新記芝士麵 (Closed)

呢間應該開左十幾年都有，耐不耐經過就會去食。而最出名就當然係芝士撈麵，記得要加錢轉出前一丁，因為個人比較鍾意食出前一丁既麵。燒過既豬頸肉好香，配埋佢地秘製既芝士汁，每一啖麵都有芝士，食落都幾邪惡下。講真宜家既芝士確實無以前咁濃，但呢個價錢來講算係不錯了。雖然份量比較細，但芝士真係唔食唔到太多，所以我覺得都幾飽肚下。

新記芝士麵，又係一間大隱隱於市嘅本土食店。差唔多九點嚟到，人唔算太多，仲有少少枱未滿。事頭婆係愛狗之人，收銀處貼滿狗相，而且不斷同佢隻狗係收銀台度玩。一坐低，即點兩味：豬頸肉芝士麵 同 蜜汁龍鬚。後者先至。三個字：勁好食！啲蜜汁非常入味，加上芝麻香，完全係畫龍點睛。大推！芝士麵。麵唔會煮得太軟，所以食落有口感。豬頸肉本身做得不過不失。兩者再配搭上一大片芝士汁，只可以講係「非常放肆」！好滋味。唯一要吹毛求疵嘅美中不足，就係芝士唔夠香。不過呢種芝士先有港味，換轉咗用真係有水準嘅芝士，可能就冇咗呢種本地感。結論：值得返嚟一食再食！