嘉樂冰廳 (U PLACE) (Closed)

曾經為左超厚奄列同阿華田milkshake而專程去總店排好耐隊, 知道li間老字號土瓜灣開分店實在期待, 今日送完阿仔返學有機會食.😋大滿足奄列睇返menu感覺食物款式多左, 價錢反而差不多, 好似li碟超巨型奄列咁, 好抵食點都要點一個打卡😛, 據說每一份奄列都用上六隻新鮮嘅”雞家樂”雞蛋! 超級有份量, 滿滿雞蛋香.😋超厚夠吋鹹牛肉滑蛋治另一款我一睇就嗌左嘅就係鹹牛肉滑蛋治, 即叫即做包面烘得金黃色, 夾滿厚度足足成部橫放iphone咁高嘅鹹牛肉同厚厚炒滑蛋, li個茶餐廳嘅經典真係造得好有特色好好食！😋招牌秘製滷水豆腐貪新鮮叫一件店家秘製嘅滷水豆腐, 大塊厚切好入味, 估唔到滷水豆腐都可以咁滑.😋黑椒汁牛扒焗飯, 沙嗲牛肉麵老公食焗飯, 一大塊牛扒加炒飯底, 啱啱焗起d芝士仲會拉絲der. 沙牛麵正常發輝, 牛肉無筋沙嗲味濃.😋阿華田奶昔, 龍鳳檸樂以前一定要太子爺喺鋪先飲到嘅華田奶昔, 味道一樣濃濃阿華田雪糕嘅感覺, 我大推; 龍鳳嘅檸檬加埋醎金桔嘅汽水比齋飲汽水好飲好多倍!

好幾年前去過荃灣總店朝聖，一直好掛住佢個厚蛋三文治，知道佢喺土瓜灣開左分店，終於揾到個機會嚟食返回憶嘅味道🤩✨超厚夠吋鹹牛肉滑蛋治 - 識食梗係要加$2 烘底😎蛋嘅厚度無人能及，咬落去熱辣辣，蛋香滿滿，鹹牛肉如果多d就perfect😋✨脆爆華田西多士 - 砌到成座山咁幾吸睛，面頭滿滿阿華田脆脆，西多入面夠多花生醬，食落好邪惡但又好滋味~✨大滿足火腿奄列 - size比想像中大，佔晒成隻大碟，同埋好足料，入面夠多火腿，夠晒口感🤤✨酥炸菜肉雲吞 - 勁耐冇食過炸雲吞了，新鮮炸起係唔同d, 一咬脆卜卜👍✨豉油皇雞翼 - 個汁估唔到咁入味，令雞翼食落甜甜地，好惹味😻✨阿華田脆脆 - 阿華田底再加阿華田脆脆放面，味道濃郁香甜，大人細路都啱🥰✨好立克脆脆 - 好立克底都幾夠味，亦比阿華田脆脆冇咁甜, 配埋脆脆冇得輸！

荃灣名物嘉樂冰廳開到嚟土瓜灣，以後唔使突登入荃灣食喇。而且土瓜灣店舖面積比本店大好多，唔使排長龍之外亦坐得舒服。食物選擇多，由三文治、湯麵、意粉、飯類至港式粉麵都有。鹹牛肉厚蛋治係嘉樂嘅招牌菜，可以話係必嗌！炒蛋嫩滑蛋味濃而且份量多足足有成吋厚，夾埋鹹牛肉好好味炸鮮蝦雲吞係即叫即炸，上枱時仲熱辣竦，雲吞皮炸得酥脆唔油膩咖喱吉列厚切豬扒飯份量大，港式咖喱充滿椰香帶微辣，非常惹味吉列厚切豬扒表面薄薄一層吉列炸皮，炸得脆身唔油膩，肉質唔鞋口。脆爆華田西多士炸到金黄色賣相好靚西多士麵包鬆軟帶蛋香，面頭有細片鮮牛油同華田脆脆。因為無落糖漿或者煉奶所以唔會太甜，食完唔覺膩。整體嚟講食物質素幾好，招牌菜鹹牛肉蛋治同炸雲吞貼近荃灣本店嘅味道，比較之下無本店咁油膩，可以話係更出色而且唔使排長龍，地方闊落坐得更舒服。

今日去開土瓜灣做野見到呢間開咗冇耐嘅嘉樂冰廳一早就聽過佢地勁馳名既巨型蛋牛治就同朋友入咗去食嘢一入門口就見到有幾部舊式電視📺 懷舊得來又有d現代感, 岩唒打卡 📸 入到去坐位都好闊落除咗有冰廳特色卡位仲有勁多罐頭湯display 🤣太肚餓嘅關係第1時間就叫左本店名物超厚夠吋鹹牛肉滑蛋治多士一定要嗌烘底!!!第一次見塊蛋真係好震撼夠唒吋🤣居然可以整到咁厚🫰🏻相比之下鹹牛肉份量就無咁多不過每啖都食到淡淡鹹香嘅鹹牛肉🤤我地仲叫左脆爆華田西多士名副其實嘅脆爆 🤣本身多士都炸到脹卜卜西多士唔會太油面頭有啲華田脆脆之外唔夠仲可以自己加!!!🤭再配埋阿華田脆脆阿華田本身都好香, 唔會太甜加埋d脆脆就夠唒有特色仲增加左層次感🤣朋友就試左好立克脆脆一樣都咁有特色👍🏻另外我哋都叫咗個吉列豬扒蕃茄濃湯意粉豬扒勁厚身😆炸得都幾香脆但就咁食就會乾身少少不過意粉索滿唒番茄濃湯夾埋食就剛剛好👍🏻最後仲加左個酥炸韭菜雲吞同埋豉油皇雞翼 D雲吞皮夠唒薄, 炸到好香脆豉油皇雞翼都好入味🤤整體來講菜色有傳統特色之外都揉合左不少創意👍🏻名物都依然能保持水準一定唔可以錯過😌

心血來潮 好想去茶餐廳食嘢 諗起最近見到原本響荃灣既排長龍冰室開咗分店在土瓜灣 就決定去試吓餐廳坐落一個新型屋苑嘅商場內門口已經見到大大隻餐廳招牌原來有outdoor 位置架 仲有幾張有懷舊裝飾佈置嘅枱 忍唔住影咗幾張相餐廳裝修明亮 好有九十年代風格原來餐廳係採用QR code 落單好方便一場黎到當然要試吓佢哋嘅必食推介啦一落完單 上菜速度好快 好有效率我哋主要係叫必食推介酥炸鮮蝦雲吞 5粒 $23 雲吞炸到脆卜卜皮薄入邊包住左豬肉同埋蝦肉 份量適中點埋個泰式辣醬 都幾好味😋超厚夠吋鹹牛肉滑蛋治 $33 （烘底加$2）一上枱 三文治嘅厚度真係好吸睛真係成吋厚呀 果然夠吋超級多蛋 亦都炒得好滑如果鹹牛肉份量可以再多啲就好喇 脆爆華田西多士 $39 西多士炸得得幾脆 配上牛油同埋阿華田脆脆 仲有一少碟係另上 唔夠可以自己再加啲脆脆去西多士度西多士中間係花生醬 如果佢換成阿華田醬就好啦阿華田味唔係好夠🤭脆炸雞脾 $36雞髀炸到熱辣辣 應該係用豉油王雞髀再攞去咋好入味 不過如果佢可以大隻啲就好喇阿華田脆脆 $30係一杯凍阿華田加咗一啲阿華田脆脆在上面如果佢可以再濃郁啲就好啦因為我都係一個阿華田

家樂冰室可能住荃灣嘅你會聽過😉佢係一間有40幾年歷史嘅老字號茶餐廳🤩呢間翻新咗嘅土瓜灣分店具有唔少懷舊特色，而且喺食物方面仲增添左唔少創新嘅元素！今次叫咗幾款大熱嘅食物，睇吓我點樣評價佢哋啦！😋🔥脆爆華田西多士$39呢個係必嗌之一!!喺以前細個唔識得飲奶茶咖啡嘅時候，阿華田永遠係我嘅好朋友😇今次餐廳融入咗係香港人下午茶必點嘅西多士裏面，聽個名就已經好吸引啦，但食起上黎個人覺得阿華田味好唔夠🥺！同朋友一致認為如果佢哋將阿華田醬讓入去西多士裏面成件事會好更多🥰！值得讚嘅係西多士都處理得唔錯，唔會太油膩，都做到有脆邊嘅效果👍🏻🔥超厚夠吋鹹牛肉滑蛋治$33我係為佢而嚟!!!首先舊滑蛋的而且確係夠厚夠吋🤩但係鹹牛肉方面就真係略嫌太少🫠成件事係好食好豐富既！但係鹹牛肉比例真係有啲失望🥺滑蛋好夠蛋味好滑溜，鹹牛肉都好新鮮，如果分量多啲會更滿足💪🏻!🔥足8安士厚切豬扒古早味滑蛋豬扒飯$56🤩呢個都推介！厚切豬扒有驚喜❤️👍🏻有口感之餘豬肉味濃😋一開始諗古早味即係咩味真係r晒頭，其實佢只係偏甜嘅黑椒汁😅不過配飯食同埋豬扒又幾開胃😊兩塊厚切豬扒仲有滑蛋所以都好抵食！🔥豉油王雞髀薯條$36好滿足嘅下午茶！雞髀

第一日開幕嘅嘉樂冰室朋友好耐以前就話要帶食佢一試難忙嘅超厚蛋三文治 但始終荃灣腳程太遠未有機會一試 終於等到佢第一間分店係土瓜灣今日開始正式營業 就狗衝過去試味離土瓜灣地鐵站好近 A出口5分鐘左右就到U Place 7點鐘去到唔洗等位就入得 門面超有懷舊氣氛 第一日好快就話好多嘢沽清 但好彩想食嘅嘢仲有得食超厚夠吋鹹牛肉滑蛋治 $33傳說中超級厚嘅蛋牛治 估唔到真係有高度係夠晒厚 對鍾情於茶記蛋牛治嘅人係恩物 一邊咬D蛋會一邊跌落隻碟度 的確係出面少見到咁厚身嘅滑蛋 33蚊完全係足料版大滿足火腿奄列 $35成隻碟咁大嘅奄列 比起出面普通茶記亦明顯落足料 由細到大都中意食火腿奄列嘅小妹成日會食到D唔足料嘅奄列 呢度嘅一定唔會令你失望 切開奄列會見到係火腿會瀉出嚟 而蛋亦都有適量嘅厚度 脆爆華田西多士 $39唔好睇佢一粒粒四方形 原來都好大粒好飽肚 每舊都好厚都有塊牛油舖面唔會驚唔夠搽另上一碟仔華田脆脆切開每舊西多 中間係會有層花生醬 足料 但略嫌唔夠軟身西米焗布甸 $19坊間食開通常有蓮蓉嘅蓮蓉西米焗布甸 佢呢個就冇 而係用紅豆同煉奶鋪喺上面好難得見到茶記有焗布甸食 可惜呢個就覺得唔夠甜