Simplylife Bakery Cafe (Closed)

中午大約13:15去到等左陣好快有位，坐最邊玻璃欄2人枱，太陽好猛呢個位勁曬，冷氣吹唔到去果度，有得揀千祈唔好坐果邊，邊食邊流汗。落order既女侍應無咩禮貌，佢埋黎想幫我地落order，但我地未揀好，同佢講「唔好意思呀我地未揀好」佢一個轉身就行左去完全感覺到佢態度有幾好之後等野食黎等左25分鐘左右，入去前有提及過用餐時間75分鐘。我地差唔多食完先發現餐湯仲未到，同另外一個女侍應講，佢當場既反應係好似我地呃佢咁，之後佢再同原本同我地落order既女侍應確認，跟住先比我地。呢間餐廳職員既態度好有問題野食方面個burger牛油果蓉略嫌小左啲啲，整體唔錯，另外個白酒煮蜆手製意粉就淡啲，但意粉幾煙韌。如果唔係啲員工態度問題，呢間餐廳都幾推薦比大家既

約左肥家姐食lunch,佢帶左我食呢間simply life。餐廳環境幾好，落地大玻璃透入自然光，非常舒適。冷氣都幾夠，如果似豬怕凍嘅，記得帶外套🧥。Set lunch其實都幾貴，平均140蚊1個人，唔係個餐唔值，只係豬覺得lunch不需要吃太貴😅叫左2個set lunch都係食burger🍔,一個跟沙律🥗，一個跟南瓜湯。沙律汁酸酸地啱晒肥家姐口味，沙律菜都好新鮮，算大碗。南瓜湯好creamy，濃郁又唔漏，湯裏面仲有幾粒芝士🤤餐包係法包，初時以為比較硬，但配湯食非常好。車打芝士牛肉漢堡配牛油果蓉🥑，牛肉漢堡都幾厚，咬落juicy。麵包係小時候屋企冇焗爐，呀豬媽教放喺熱鍋上烤兩烤嘅兒時風味，感覺好好☺️；係牛油果蓉嘅味道唔夠香姐，但整齊都非常滿意。相比之下呢個歌達芝士蘑菇雞肉漢堡就失色好多，免治雞肉好乾，味道淡，食唔到雞味，蘑菇亦欠奉，唯一食到係芝士嘅苦味，如果配返d醬汁可能會好d。限定冰茶🍹不過不失，因為唔太甜，亦尚算有茶味。最後想講服務質素爭少少，量體溫㩒個制收返入袋😂發燒佢都唔會知呀～而且放餐同收餐的侍應都嬲嬲豬咁樣，可能做得太辛苦，豬唔係挑剔，而係想講價錢偏高嘅餐廳，但提供茶餐廳的