俱可～小妹跟大胃王都選了豆腐花，而米飯班主跟一家之煮則選了太極，即芝麻糊併豆腐花～熱烘烘的豆腐花($12)，先不加任何調味試一試，果然非常滑溜，但豆味沒有很濃～ 再加點黃糖試試，加了點甜味，但豆味依然是淡薄的呀～太極 ($15)，是芝麻糊併豆腐花，多了一分芝麻香，而且質感濃稠，加上滑溜的豆腐花，有著兩種不同的質感，竟然更為吸引~老實說，店子的豆腐花對小妹來說，只有「滑」這個賣點，豆味有待加強，雖然黃糖可以隨意加添這一點很貼心，但如果用上薑糖的話，會更為吸引呢!! 小妹的豆腐花魂，被長沙灣的亞順寵壞了呢~~

印象中,不少人也推介車站豆腐花來到大澳,也就試試了不難找到不需過橋而且招牌也不難看到走進店內老闆的視線從電視轉過來友善地問一句,隨便睇下想食咩然後繼續看忽必烈點了一碗豆腐花老闆便立即去片豆腐花很香滑而且也片得不錯真是一碗不錯的豆腐花每張桌上也擺放了黃糖和糖漿讓客人隨自己喜好添加惟黃糖內有一隻螞蟻大澳到處也是貓這裡也一樣在車站豆腐花有隻小貓,會走到我們腳下撒嬌如果有客人怕貓老闆便會把貓帶走很體貼另外,店內貼滿一些小孩子的畫作亦有不少孩子照片(應該是店主的童年照吧?)店內售賣的不止食品亦有人情味拉近了人與人之間的關係

去到大澳當然要去哩間食豆腐花.聽朋友講幾好味的 所以就去試下.豆腐花片得好靚 手工好好差唔多碗碗都一樣 分別唔大食豆腐花要落黃糖才是皇道 哈哈食落好滑 食唔到有渣好香豆味 幾好 朋友無介紹錯

天氣熱到爆, 等咗兩個多鐘頭車, 再坐咗一個鐘頭車入大澳, 第一件事當然走去食碗豆腐花啦。有朋友貪方便, 想就近就去食, 但我堅持去車站食, 因為食開, 又好食。一來到, 坐底第一件事當然係豆腐花啦, 本來想食其他, 但最終我都只係食豆腐花only!習慣食凍, 一來到, 第一件事係落糖, 這件事從不假手於人, 因為自己有點習慣不想別人破壞。落完糖, 當然影相啦~~~冰凍的豆腐花, 食落好滑, 又有豆香, 直頭係透心涼啊。份量足, 天天新鮮, 真係好正。食到底, 完全無一粒粒的石膏粉的感覺, 食完後都沒有那種"鞋"口的感覺, 真係好正好正。再入大澳, 這是必食的。

吃完雞蛋仔, 再拉隊來吃豆腐花. 已經接近五點, 一入到來, 先知道差不多賣光豆腐花了, 幸好最後還是有最後三碗豆腐花, 另外問有無黑白, 也是賣光了. 店員提議要三碗芝麻糊, 自己自行去撈埋?!豆腐花: 6分, 凍的全賣光, 只剩下熱的, 但其實是室溫. 本來最新鮮的豆花應該就是這種溫度, 但看來是日吃到的只是因為未雪得切, 又放涼了, 變得溫雲吞吞. 豆腐花還算滑, 不過沒有甚麼豆香, 就如風一樣, 一啖吃了不留痕跡.芝麻糊: 6分, 也是只有熱無凍, 熱辣辣的芝麻糊, 不太夠芝麻香, 偏杰.整體只是一般, 當然, 一場來到試一試, 就當是參觀景點吧.

因為當日D凍豆腐花買哂,我地只好叫了兩碗熱豆腐花,食既感覺真係好鬼滑 ,同平時街市買既真係完全唔同,又滑又有豆味正,豆腐花只要落一匙糖都夠哂啦

1月4號個日同左男朋友去大澳逛....由上水去大澳...真的唔方便!!!搭車又轉船....大澳真係好細啊..好似得1條好行咁!!!但就好熱鬧...好多海味賣啊...但好貴ar!!順住條路去行就好易搵到"車站豆腐花"嫁la!!!!第1次行過個陣...見到冇咩人食...所以冇入去食啦!行返轉頭個陣...就見到勁多人wor!!!咁我地就入去試下la...我地叫左2碗凍既豆腐花...好搞野..我地2個都落左黃糖粉...!!但我就覺得好怪la..因為都溶唔到既..之後見到.......e..有糖漿既...咁我唸凍既豆腐花應該係落糖漿既!!之後落返糖漿...好味好多^^d豆腐花真係好滑...放落口就好易吞落去!!加上凍凍地....好正!!男朋友食完1碗之後...再叫多左碗...因為佢話好正^^叫左3碗...total: $21$7碗真係唔太貴!!!

從冰室出來,於同一街道上,走過些便到了。住家式的小店,貼滿了家庭相與小朋友的畫,檯旁也放了梳化、櫃子...點碗凍豆腐花。凍豆腐花沒有加糖水,自行加羹糖也覺得不夠甜。凍豆腐花幾夠凍,個人覺得豆腐質較重,不夠滑身,而豆味則不夠濃。服務方面不錯,老闆好禮貌。下次再來大澳,會試試熱豆腐花。