永恆豬雜粉

Open Now

Now Closed

今日又係元朗搵食，呢次試咗新嘢，就係食豬雜湯。牛雜大家食得多，專門食豬雜又真係吾係咁多，所以一定要去試。小店位於元朗水車館街，店子小小，只有三張二人枱，繁忙時間需耐心等候坐位。如果住得近，或者外賣食更快捷。見餐廳介紹自己有肉檔，每日供應新鮮豬雜。並且以大量豬骨熬製香濃豬骨湯底，然後採用新鮮豬雜即叫即生滾。《足料豬雜湯》（$88）成碗豬雜湯有曬心、肺、喉、膶、肚、橫脷、粉腸等，令整碗湯好鮮甜。咁大碗，咁多工夫需要處理，真心抵食。最緊要嘅係，我朂鍾意食嘅豬腸同豬肺，都洗得好乾淨冇蘇味。《滷水豬大腸》（$28），滷水夠入味，而且唔會太肥美，感覺冇咁邪惡。試埋個《豬腳筋薑醋》（$58），又幾好飲，蛋夠香，豬手腳夠惹味，仲有腳筋添，好補身。整體真心不錯，值得去試吓。

入黎元朗探6伯父6 伯母，而家西鐵好方便，半小時就由九龍區入到元朗。小時候常常到水車館街流連，好多回憶。開左幾間新讓餐廳。見到呢間豬雜粉，外賣人流都好多，原來店舖有自己的新鮮豬肉店。即刻點豬潤公仔麵，湯底係非常鮮甜，薑味都夠，豬潤咬開無血水，溫度剛剛好，口感彈牙好嫩滑。店員推介豬腳筋薑醋，嘩，豬腳薑食得多，豬腳筋真係啖啖心機，好足料。外賣多一碗番屋企嘆。小食 鹵水雞翼，入味，又不會過咸。我地好飽，但老闆好好人，整左好細碟豬紅比我地嚐味，家人話未食過咁新鮮的豬紅。仲有玻璃樹樽可樂，特別好飲，爽呀。