艋舺ㄟ雞排 (Closed)

這間人氣小食店位於銅鑼灣的波斯富街，是來自台灣的人氣炸雞排名店，主打多種口味的台式炸雞。海外分店更設有香港限定口味—避風塘及蒜香，充滿香港特色。所有食品堅持使用鮮雞，絕不使用雪雞。每塊雞扒以厚切式切割，厚度多達約兩公分，高溫油炸時更能避免雞汁的流失，口感更紮實滿足。店內以型格的黑色為主調，設有少量堂食座位，開放式廚房能欣賞到製作過程。天王雞排 - $48招牌鎮店名物，嚴選高品質純釀醬油，風味較醇厚，更採用蜂蜜取代砂糖，帶有機又天然的蜜甜，吃起來帶有焦香感。苔客雞排 - $48整塊雞扒撒滿了海苔粉，散發出濃濃的海苔香氣。蒜香雞排 - $48滿佈香濃惹味的蒜鹽，濃郁的蒜香深深滲入雞肉中。起司雞排 - $58蓋上一大片芝士帶淡淡的鹹香，中間拉開有長長的芝士絲富奶香。

好掛住台灣嘅國民小食 除咗珍珠奶茶梗係非雞排莫屬 呢間過江龍嚟到香港都開係鬧市地點好方便❣️苔客雞排 $48平時用紫菜碎嚟撈飯就試過 同雞排一齊食真係好特別紫菜嘅鹹香加上雞扒嘅油脂勁香勁正❣️起司雞排 $57芝士唔使多講 加落任何食物度都會一秒升級 熱辣辣嘅芝士上枱嘅時候呈半液體狀🧀好濃郁好 一咬拉絲真心冇得頂❣️避風塘雞排 $48香港限定嘅口味梗係要試吓 平時大排檔先食到避風塘嘅野 估唔到出現喺間台灣舖頭度甘口焦香嘅蒜香豉味結合 真係得香港先搵到❣️金鑽鳳梨 $25呢個超級推薦 厚切鳳梨片🍍一咬爆多汁外邊脆卜卜入面好juicy 呢個對比差好滿足❣️紅肉地瓜條 $25紅肉嘅番薯條比較少見 食落口感更加實在 番薯味更加濃郁🍠❣️鳳梨綠茶 $28身為鳳梨控除左食鳳梨仲要試埋鳳梨綠茶 清香鳳梨配搭淡淡地嘅綠茶 好fresh🥤❣️百香果綠茶 $28香甜嘅百香果加上口感清爽嘅綠茶 飲落有種去油膩嘅感覺🍵

聽講呢間炸雞扒店係台灣好出名黎到香港。原本佢係Sogo basement 嘅，後來搬咗係呢個地址。甘出名就要黎食吓～6款炸雞天王雞排，辣妹雞排，香蒜雞排，苔客雞排，起司雞排，避風塘雞排每塊都成隻手掌甘大，脆脆炸皮，肉質嫩口好啱平時午餐快食，下午茶黎食每次loop住黎食，各有滋味😋必食❗️黃肉地瓜條一炸起就忍唔住要食返條。嘩！一食，熱辣辣好脆口，粉薄。我個人覺得蕃薯味有種甜蛋糕味。yum yum金鑽鳳梨好厚切，超juicy！佢上面搽咗啲甜甜哋嘅醬料，酸酸甜甜好醒神。有機玉米筍加咗天王粉好嘢味，每條脆脆可口

店家主打只用新鮮雞肉製作，不用雪藏雞，非常高質。雞扒差不多成2厘米厚😍，且即叫即炸，所以他們的雞扒特別軟嫩，香脆爆汁❤️，是一眾食肉獸的福音🤩。起司雞排 $58 (爆推🌟🌟🌟🌟🌟) 最受歡迎的是起司雞排，半融溶的芝士佈滿整個雞扒表面，拉絲度爆燈😍😍。邪惡得來超級好食，好想encore。苔客雞排 $48 (爆推🌟🌟🌟🌟🌟) 好友台灣夜市的味道，雞扒灑上滿滿紫菜碎，香噴噴得來帶點鹹味，甜鹹甜鹹最佳組合的示範❤️，層次豐富。辣妹雞排 $48灑上紅噹噹的辣粉，強烈刺激你的味蕾，雞扒大過我隻手掌，大件又熱辣辣，要張嘴去到極致程度才能吃得下，小心越食越過癮😝。蒜香雞排 $48這是香港限定口味，配合地道口味創作而成，極具誠意。蒜香味十足，超級惹味，啖啖肉得嚟超爆Juicy🤩🤩🤩。小食也是香港少見，食到我舔舔脷😋。金鑽鳳梨 $25 (爆推🌟🌟🌟🌟🌟）鳳梨果上一層薄粉，炸得外脆內軟 ，一啖入口，超飽多汁😍酸酸甜甜，相信是所有女士的最愛。炸雞皮 $26 (爆推🌟🌟🌟🌟🌟）的確是最強誘惑，停不了手！！這款小食每天限量供應，超級爽脆，雞香味十足，果然越邪惡的東西是越好吃😍。脆啃雞腿 $25肉質緊致，鮮味十足

原來艋舺ㄟ雞排依家已經係香港開左分店，今個weekend特登抽時間過黎銅鑼灣會一會佢。除左台灣都有嘅天王雞排、苔客雞排、辣妹雞排同起司雞排，香港分店仲有避風塘雞排同蒜香雞排兩款香港限定口味。一場黎到，當然傳統同香港限定口味都要試下喇。天王雞排 ($48)外皮炸得好脆，雞肉好滑好多汁，勁惹味！苔客雞排 ($48)雞排表面勁多海苔粉，每啖都食到濃濃嘅海苔味。避風塘雞排 ($48)避風堂雞好多椒鹽粉，唔會話好咸，反面椒鹽吊起左雞排嘅鮮味。好食 ！起司雞排 ($58)表面落左大量芝士。幾款雞排之中佢最香。食起上黎仲有拉絲效果～正！紅肉地瓜條/黃肉地球條（$25）地瓜條新鮮熱辣。紅肉比黃肉甜，黃肉就比較有蕃薯味。兩款都好好味。蘆薈綠茶/益力多綠茶（$28）蘆薈綠茶蘆薈粒大大粒，勁有咬口，綠茶有回甘味，好好飲。益力多綠茶酸酸甜甜好開胃。金鑽鳳梨（$25）鳳梨燒完，甜味出晒黎，好好味。可惜唔記得影相。佢所有雞排都係用新鮮雞，唔係用雪藏雞製造，而且所有雞排都係即叫即炸，保證熱辣辣。不過因為即炸，所以要預返時間等一陣先有。估唔到香港分店都有台灣水準，以後口痕都可以係香港止住痕先。