喜記蟹將軍 (Closed)

我想吃蟹已經有一段長的時間,經過此店,心想一試無妨。吃後發覺除了蟹之外,它的其他食物水準也不錯。可以再番 cheuk! 豉油頭抽雞雞味香濃,不似雪藏雞,而且十分入味,很驚訝我還可以在銅鑼灣旺區吃到這種鮮味!杏汁炖豬肺湯很鮮甜,不肥脷,愛湯之人必叫的菜式。滋陰潤肺。花雕蛋白蒸肉蟹花雕香味從遠處已令我口水不停咁流,蟹肉肉質鮮甜,底層的蒸蛋白吸收咗濃郁的花雕香味和蟹肉的鮮味!果然係招牌菜!  蟹油炒麵跟一般的豉油皇炒麵大不同,蟹油蒜香加上微辣的調味,十分滋味!我都食咗好幾碗。豆豉鯪魚油麥菜 青菜方面,本人十分喜愛油麥菜,這碟菜吃得出很有鑊氣,作為大魚大肉的緩衝是很不錯的選擇。有機會的話會再來擦過! 

喜記位於鵝頸橋直入謝斐道口地庫，交通非常方便。 是日沒有行動不便之長者，即使下樓梯沒有問題。 這是第一次來光顧，用膳地方不太逼狹，大家坐得十分舒適。 招呼亦不如之前食評般差，而當晚服務相當之好﹗ 杏汁燉豬肺湯真材實料，充滿杏仁香，好喝﹗ 豉油頭抽雞賣相稍深，有別於燒味店的貨色…然而吃下去，相當入味，雞胸亦很滑；「雞」不可貌相啊﹗值得一試。 士多啤梨骨、金牌牛肋骨、豆豉鯪魚油麥菜及馬拉盞芥蘭煲都好味道，碟頭份量多一點便更好！ 是晚的清蒸沙巴龍躉，是我覺得最好的一道菜﹗火路控制得剛剛好；無得頂﹗連頭都好食啊！ 整體而言，食物質數高，價錢貴少少，是晚家人都相當滿意。作為高級食肆，洗手間設計可以完善些，洗手盆搬回洗手間內，食客感覺衛生一點啊。

年年聖誕放假一班frd出來唔係食buffet就BBQ/打邊爐，食都食到悶~ ~今年搞搞新意思，拉隊食中餐。大時大節緊係揀間好D ge酒樓，成日聽人講喜記炒蟹好味，一於走去試下。我地一行十個人，果度地方都算乾淨，坐得幾舒服。點左十個餸倒，有幾個真係值得推介!!!陳醋木耳一開始來個開胃ge前菜先…味道岩岩好，唔會太酸，木耳夠爽口!豉油頭抽雞豉油汁有少少甜味，唔會得個咸…幾好味~ 雞肉唔癡牙~唔錯!!馬拉盞芥蘭煲一上菜已經聞到香味…馬拉盞勁惹味，送飯一流。花雕蛋白蒸肉蟹成圍枱最期待ge當然係喜記ge蟹!!!我地都估唔到D蟹幾大隻同多肉，花雕味重得來又唔會蓋過左蟹ge鮮味~極力推介!!清蒸沙巴龍躉肉質滑溜..唔會好似食香口膠咁，最重要係唔腥 (我本身好怕魚腥味><)蝦多士炸得幾香口…有蝦味! 食落又唔會太油膩~總括來講果晚都幾滿意，下次會再去! 價錢貴少少但值得一試~~~ 

聞名已久，第一次光顧，但對於像我一個不愛吃蟹的人來說，起初並沒有什麼期望，但品嚐過後卻沒有令我失望！陳醋木耳先來一客開胃前菜，木耳十分爽口，配以陳醋，絕佳的配搭！皮蛋酸薑可口的溏心皮蛋伴泰式雞醬及酸薑，惹味開胃！豉油頭抽雞十分入味，雞味濃且鮮嫩！花雕蛋白蒸肉蟹主角出場！本想直接忽略它(因為不愛吃蟹，留給其他人吃)，但陣陣花雕香味令我不禁一試，果然蟹肉很鮮，跟用花雕酒調的醬汁配合得恰到好處，最喜愛底層的蒸蛋，原全吸收了醬汁和蟹肉的鮮味！金牌牛肋骨我是牛的愛好者，這道菜完全滿足了我的喜愛！牛味香濃且肉質軟腍，非常好味！蟹油炒麵最驚喜之一道菜！眼前看似一碟平凡的豉油皇炒麵，麵質偏幼但口感十足！配以乾蒜，十分香口！不禁吃了幾碗！這道炒麵還可以選擇辣或不辣。瑤柱桂花炒粉絲這道炒粉絲十分可口，粉絲沒有黏在一起，每一條都很入味，可見廚師功力，日後再光顧必然再點這道菜！最後，不得不讚甜品流沙奶皇包，比酒樓的還好吃！可惜忘記了拍照。