目利きの銀次 (Closed)

媽媽成日留喺屋企洗衫煮飯，好少機會出街食，真係辛苦哂。 要孝順唔需要等母親節嘅，今日放假我決定帶佢出街休息一日，一於出街食。 係the one行街行到攰，隨意走咗入呢間餐廳食。由於佢老人家唔敢食生嘢，所以我避開曬啲刺身，全部選擇熟食。-海膽汁燒蠔: 海膽刺身就食得多，熱辣辣的海膽汁就比較少食，估唔到都好鮮味，雖然少少偏鹹，但都接受到，好惹味。-軟殼蟹卷: 軟殼蟹咬落好脆，鹹味適中，幾香口， 而且份量算多，兩個人食都夠飽肚。-燒魚鮫: 喺日本食過類似食物，點來回味一下。魚肉 好鮮甜，而且好大條骨好易拆，唔會好似細骨咁煩，好方便老人家食。我去嗰陣撞正晚餐有六折，計返每人百零蚊左右，咁實惠嘅價錢，食物係水準以上，會再去食。

星期四晚行經The one, 呢間舖七點三前已full full 地，得返bar 枱，都入黎一試。入到發現人大約一半滿，另外好多都係訂左位。bar枱唔太伸到腳，但係凳下有籃提供放袋。海鮮沙律，$98。睇圖有三文魚，但黎到冇。料係足的，可惜我幾乎淨係食到三文魚，同行朋友一人食曬，認為魚生頗新鮮。軟殼蟹卷，$128係上完道沙律後隔左一陣先上呢道卷物。賣相好，卷物冇甩頭甩尾，見到D牛油果都好靚，青中帶黃而質感柔軟，炸軟殼蟹亦沒很油。燒餅并炒麵，$88同第二道菜幾乎係一齊上咁，張枱有D擺唔落。好大碟，係咸左D，入邊㚒有豬肉片，好味。雞丸子蔬菜煲(個名係咁上下），$88最後上，張枱超逼。下次黎食真係要book 枱！味道唔差，係冇咩特別。D雞丸子有成六粒，就係味道唔太似雞肉。(可能我記錯個名？！或者可能係豬肉丸)