小火焰韓式咖啡廳 (金山樓) (Closed)

難得放假，一行二人到餐廳食中午飯，當係食餐好既，十二點正黎到已經有好多人係到排隊等緊，好彩唔洗等下一round可以準時入到去。 叫左兩個午餐第一個係豬五花炒粉絲，$62，唔會太辣，都算咸，鍾意重口味嘅人應該啱。第二個係海鮮炒淮山麵，之前已經食過好多次，因為份量非常多而且炒得好入味所以每次都會嚟食，$78。小食不限一個餐只能加一份，可以多加，我地加咗四樣小食，每樣都係$10-$12左右，幾抵食。炸雞翼吉列炸蠔炸雞涼拌海帶另外送熱飲，凍飲加3蚊。分別叫咗凍檸茶同柚子蜜。每張餐枱都有紙巾同埋消毒酒精，不錯。

大圍又有新餐廳，今次呢間開正係大街既韓國餐廳，呢日午飯時間門口大排長龍，望望餐牌全部幾十蚊個餐又有咁多選擇，一試無妨。.▪️豬五花炒粉絲$62六-七片豬五花腩片用韓式辣醬醃左之後炒粗粉絲，加上大量雜菜(翠玉瓜 椰菜 紅蘿蔔 洋蔥) 。配料夠大之餘粉絲入味又淋身，不錯不錯😍.▪️ 卡邦尼小杯年糕（Lunch+$10)小食加$10就有 睇落細細盆咁 食落去都有成10幾舊 卡邦尼奶味相對比較重👍🏻.▪️原味炸雞$158想食有骨炸雞 但Lunch Menu無得擇 原來叫一份炸雞都只係$158 裡面仲有好多雞上髀🙈 雞肉超好食😍😍炸粉夠薄得黎 雞味好濃 加埋兩個好好食既韓國炸雞特色醬汁😉.▪️ 韓式煎雜菜蝦餅$78呢個類似泡菜煎餅既蝦餅，蝦同泡菜係放晒係中間，之後成塊餅就係煎餅加羽衣甘蘭同紫洋蔥🧅個人就覺得可以再煎脆D會更好食 而家就淋淋地咁既口感。.Lunch Set會跟杯飲品就擇左「熱蜂蜜生薑茶」唔使加錢，大部分午餐都真係幾抵食，都係$70蚊左右，午餐又唔使加一，所以等位都等左成20分鐘😅性價比都算幾高👌🏻

環境：環境大大約有二十幾張枱，枱很闊落坐得舒服，有WhatsApp電子餐牌睇，又有Wi-Fi免費提供，好方便。食物[👍🏻芝味炸雞半份$98]半份入面有雞翼雞鎚雞胸三個部位，雙重芝士有芝士粉芝士醬，炸到黃金色，雞皮多好多脆口位，記住趁熱食！配埋骨筒及手套十分貼心。[👍🏻酥脆黑豚肉拌飯$58]黑豚肉好香口 仲有些黑椒味，如果厚切更加好，飯有些麻油紫菜芝士醬，拌起來增添飯香，再加上高麗菜絲中和返味道。[👍🏻豬五花炒粉絲$62]份量很多很足料，粉絲好入味味道濃，辣度適中不算很辣。午餐真係好抵食，款式好多又包嘢飲，仲免加一，午餐時間12:00-17:00。上社交平台打「小火焰韓式咖啡廳」會有更新餐牌資訊睇。