Video
Read full review
2016-02-24
1470 views
I don't care where we are,I just care that we're together.By movie : If I stay 《如果我留下》今日與一齊渡過十年嘅好友食飯，一向都係我搵餐廳，佢定日子，志在見下面傾吓計，地方最緊要就腳，由同事介紹就嚟到Wing's Kitchen，就係麼地道隔離，附近大廈嘅燈飾，令街道恍如上晝，入到餐廳有別一種氣氛，經過有歐洲風景畫作嘅玄關位，店員好快安排我哋入坐，餐枱上有蠟燭，播住音樂，大家嘅笑聲令到感覺冇咁拘束，比較歡欣浪漫。坐定定之後，店員送上暖水，我哋分頭睇吓餐牌有咩好推介先！為咗清楚啲，就喺門口影過嗰光啲嘅俾大家睇，小食 $59-98、意粉 $118-158、pizza $98-128，Menu有廚師推介及素菜提示，Dinner Set $138起！經過情人節，好多朋友都問我有咩好餐廳介紹，其中一位爸爸級嘅同事，佢提出要嗰歡欣啲嘅環境，聽起上緊好少用到呢個詞語，因為佢覺得拍拖一段時間或已經結咗婚嘅情侶們，已經經歷好幾個情人節，所以情人節中，最想有嘅係歡欣，感覺輕鬆，因為伴侶已成為你最好嘅朋友，你晚飯期間一齊開懷咁傾
I just care that we're together.
By movie : If I stay 《如果我留下》
今日與一齊渡過十年嘅好友食飯，一向都係我搵餐廳，佢定日子，志在見下面傾吓計，地方最緊要就腳，由同事介紹就嚟到Wing's Kitchen，就係麼地道隔離，附近大廈嘅燈飾，令街道恍如上晝，入到餐廳有別一種氣氛，經過有歐洲風景畫作嘅玄關位，店員好快安排我哋入坐，餐枱上有蠟燭，播住音樂，大家嘅笑聲令到感覺冇咁拘束，比較歡欣浪漫。
坐定定之後，店員送上暖水，我哋分頭睇吓餐牌有咩好推介先！為咗清楚啲，就喺門口影過嗰光啲嘅俾大家睇，小食 $59-98、意粉 $118-158、pizza $98-128，Menu有廚師推介及素菜提示，Dinner Set $138起！
經過情人節，好多朋友都問我有咩好餐廳介紹，其中一位爸爸級嘅同事，佢提出要嗰歡欣啲嘅環境，聽起上緊好少用到呢個詞語，因為佢覺得拍拖一段時間或已經結咗婚嘅情侶們，已經經歷好幾個情人節，所以情人節中，最想有嘅係歡欣，感覺輕鬆，因為伴侶已成為你最好嘅朋友，你晚飯期間一齊開懷咁傾計，笑住咁過情人節，比起食高貴嘅一餐，嚟得更自然。
廚師精選沙律 $78我可能有別於大部份嘅女仔，為求瘦身健康而沙律，我就為咗清清腸胃，暫時作過小休息，先食沙律 喔喔，揀選廚師精選沙律，因為無其他肉類配搭，達到想食多啲菜嘅想法，沙律菜上面放有車厘茄及芝士碎，食起上嚟加多分點綴調味，或簡單加橄欖油及醋，味道就變得突出，酸味令人變得開胃。
Wings to go雞翼 $98水牛城雞翼都係我到餐廳必點嘅菜式，所以醬汁揀咗酸辣水牛城及農場，農場即是鹹味嘅沙律醬，炸雞翼用嘅粉漿比較厚，感覺比較熱氣，如果轉用半煎炸雞翼，醬汁可更容易滲入雞翼！
軟殼蟹明太子卡邦尼意粉 $128菜式名見到都好吸引，第一次食到呢個組合嘅意粉，有軟殼蟹嘅香口，蟹膏加上忌廉汁變得更鮮味濃郁，意粉醬汁好滑，卷起意粉嘅時候包含着滿滿嘅醬汁，及加上煙肉帶點鹹香，如果選中嘅明太子可以有啲辛辣味，可以令菜式味更廣泛豐富。
軟殼蟹明太子卡邦尼意粉
$128
33 views
1 likes
0 comments
《如果我留下》，其中一套我認為最值得睇嘅電影，由一位前輩介紹，不是單單一套愛情故事，因為女主角和她一家準備揸車旅遊時，突然遇上車禍，家人全部不幸遇難離世，她卻靈魂出竅，得知家人危殆消息，要從生、死中抉擇。內容中重點描繪她的初戀、親情、友情一幕一幕插敘在回憶中表達，與女主角之間嘅感情細緻描繪，內容豐富寫實。
軟殼蟹明太子卡邦尼意粉
$128
29 views
0 likes
0 comments
今晚晚餐都逐樣逐樣慢慢點，一邊食一邊傾，大約食咗三個鐘，到最後選了西冷牛扒 ，一齊放肆一下，熟成程度medium rare，保留大部份肉汁，切開時非常粉嫩，牛扒表面加了黑椒及香料，令味道無咁單一，配菜就揀薯蓉，唔習慣用薯蓉包住一件牛扒咁食，令薯蓉嘅牛油香味跟牛扒油脂香氣融合，濃郁而不過份膩！
8安士西冷牛扒
$198
28 views
0 likes
0 comments
而電影中一句I don't care where we are, I just care that we're together. 對着戀人或致友講都好適合，因為人與人之間有不少的歡喜離合，好似到國外讀書、移民、去working holiday等，就算短短一年間，都會有掛念別人嘅時候，例如錯過朋友婚禮、經歷一啲大事嘅希望朋友係身邊扶持，如果冇呢份愛，生活點會圓滿？
8安士西冷牛扒
$198
17 views
0 likes
0 comments
最後點兩杯熱飲就當食甜品啦！我嘅有檸檬薑汁蜜糖，可以驅寒保暖、滋潤及消滯，一舉多得，走嘅時候見隔離枱食嘅set dinner，甜品有士多啤梨奶凍布甸，畫上心型圖案都幾吸引，有興趣可以來試吓喔！餐廳服務都唔錯，店員時不時為食客加水，又唔會打擾氣氛，感覺不錯！
最了解我嘅朋友，如果年少冇半點輕狂，大家唔會一齊經歷咁多事，依家可以一齊笑住咁，提返起以前嘅事，網上有流傳過好朋友一定會做嘅事情，例如都知道對方家人嘅名字、傾電話傾通宵，種種事情都令我哋更加瞭解對方，相信大家腦海裏都諗到係邊位啦！It's okay if you want to go, everyone want you to stay,
I want you to stay more, that I've ever wanted in my life,
but that's what I want, but I could see why it might, not be what you want,
so I just wanted to tell you that, I understand if you go.
身邊最明白你的人，自然會明白。
Wing's Kitchen
星期一至日:11:30-22:30
尖沙咀漆咸道南45-51號其士大廈地下C及D舖
Tel: 3691 9205
Post
