CHiLL-i (Closed)

餐廳喺駱駝漆大廈3座，樓下見到好多人排隊上樓，不過好彩條隊去得好快，而一出電梯嘅左手邊就見到間餐廳。店面唔算好大，不過枱同枱之間唔會好迫，都坐得幾舒服。首先叫左個小食，豆腐魚餅。煎得非常脆，熱辣辣，好驚喜，係外脆內軟嘅口感👍🏻，而且唔會好細塊。豆豉蒜蓉椒絲忌廉汁燴蜆肉意粉，用豆豉整意粉，有少少fusion菜嘅感覺，不過食落唔突兀，蜆肉份量都幾多，如果意粉可以多返啲咬口就更好。加多$30就可以轉set，有餐湯、甜品同2款小食，抵食！蒙古香草羊扒配沙律薯條，羊扒帶一點脂肪，煎得外皮有少許焦脆有油脂香，望落大概7成熟，好易咬，有肉汁唔乾，連我平時唔太食到羊扒嘅人都覺得好食👍🏻。星辰大海，飲品嘅名稱同埋個樣都好靚😆，啱晒打卡。飲落好清新，夏天飲好解渴。而焦糖咖啡就係正常cafe質素，有保證嘅選擇，不錯👍🏻。

呢間新開嘅西餐位於駱駝漆大廈，鋪頭睇落冇咩特別，但食物原來都幾出色！┄┅┄┅┄┅┄┅┄𖣒 焗意大利雜菜玉米片配牛油果醬 $68呢個Nachos焗得幾香，芝士唔係好多所以唔借覺得膩，點左牛油果醬好清新開胃。評分：🌕🌕🌕🌖🌑-𖣒 柑橘檸檬味胡椒焗新鮮三文魚 $128呢個好抵食～成道菜有三層，分別係三文魚、白蘿蔔同埋著仔。三文魚超厚身，一咬落去外皮香脆，魚肉juicy。加上蘿蔔索哂魚同檸檬汁嘅精華，咬落去好多汁而且味道好清新。評分：🌕🌕🌕🌕🌘-𖣒 豆豉蒜蓉椒絲忌廉汁燴蜆肉意粉 $118豉椒炒蜆食得多，加埋意粉真係未試過😂 食落好有驚喜，豆豉反而令成個意粉更加香！如果真係整個豉椒炒蜆肉意粉應該會仲正🤣評分：🌕🌕🌕🌕🌑-𖣒 蜂蜜柚子梳打 $38飲落唔太甜，會食到d果肉，仲好靚～評分：🌕🌕🌕🌖🌑-𖣒 棉花糖可可 $43雖然朱古力上面加左棉花糖，但其實飲落甜度都偏低，而且幾順滑👍🏻評分：🌕🌕🌕🌗🌑