宿宿醉 (Closed)

哩間餐廳第一次聽個名以為係酒吧，一上到去見到裝飾好特別，完全唔似一般越南餐廳。$88set lunch 有咁多野食係中上環黎講算好抵食。已經第三/四次黎食架啦，牛油蒜容雞翼即炸新鮮鬆脆，雞翼係一開二，所以3個人叫就好似有一打咁多🤣而且佢地既餸菜名都好特別!速效宿醉劑（生安格斯牛肉金邊粉）加轉左牛坑腩牛肉好林，湯底都幾入味。越式扎肉撈檬佢既扎肉入面好多爽粒粒，有點似豬耳，好有嚼口。越式蔥油香茅豬扒碟頭碎米飯香茅味重，豬扒亦炸得香口，唔會太油。青檸梳打夠晒酸，食完炸野飲可以解膩。椰青一入門口就見到靚畫

呢度個名叫Hang-O-Pho，即係Hangover咁解，原來好多當地人飲醉酒後，都會食返碗越南pho。呢度咁近Soho，飲醉咗過嚟食返碗pho，呢個idea都唔錯喎！餐廳裝修同傳統嘅越南餐廳好唔同，將好多名畫二次創作，12門徒戴越南帽、又有Mona Lisa賣pho，總之點睇都唔似係食越南菜㗎啦！特強宿醉製法式火車頭金邊粉 ($188)從來冇諗過火車頭嘅名都可以改得咁有氣勢！上菜時仲更加有氣勢，好似喺皇宮食咁樣，一大個盅金碧輝煌！一開蓋真係哇一聲~ 湯底冇落味精，用15斤牛骨、5斤鮮碎腩及藥材等熬18小時，清甜牛味濃郁又唔油膩；金邊粉煙靭滑溜；入面有安格斯牛肉、牛坑腩、牛栢葉、牛筋丸及超大隻越南虎蝦，非常足料！成鍋份量好大，如果叫埋其他食物，仲飲晒呢個湯底嘅話，唔止2個人，其實3個人都夠食添呀！芒果軟殼蟹米纸卷 ($88)軟殼蟹非常鬆化，咬落去索索聲咁，而且唔算油膩，應該係炸完之後有吸過油先包入米紙卷，加埋芒果及其他蔬菜，感覺上又冇咁膩！越式蔥油香茅豬扒碟頭碎米飯 ($88)佢哋用美國豬柳，肉質幾軟腍及豬味濃郁，非常惹味，不過擺耐咗唔食就好快會鞋，要儘快趁熱食！究竟乜野係碎米飯呢？原