壹玖陸零 (Closed)

小弟平時好夜先係觀塘收工，所以食晚。飯都會盡量係觀塘搞掂。最近唸住同一位小學同學聚舊，傾傾下先知原來佢宜家都係觀塘呢頭返工。於是我緊係推介返之前食過嘅1960啦。由於本人同個小學同學都幾大食，所以呢次都唸住擦餐勁！一開波叫咗個椰菜花忌廉湯，因為之前睇過其他食評話餐湯好濃味。 試完真係無失望，食得出用材新鮮同真係精心烹調過先咁濃郁又無渣。另外，一定叫佢個封門柳！$208 高質好食封門柳邊度搵？ 之後叫咗個黑松露飯同豬鞍試試。封門柳肉嫩有咬口，配埋個青醬少咸但解到個油膩感。🥩🌱黑松露雜菌飯足料同Creamy😋豬鞍配青蘋果蓉幾有新鮮感，但相比下都係上次個豬羽毛更正😛 最後係佢地嘅蜜糖烤雞翼，佢地星期一至四除咗全單9折仲送雞翼呢下幾窩心。

餐廳係復古風嘅裝修，播放住oldies 嘅音樂，座位舒適。前菜大力推介八爪魚薯仔沙律！八爪魚超級爽口，薯仔蓉已經調咗味，再配上沙律菜加少少沙律醋，超級令人開胃。另外，最鍾意豬鞍個主菜，肉質細嫩，口感極佳。而且份量一啲都唔細！配菜亦都唔求其！！仲有蜜糖雞翼都超級好味，個皮脆卜卜，裏面啲肉又滑又林。餐廳侍應超細心，最後送咗白兔糖奶凍俾我哋，超香白兔糖味，但係又唔會太甜，奶凍面有脆脆，奶凍好滑，口感超好。

無意間搵到間新開嘅西餐，見到menu幾吸引，價錢又合理，所以就試吓。1. 鵝肝好大塊，好香，仲有塊脆嘅麵包，食密一啲都唔膩2. 煎魚啲魚鱗都煎埋，好香好脆，個汁可以再濃味啲，但都好好食3. 豬鞍好大份，肉好嫩，一啲都唔「鞋」4. 大蝦意大利飯比較濃味，仲有啲酸酸地，好開胃，如果蝦份量可以多啲就好當日臨近中秋，仲送咗迷你cranberry月餅，味道好特別總體而言，係觀塘少有好食又抵食嘅餐廳，裝修又靚又有特色，值得再嚟！