河內越式料理 (西洋菜南街)

Open Now

Now Closed

大家好今晚去了位於太子同旺角之間既河內越式料理今次因為唔想諗太多所以點了$248美味2人套餐 再加多個越式炸春卷首先個越式炸春卷有四件都炸得幾香脆材料有粉絲 豬肉 紅蘿蔔 菇類等等仲有好多生菜同香葉可以包來食至於2人套餐先來個青木瓜沙律 2人餐來講份量都幾大有好多青木瓜絲 青瓜絲 同埋紅蘿蔔仲有幾隻蝦同埋這個沙律己經落酸酸甜甜既醬汁下一個是西貢咖喱牛腩配法包有四層法包可以點咖喱汁食法包都是有焗過都幾脆咖喱是越式唔會太辣牛腩都算腍仲有D牛筋同埋薯仔下一個越式菠蘿炒飯食落同泰式菠蘿炒飯差唔多都唔係太識分都炒得幾香有新鮮菠蘿同落左幾多黃薑粉有兩隻蝦同埋一D魷魚仲可以用淨左既咖喱汁撈飯食飲品方面包兩杯點左椰汁味比較重既鮮芒果西米露同比較青既越式青檸冰總括這個二人餐份量都幾大同埋幾好味

見客見得耐, 食Lunch 都變咗食Tea,不過都幾好丫,通常好多餐廳都有下午茶優惠! 這間就係其中一間我地同事食開嘅越南餐廳！餐廳有D似港式茶餐廳咁嘅feel, 快,靚,正！不過係食越南菜的! 🔮河內生熟牛肉湯河粉    次次都係食呢個, 廚師個standard recipe真係每一次味道都相同的! 薄切牛肉,大大塊,份量又多, 肉質嫩滑！個湯底最正,唔好睇佢地好似茶記咁就以為會hea, 個湯底真係用牛骨來熬的, 所以滿有骨湯香, 加上新鮮的九層塔,青檸,紅辣椒等天然食材, 更具越式風味！ 🔮順化蕃茄蟹膏札肉湯檬    蕃茄味濃郁, 湯底帶有微微的蟹鮮味!配料甚多, 尤其係札肉,仲會厚切俾你,真係幾抵 🔮越式炸春卷    其實好鐘意越南小食的, 不過碗粉太大碗喇,所以我地都係叫咗一個小食而已! 網紋炸春卷,皮脆餡多,有粉絲,甘荀,木耳,肉醉等,餡料十分飽滿,蘸一蘸自家秘製的甜酸魚露, 更加滋味！ 🔮椰子珍多冰 / 鮮芒果西米露  椰子味濃郁,但亦只係少甜, 啱哂喜歡微甜的我

我哋又去encore喺旺角嘅 河內越式料理 喇👩🏼‍🤝‍👨🏾價錢實惠夠平民，而且份量都唔少!今次就試咗三餸河同三餸飯😂飽到我又要男朋友焚化埋佢🫃🏻<<極品牛三寶湯河粉>>($71)「牛三寶」顧名思義就係有三款牛嘅部位：生牛肉、牛展、牛丸💁🏻‍♀️薄切生牛肉肉質嫩滑💁🏻‍♀️牛展軟腍得嚟有咬口💁🏻‍♀️牛丸彈牙爽口易入口最正係個湯底!!!牛骨味濃! 飲落順喉唔似有味精👍🏻夾埋滑捋捋嘅河粉! 真係好美味😋<<越式河內三寶飯>>($71)有齊豬扒、雞翼同扎肉咁多肉肉🤤配上越式豉油撈飯，係簡單嘅幸福🥰特別係望落以為好乾柴嘅豬扒~原來佢係甘香酥脆哪香茅豬扒🐷入味得嚟! 仲要軟腍易咬! 入口唔會覺得好乾🙃一定要追加<<越式炸春卷>>($22)我次次都加㗎😎信心嘅保證✌🏻大大嚿嘅佢，材料非常豐富!佢有粉絲、木耳絲、紅蘿蔔絲同埋豬肉! 有軟有脆，口感好有層次👏🏻👏🏻外皮仲炸得好香脆添🤩最後一定要飲<<杞子龍眼茶>>($24)My favourite💛Highly recommend

早幾日同朋友行開太子，行行吓覺得好肚餓，跟著就見到呢間越南餐廳，就入咗去試吓啦餐廳嘅set餐有好多唔同嘅選擇，而且都唔貴有湯粉啦，撈粉啦，飯啦，好多選擇😋而且d飲品重好吸引tim 我同朋友就叫咗個極品牛三寶湯河粉（$69），同埋順化蕃茄蟹肉札肉湯河（$64），加埋越式炸春卷（$20）👅d湯粉超級大碗呀🤤好似食極都唔完咁，正呀加埋個小食只係加$20，真係飽到上心口😝至於d野飲都夠晒特別，我同朋友叫咗鮮芒果西米露（$10），同埋蜂蜜柚子梳打（$10）🍹兩杯野飲都好好飲，好足料。尤其係個西米露，d芒果真係真芒果嚟🥭，真係好好飲，唔覺意就會飲晒有時出開旺角，諗唔到食咩，又想食d平平哋嘅野，河內越式料理都係一個幾好嘅選擇

經過旺角想食越南野，係旺角中心附近搵到呢間就試下😃 見到價錢勁親民，質素仲要唔錯😋極品牛三寶湯河粉($69)一碗有齊生牛肉，牛展同牛丸，湯底清甜，轉左檬粉instead of河粉，份量超大😮香茅豬扒撈檬($60)豬扒好入味，厚身juicy😋配埋檬粉食真係一流～越式炸春卷(+$20)皮炸到勁脆，入面包滿肉碎同菜，好味😋兩杯特飲青檸梳打同珍多冰就正正常常，珍多冰唔會太甜啱啱好👍🏻