札幌拉麵 Miso No.1

Open Now

Now Closed

荃灣西A2出口，沿大路行二分鐘到荃灣廣場，再上天橋，行經荃新天地一期再向前走就是荃新天地二期。舖前陳列各式食物的樣本，很真實，店鋪座位頗闊，牆壁上的裝飾俱特色是稻米草陳列在玻璃櫃內，很美觀。餐牌上的$89套餐很抵，我們選擇左豬軟骨拉麵🍜加蟹籽沙律。豬軟骨夠淋夠入味，半隻溫泉蛋都很好吃👍蟹籽沙律很新鮮又清甜。另黑豚肉拉麵加咖喱飯🍛黑豚肉極不錯，重有黑木耳的爽口配拉麵一齊入口，又爽又滑。咖喱飯不辣很香。燒魷魚筒🦑燒得剛好，燒汁很香帶少許甜味，這餐的食物味道我很滿意，服務態度良好，環境不錯都很舒適。有機會再吃其他食物。

天氣炎熱，最佳避暑方法是逛商場及購物，我們來到荃灣荃新天地2期，適時下午茶時間，走進一間叫札幌拉麵店午膳，選了套餐，1⃣️自選套餐 點了豬軟骨拉麵$69，加燒多春魚$5，轉熱飲$3。豬軟骨拉麵(豬軟骨夠稔，拉麵爽滑及湯底清甜），燒多春魚，雖然細條但很鬆脆，加少量檸檬汁更鮮美可口。2⃣️咖哩午市套餐燒牛肉咖哩飯$49，走湯轉熱飲加$3。燒牛肉咖哩飯份量很大碟，牛肉鮮嫩及咖哩汁適中（不太辣)另有一小碟薯蓉。另兩客小食1⃣️廣島炸蠔$22及2⃣️炸魚柳$22。炸廣島生蠔，很熱和脆口鮮美。炸魚柳亦是，附上的沙律醬及少量碎雜菜伴碟，非常配合，兩樣都全吃了，很滿足，值得推介。

已經好耐冇嚟幫襯, 今次嚟都係碰下運氣睇下佢仲响唔响度, 想嚟回味一下, 雖然舖頭尚在, 但味道已經唔同以前, 可能我自己口味都唔同咗掛~ 豬肉拉麵其實同人地果D叉燒咪差唔多, 都叫做唔算好肥, 不過個麵食到鹼水味囉~ 同埋D麵冇以前咁彈牙, 個湯又冇以前咁好飲, 樣樣都好似差D咁, 好失望~ 豬軟骨拉麵同豬肉拉麵一樣, 只係變咗豬軟骨, 個軟骨係蚊得幾林, 但好似唔係好夠味咁~ 串燒雞翼都係熱辣辣, 將啲雞油燒哂出嚟, 一啲都唔肥膩 燒多春魚果然係即叫即燒, 熱辣辣, 燒到好香口同有少少脆口, 成條由頭至尾, 連中間條主骨都食埋, 夠哂補鈣, 不過得3條好似唔多夠喉~

荃灣出名多嘢食，但weekend始終人較多，今日我哋約咗人去荃灣搵食，但又冇心機等位，朋友提議去距離地鐵站較遠嘅荃新天地度食，果然人真係少啲，食都食得舒服啲啊嗰度都有唔少餐廳俾我哋揀，但我哋見到札幌拉麵，仲寫住no.1,就二話不說行咗入去店內環境乾淨企理，而且夠光猛，雖然我哋只係得兩個人，但都有得坐4人卡位，yeah望望menu,估唔到價錢幾平喎，二人餐有幾款揀，我地就選擇左食$259店長推薦二人餐，包兩碗拉麵🍜，四款小食，同埋兩款無酒精飲品，晚市黎講真係超低當然喇，平還平，食物質素都好重要，估唔到呢度真係ok喎，我揀左招牌牛油拉麵🍜，黎嘅時候，上面真係有塊厚牛油，用筷子夾住，係啲湯上面畫圓圈，望住塊牛油慢慢溶，好治療啊味道香濃，拉麵軟硬度適中，而我朋友就揀左個豬軟骨拉麵，基本上大致同我嗰個差唔多，只不過少咗塊牛油，同埋多幾舊豬軟骨，豬軟骨夠淋夠入味，配埋拉麵好夾啊，如果雞蛋係糖心蛋，就更好了到小食了，首先去蟹子沙律，蟹籽粉量多，菜夠新鮮爽脆，撈埋沙律醬，不錯吉列魷魚圈，分量十足，外面脆卜卜，入面充滿魷魚香，配埋沙律醬，簡直係一流估唔到餃子都非常好味，皮薄，餡料又不膩，幾乎比我一個人食

行左好耐見到門口嘅餐牌好似唔錯，就入去了，研究食咩好就覺得所謂套餐都唔抵食，最後只叫2碗麵，又睇唔上咩小食，諗住之後搵甜品食，所以隨便食完就走。上麵都快，麵質都唔錯，味道都唔差，食完都唔覺好口渴，應該無乜味精，碗就好大但其實碗湯麵好淺，食完剛剛好飽嘅。※食完出來先發現隔離好似仲正，下次要試下

雖然呢個商場冇乜嘢食, 但由於返屋企個巴士站响樓下, 所以响呢度搵食, 大部份都係食日本嘢, 仲要係放題, 我地又唔係咁食得, 所以都係嚟呢間, 食個拉麵算數~ 話就話食拉麵, 但點會咁dry丫, 點都要配d小食, 而且佢d餐都係配埋小食的, 只係我地額外叫多咗1個廚師推介, 所以飽到上心口~叫完嘢食, 周圍望下個環境, 原來牆上有介紹佢個味噌湯, 雖然我唔識日文, 但都識睇d漢字, 呢d字先係重點, 又可以美容, 又消除疲勞, 又防止老化, 仲有對胃、肝等等好多功效, 所以呢度d湯底只係得味噌湯, 冇其他選擇~   豬肉拉麵  湯底好濃味, 好香味噌味, 佢講到咁勁, 又咁多功效, 真係唔飲多d都唔得, 但飲得多, 又好鬼飽, 而且食到尾, 但味越嚟越濃~ 豬肉太瘦, 有d鞋口, 但啱我呢d唔鍾意食"肥"的人, 佢d豬肉即係平時叫的叉燒, 唔知係咪佢塊肉太大塊, 平時食開拉麵的叉燒, 都係一片圓碌碌的, 但呢度係切到起角, 好似切蛋糕咁, 有d奇怪, 而且又厚身咗少少, 要好小心咬, 因為好易攝牙~   豬軟骨拉麵只係得3舊左右, 唔算大舊, 但炆到好林, d軟骨林到好似牛筋

今日 lunch 諗左好耐決定返頭去多 round "札幌"!!一行 3 人... 哇, 何解今日咁多人!?得返 bar 枱位可以坐咋....環顧四周, 果然又係比日本人包圍...lol今日我地試左:同事仔 - 雜錦拉麵 併 雞中翼 配 可樂同事仔 - 豬軟骨拉麵 併 餃子 配 雪碧我自己 - 辛辣拉麵 併 雞軟骨 配 忌廉今日真係全場爆滿, 等左大約 10 分鐘, 終於有得食嚕 雜錦拉麵 併 雞中翼 配 可樂:湯底好味, 配料咩都有, 好雜錦, 哈哈 雞中翼 (3 隻), 皮脆脆的, 肉嫩嫩的 豬軟骨拉麵 併 餃子 配 雪碧:湯底好味, 豬軟骨味道軟度o岩o岩好 餃子 (4 隻) 微微脆底, 菜肉豐富 辛辣拉麵 併 雞軟骨 配 忌廉:湯底好味, 程度屬小辣, 可惜無蛋蛋 雞軟骨 (3 串) 香脆可口又野味, 超讚 不過如果 lunch 黎計真係貴貴地, 但係又真係幾好味...湯底仲可以就返你口味, 可以要求濃味 / 淡味耶~下次一於試下冷拉麵, 嘿嘿!!!