麵屋豚豚拍子 x 辛味屋 (Closed)

二人套餐只係$228起，有2款主食+3款小食，又抵食又飽肚。鰻魚丼，這個鰻魚實在無得頂，肉質肥美彈牙，魚既細骨亦唔多，鰻魚汁味道調製得岩岩好，撈飯食一流。豚軟骨拉麵，拉麵麵質幼身，我鐘意哩種口感，掛湯力強，每一啖麵都食到濃厚既湯底味道，豬軟骨既骨煮得好腍，輕輕一咬就輕易咬開。炸雞肉，份量都算多，有5件大炸雞，外層炸得香酥脆，雞肉亦鎖得住肉汁唔軟身。燒牛舌，簿切，可以一口一片，質感結實有咬口。炒魷魚鬚，魷魚好滑，每條魷魚鬚都被調味醬料炒得入晒味，煙韌彈牙。

因為疫情的關係，大家都少咗出街，所以我有一段時間沒有約朋友外出吃飯，趁今日和同事一起當值，就一起吃餐飯聚聚才回家。之前也來過這間餐店，套餐的選擇挺多，所以是encore之選。門面和內裏的裝潢都沒有變，門口闊落，紅色的大日式燈籠、食物模式和幾牌巨型餐牌，都是它吸引之處。內裏裝潢滿有和風色彩，簡約舒適，地方又寬敞，最喜歡是間了多格闊落的卡座，枱與枱距離甚多，最適合不過。二人套餐枱上已放了多份精美的餐牌，選擇真的很多，有多款套餐和定食，仲有不少散點菜式。套餐定食包括有壽喜燒鍋晚巿定食、多款晚巿定食、咖哩晚巿套餐、奄列晚巿套餐、烏冬晚巿套餐、弁當晚巿套餐、蓋飯晚巿套餐、日式麻婆豆腐晚巿套餐、晚巿自選拉麵套餐、自選二人套餐等等….********************先揀了一份晚巿自選拉麵套餐 Flexi Dinner Set for 1($79)，包一款拉麵和一款小食。同事喜歡以大量豬骨、桶骨及豬手熬製而成的特濃豚骨湯底，貪佢骨膠原豐富喎，哈!就在六款中選一客豚軟骨拉麵Pork Cartilage Tonkotsu Ramen(+$5)，配料包括不少爽口的木耳和荀片、一隻溏心蛋、大量清香的蔥

星期天，一家人通常都會外出吃飯，見這家沒有試過，於是就來試試。門面已經很有日本風。燒牛肉蓋飯：父親大人就點了這個牛肉飯，看起來跟吉野家差不多，他說沒有太多汁，覺得一般！吉列豬扒奄列咖喱飯：我弟就點了這個咖喱飯，他說還好，不過不失我跟母親大人都是點了拉麵套餐（一個拉麵配一個小食）白豚拉麵：母親大人就點了這個人氣之選配自家製餃子。叉燒肉質鮮嫩，除了叉燒外，還有木耳絲、蔥、筍，十分豐富，但她覺得拉麵太少 🤣自家製餃子：不會太油膩，但是不太熱！豚軟骨拉麵：因為這隻糖心蛋，所以我點了這個 🤣 湯底是特濃豚骨湯底，我挺喜歡這個湯底，因為大多數日本拉麵湯底都很鹹，這個都鹹，但不會太重味。豚軟骨很「林」。至於我就不覺得拉麵太少了，可能我比她多兩個餸，就是豚軟骨跟糖心蛋了 🤣枝豆：因為想吃點蔬菜。這個枝豆是熱的，平時吃的多數是冷的。相比之下我喜歡冷的，因為熱的比較「林」總括來說沒有什麼特別，價錢都算正常，平時落樓下吃都算可以！

星期六的晚上，來到將軍澳新都城的麵屋豚豚拍子食拉麵，這拉麵店原來都有唔少選擇，有拉麵、便檔、蛋包飯、咖哩飯等選擇。這個2人套餐好抵食，除2個主食外，還跟3款小食，都只是$208。豬扒滑蛋飯，整得幾精緻，豬扒炸得好脆、好鬆化，滑蛋非常滑，帶有少少甜味、滑蛋上舖了滿滿的洋蔥，洋蔥好爽口，整體很好食。豚軟骨拉麵，湯底未算好濃，但軟骨味道香濃，鬆化，拉麵的蛋好滑，還有少許流心。吉列蝦，蝦都比較粗身，炸得香脆可口。芝士年糕一咬芝士醬流哂出黎，很濃味。吉列魷魚圈，魷魚圈很彈牙，而且厚身，炸粉較少，很好食。

同朋友夜晚嚟到呢間日式麵屋，我揀咗個晚市自選拉麵套餐豚軟骨拉麵材料主要有醬汁煮豬軟骨同味玉有啲拉麵必定有嘅配料：荀絲，蔥粒同木耳煮過嘅軟骨味道濃，肉質細嫩，而且啲軟骨位晶瑩剔透，好淋好易咬，煮得啱啱好加配嘅小食係串燒雞軟骨(又係軟骨有兩串，配上新鮮檸檬汁，酸味帶出串燒嘅香味外面燒得乾身，內裏係有咬口嘅雞軟骨同一啲雞肉組織，幾高質炒魷魚鬚係類似生薑燒嘅味道，魷魚嘅質地好特別，介乎係鮮魷同水魷之間，有啲爽口又有啲嚼頭雞咖哩蛋包飯賣相幾靚，連隔離檯都忍唔住話呢度啲咖哩好香炸雞係較扁嘅一種，炸得好香，雞肉又雪白食落外面炸粉嘅調味好日式，入面雞肉嫩滑，配搭咖哩十分match!跟餐配沙律同味噌湯，本身以為係薯仔沙律，點知係粟米沙律，不過好彩都夠甜又好食最後係追加嘅炸忌廉以為係好似炸鮮奶，原來入面嘅忌廉係好似白汁咁嘅忌廉，食落有鹹香，幾特別