Amico 1890

Open Now

Now Closed

即興揾到哩間西餐廳，就決定試下。一入到餐廳就有員工帶左我地上二樓，坐低就即刻嗌野食。一人揀左一樣野我就揀左車打芝士牛肉漢堡。我近排好想食漢堡，終於如願漢堡份量幾大，有菜有肉有芝士同蕃茄，切開果陣仲有汁流出黎，好正一啖咬落去好滿足佢個汁辣辣地，好惹味。但略嫌漢堡過硬，少少美中不足。薯條唔算太脆又未至於淋，正常味道。沙律菜冇醬嫁，所以冇人食。pizza都係我想食既野pizza餅底薄身既，食落幾脆，又唔會刮口有黑水欖、巴馬火腿、菠蘿、青紅椒等配料，咬落去索索聲，但唔會有碎或者配料跌出黎，做得幾好一啖食落有唔同口感，我收貨啦！如果份量可以再大啲就好啦！唔夠過癮啊！！！墨魚汁既意粉就食過，意大利飯就第一次試！同睇電視一樣，墨汁會整到成咀都係嫁試一啖，鹹鹹地、硬硬地，幾得意。飯入面有蘑菇同埋魷魚片，令成個飯更有口感。但食多幾啖會覺得越黎越鹹、同啲飯硬左啲，新鮮過就算個蝦好大隻，啖啖肉，肉質爽彈，唔錯。仲叫左杯酒一齊share，對酒冇咩興趣，所以唔知叫咩名，隱約記得好似$62試左一啖，好易入口，可能酒精濃度唔高，飲之前要搞勻佢，唔係既話底果啲會好苦六點半左右到步，餐廳用餐人數唔多，環境幾好、幾安靜。

又黎到呢間西餐廳, 餐牌依舊眼熟, 有沙律/小食/薄餅/意粉/意大利飯/主菜等, 價錢依舊係親民價唔想散叫, 可以點晚市套餐, 包沙律, 主菜, 甜品, 餐湯/餐飲呢度既沙律選擇都有幾款, 想轉下口味唔想成日食凱撒沙律, 就點左呢款日本帶子刺身沙律 ($68), 一大碟爽脆沙律菜顏色吸引, 加入粟米粒及車厘茄加添口感, 伴以香口芝麻醬! 主角帶子輕輕煎一煎香個表面, 食落外脆內軟, 口感唔錯!小食試下呢個芝士焗青口 ($52), 一客4隻, 每隻都舖滿芝士去焗, 青口本身都幾飽滿, 食起上黎都幾有青口甜味, 但芝士味就略為淡左少少! 有美食又點可以無野飲呀?! 呢度供應特飲/沙冰/咖啡/梳打/朱古力等黎親呢度都會叫佢既特飲, 呢2杯係(左)可遇不可求 ($38), (右) 垃圾桶 ($38), 2 杯都係以生果作為主材料, 賣相顏色搶眼, 味道甜中帶少酸, 加埋梳打既有氣底, 飲落感覺醒神暢快, 炎夏天氣飲就岩晒之前見人食過呢客車打芝士牛肉漢堡 ($78), 今次終於有機會叫啦, 一客份量超大, 個漢堡差唔多成2個拳頭拼埋一樣大, 配埋薯條及沙律菜, 份量同價錢超唔合比例囉....

每年屋企人都會為我慶祝孖七節，my double seven celebration. 佢地揀了旺角區小餐廳，Amico 1890. 以木色為主調，很 warm 嘅感覺，簡單舒服，輕鬆自在。餐牌嘅 飲品名字很特別，真有D貪心想試晒所有特飲。 最後點了招牌 Amico, 垃圾桶 同埋可遇不可求，飲品色彩繽紛，大增食慾老公點手工啤 「窩居」。主菜叫左2個 set dinner。南瓜剌身帶子意大利飯。意大利飯面有朵煙三文魚玫瑰花，配合南瓜煑嘅意大利飯。有嚼勁，味道清淡不太濃。車打芝士牛肉漢堡，見到己經很想一口咬落去。個burger 好好味。老公喜歡羊，叫了露絲馬莉羊扒，佢叫五成熟。沒有羊騷味，雖然熟了少許，亦不會靱。好味夏威夷Pizza 同鵝肝多士都不錯。鵝肝好肥美。食物水凖高，價錢 ok。不錯選擇。還有一樣小驚喜⋯乳酪雪糕。乳酪味重，不太甜。作為溫馨晚餐的句號。讚！多謝家人悉心安排一頓 birthday dinner 💕

旺角的洗衣街、黑布街的附近有很多餐廳。今天就找上了Amico；雖然洗衣街的人流不多，但是Amico很早就已經滿坐了。散點比起叫餐更有彈性，而且價錢一點都不離地。*煙三文魚田園沙律($58)兩片完整的煙三文魚卷成玫瑰狀；比起平常吃到的少一點咸味；沙律菜切得很碎，方便女生進食。*墨西哥雞鎚($58)雞翼就真的吃得比較多，今晚就轉一轉口味，點了一客墨西哥雞鎚。墨西哥雞鎚一客六件；雞鎚煮得入味，灑上香草；煮得乾身，適合不愛醬汁的人，味道帶點微辣，而充滿香料的味。*墨魚汁大蝦意大利粉($108)墨魚汁意粉是我的首選。意粉煮得剛剛好，麵質很有al dente，不會太軟或太硬，；墨魚汁味香濃；不過蝦就只有一隻，略嫌太少了！*車打芝士牛肉漢堡($78)大大個的漢堡包，塗上牛油再烘過，邪惡又好食！不知是否我們吃得太慢，漢堡稍為凍了一點，而且乾和沒有肉汁。下次還是要趁熱食！粗切的薯條，外脆內軟，灑上了少許辣粉，帶有少少辣味。*榛子朱古力($33)冬天來一杯暖暖的熱朱古力。榛子味和朱古力味平均，不過稍為甜了一點。

有得放假當然要對自己個胃好啲啦~每次去搭車都會經過呢間舖門外，睇落別具特色今次捉埋女朋友一齊黎食番次坐低左，侍應仲會比一個大膠箱比人客放袋同外套點左兩個餐，會有跟餐前沙律不過非常普通，一啲沙律菜，加一片巴馬火腿就咁。車厘茄都無，汁非常既少。點左杯餐紅酒，酸帶少少澀。試埋杯特飲椰林飄香，好充分既菠蘿味，蓋過哂椰奶既味主菜上枱啦～車打芝士牛肉漢堡～賣相吸引，有肉既香味傳出，薯條份量十足，漢堡入面醬汁帶少少辣又惹味牛肉嫩口唯獨可惜一樣嘢，麵包煎燶左，影響哂成個味道另一道主菜～美國安格斯肉眼～一眼望落去夠哂份量，但係切落去夠軟腍肉味唔算重，筋位都唔算多肉眼唔會有汁醬，反而會有一啲粗海鹽附上切細件肉，輕輕點一點，少少咸，令整件扒肉味得到提升最後會奉送雪糕做甜品

AMICO 1890 是我與朋友一到旺角而又想不到吃什麼時必會去的餐廳，因為它真的很好吃，而價錢又不貴，食物質素高。而今次再到這裡用餐是專程來吃，因為想起上次吃完有一張50元的現金卷，那就把它用掉吧。餐牌一如以往，都沒有特別改變，那就照舊吧～食肉獸的我每次都會點安格斯牛扒，而這個扒也是取得我歡心的一道菜，因為它肉質鮮嫩，味道濃郁十分有牛味，也很有肉汁，小店來說真是做得很好。價錢又合理，想食扒真的要試試這個安格斯牛扒。藍芝士大蝦意粉是第一次試，我覺得醬汁有點過杰，藍芝士味不算很重，大蝦是急凍蝦，沒有鮮味，是一般。車打芝士牛肉漢堡，這個也是第一次叫，很好吃！！ 漢堡牛肉十分有牛味，香口，芝士和牛肉向來都是絕配，所以這個漢堡十分讚！這餐十分豐富，兩人吃了360, 減了50元優惠卷都只是310，平均百五一個人，都十分抵吃。

母親節同屋企人一齊食飯見呢間唔錯就揀左佢店鋪位於麥花臣球場隔離 不太起眼12點開鋪 午市唔洗book就有位D野食食落有驚喜意粉加左芝士黎煮又鹹又香 好好味一上枱就好快清哂食完大家個嘴都黑哂 哈哈黑松露野菌意大利飯香 個汁岩岩好 飯唔會太硬/太諗好creamy三色芝士pizza 有好多芝士 又有蕃茄即烤 熱辣辣 口感好 個底好脆好重芝味 可拉少少絲 牛排同漢堡同木板上好搞笑大大塊薯條係即炸 外脆內軟細佬食漢堡 佢就話幾好味牛排家姐叫左5成熟開頭見到木板度有少少血水我都唔係好敢食但食落口 鮮嫩多汁 得少少肥膏用少少鹽調味已經好有牛味 好食！唯一不足係所有菜式都係由主廚煮既所以要等一陣菜式（意粉、飯）份量較少 大食既朋友可能就要叫兩碟啦

這店子帶歐陸的感覺，招牌以至牆身由啡色木條拼砌，漂亮的門面令人自自然然就吸引進去用餐。平日晚上八點來到，店子非常人氣，幸好排隊有椅子而且在店內有冷氣地方。不用五分鐘我們便可入坐，原來店子上下兩層空間頗大，還有非常雅緻的裝飾品，閑適得有突然脫離了身在旺角的感覺。我們叫了兩個晚餐。先來的前菜有西班牙火腿沙律。沙律有黑醋做醬汁，微酸開胃。主菜有車打芝士牛肉漢堡，$128。用厚身木砧板上菜有特色，漢堡包佔了差不多一半砧板，超巨型。芝士加上七成熟厚厚的漢堡牛肉，兩者和包一樣大，絕不偷功減料，很抵吃！牛肉底部還有鮮茄呢。友人的主菜是黑松露卡邦尼意粉，$158。意粉沒有煮過熟，口感猶在。煙肉是切片不是切條，相對地份量頗多。拌勻的黑松露散發著微微的香氣，是這意粉的主味。跟餐的甜品可選雪糕或窩夫雪糕。不過窩夫雪糕要等十分鐘。反正我們也不趕時間，就等一會兒吧。順道有更多時間欣賞餐廳所營造的溫暖氣氛。窩夫雪糕來了。雪糕充滿呍呢拿香，上面灑上的粉末沒有搶過主角，但令這雪糕賣相提升很多。窩夫邊位較硬身，要用手撕開吃。吃到中段，雪糕和窩夫溶在一起，味道才真正出來。雪糕為窩夫提供了甜度和濕潤感，提升窩夫那種焗製出來

近來多左黎旺角睇戲同行街，發掘到愈黎愈多新食店，今晚同他走著走著，就黎到Amico 1890來個晚餐吧。.門口更貼左唔少同客人影既拍立得。.一向喜歡小店型式的餐廳，可以點些輕食咖啡，靜靜地，舒舒服服坐係一角的用餐。今晚我地比安排坐在靠牆既二人位，感覺舒適，餐廳既環境設計都帶有復古味。.餐牌有分前菜/沙律、小食、主菜、意大利飯、意粉和薄餅；據說意大利粉的麵條更係自家製呢!.晚市套餐有兩種，都係百幾蚊一個套餐，唔算貴。.士多啤梨奶昔沙冰 (前) 及 蘋果乳酪奶昔沙冰 (後) 各 $43兩杯飲品既果味都唔明顯，奶杯比例較重，所以感覺唔夠解渴，有點失望。.芝士焗西蘭花 $58西蘭花的份量頗多，而且咬落夠爽口，芝味頗濃郁和惹味，但如果芝士醬可以再多點會較好，因為有幾舊西蘭花都唔太沾到醬，味道較單調。.車打芝士牛肉漢堡 $78賣相唔錯啊，漢堡包配上粗身薯條，可惜既係車打芝士係完整一塊唔溶的，芝士味唔明顯；漢堡扒帶肉汁，味道不過不失；反而粗身薯條，夠熱之餘咬落好多薯蓉呢。.黑松露意大利粉 $98據說麵條係每天自家製的，食落煙韌有口感，每條意粉都掛上醬汁，滲出陣陣松露香，仲加上香菇和翠肉瓜粒，增加口感