三不館車仔麵 (廣福道)

Open Now

Now Closed

呢間三不館車仔麵裝修懷舊復古，好有七八十年代的感覺，呢間車仔麵非常受歡迎，長期有人排隊，下晝三四點見唔使排隊，即刻過咗去食。三餸一麵$45 轉讚岐烏冬+$7 （古法辣汁）我叫咗咖喱魷魚，糖心蛋，同埋蠔油冬菇，加$7仲可以轉讚岐烏冬。咖哩魷魚非常爽口，糖心蛋亦都好好味，至於蠔油冬菇非常入味。個辣汁更加係成個車仔麵既靈魂，推介鐘意食辣既朋友一定要叫古法辣汁。📍三不館車仔麵大埔廣福道88號地下❤️價錢：9/10❤️味道：9/10❤️服務：8/10

大埔朋友喺大埔墟附近，除咗魚蛋粉嘅不二之選😋😀首先湯底，唔會死鹹（鮮鮮甜甜）。我個女一定揀番茄湯底，佢哋用鮮蕃茄熬阿女次次都自己食晒一碗架😃🤫蘿蔔炆得好琳，雞翼尖，鳳爪炆得好入味麻辣豬手，必食而我自己食車仔麵就一定要配油麵👏🏻我哋個個禮拜最少要食兩次囉

不會再去的車仔麵店(大埔)三不館1. 同檯食客同時間入單，佢d麵到咗，我等多15分鐘於是同職員講，佢竟然答我煮緊！仲要等多5分鐘先出到麵比  我，d單跟到亂晒籠！出麵個職員手腳慢到不知所謂！2. 座位空間超窄，好似坐在紙箱入面咁！3. 食物質素不好，沙薑豬手完全冇沙薑味、牛腩太硬、古法辣汁係用雜貨店買到的沙茶醬，毫無誠意！大家無謂排隊食到一肚氣啦！其他地方美食多的是！

車仔麵雖然好多種食物，但由於童年回憶嘅關係，我都係揀牛腩，豬皮，魚蛋，酸齋等食物。呢間店裝修幾有特式，走懷舊路線，同車仔麵好襯。好耐冇食酸齋，第一啖就要食佢，食落覺得唔夠酸，唔夠juicy，唔似童年時食果種酸到瞇埋眼，好鬼滿足果種。牛腩都夠腍，但唔係以前成抽成抽就嚟斷果隻。豬皮乜咁嘅，實實在在一塊豬皮，唔係炸得通窿果啲，咬落係彈牙，但我唔係要呢隻囉，陳皮魚蛋聽就聽過，呢次係第一次食，有陳皮味ok嘅，但細粒。到我至愛嘅粗麵，頂吖，不只粗，仲係厚㗎，好似食緊厚切伊麵咁。唯一可以讚嘅係個湯底，有大魚味，差啲飲哂，但我印象中嘅車仔麵唔係咁囉…反而辣菜甫ok，樽裝可樂加$8，兩啖飲哂。撞啱冷氣唔涼，熱到我吖。以為可以找回回憶，點之係災難性催毁...做車仔麵呀，唔好扮做車仔麵呀！