Tuen Mun Baguettes

Open Now

Now Closed

住咗咁耐都講唔出屯門有咩好嘢食，但自從睇咗條YouTube片，就認識咗依間係新墟其貌不揚嘅越式法包店。店舖選擇唔多，食過咁多次，最愛都係雞肉法包，第二係豬肉法包，第三係牛肉法包（有次試過有啲啲柴）。真係次次都飽到上心口，肉量豐富，中間仲會夾埋酸甜嘅越式泡菜，開胃解膩。今次仲叫埋個春卷撈檬，春卷會另外分開放，所以拎到番屋企先食，佢都仲係脆卜卜，而且又係大大條，性價比十分之高，女孩子同人share都好足夠。

真係唔知點形容呢個法包，又平又好食，真係唔係普通嘅性價比高...$36一個咁足料嘅越南法包，真係唔知去邊到搵。外賣小店，無位堂食，如果唔係住附近，就唯有坐公園凳食。雞肉超級juicy，醃料非常好味，帶一點甜味，好香嘅炭燒味風味。法包底有肝醬同沙律醬，非常非常好食，配埋酥脆嘅法包，真係要即刻坐低食。多料到爆出黎，好多蘿蔔青瓜絲，可以解膩。老闆仲推介左佢地嘅越南咖啡，每杯只係$8，良心價錢唔知去邊度搵。

禁堂食搞到夜晚想出街食都只可以買外賣/嗌外賣平台🥲今次就嗌咗一間大件夾抵食嘅越南法包！！！！原來都幾出名㗎喺屯門🤣雖然係小店經營😝不過性價比好高😍🟠今次嗌咗越式雞肉法包同香茅豬肉法包😚睇相都見到好大件啦😌好足料😋基本上每食一啖都會滿口都係餸🥹啲肉全部都好香口而且保持到肉汁🤭入面除咗肉之外仲有青瓜，醃蘿蔔絲(越式泡菜?)，肉醬，芫荽🤣全部一齊食口感勁豐富🤣個口細啲都食唔到🤭

舊鋪已經聽人講好味，所以好想試一試。店舖距離何福堂輕鐵站兩分鐘路程，都幾方便。店面小小的，如果你想買完即刻食， 老闆會開張細枱俾你坐係出面慢慢食😇叫佐個越式雞肉法包，等佐3分鐘左右就有得拎喇！一打開就聞到超香既香茅味，個樣又好吸引！個包夠哂脆，又唔會脆到硬，非常好！肉餡好豐富，有越式泡菜、青瓜，仲有睇唔到但食到味既芫茜，仲有好似沙律醬+？鵝肝醬，同幾片扎肉，加埋沾有香茅碎既雞肉，口感好豐富！雞肉好嫩滑多汁，又唔會有雞皮同肥膏，加埋啲啲香茅既碎，好好食啊！但第一下食落去覺得雞肉味道有點淡，但食食下又覺得同埋配料一齊食，都好好味！食完又好夠飽！舊總而言，好味又足料又抵，老闆又nice!