泰贊- 創意泰餐廳 (Closed)

餐廳空間大，環境舒服，近窗位置可以望下景色。抗疫下亦有做優惠。dinner時間都唔少食客。叫左軟殼蟹芒果米紙卷($95)，泰式醬汁炸雞扒煲仔飯($75)，泰式肉碎生菜包($70)，椰皇椰子雪糕糯米飯($65)。米紙卷一共有8件，卷住大量蔬菜，例如紅蘿蔔絲、青瓜絲。雖然芒果餡唔係件件都包住，不過芒果甜，而軟殼蟹唔油膩。醮埋甜酸辣醬亦唔錯。尼個餸冇咩泰國特色，雖然加左泰式醬汁。炸雞扒不過不失，肉嫩而且大塊，亦貼心地切左一件件，方便食。不過，可能醬汁太多(?)，個飯"林"左dd，如果多d飯焦就會更加好。肉碎充滿香茅味，而且辣辣地，夠惹味，肉碎有肥有瘦，用生菜包住食口感唔錯。最吸引既係有椰子雪糕糯米飯，平時泰國餐廳多數都係芒果糯米飯。但今次尼到，就可以食到椰漿椰子味糯米飯，超jeng。雪糕既椰子味好濃，而且椰漿又多，配糯米飯一凍一熱食，好爽。碟上面灑上既白色粉，除左係點綴之外，原來係椰絲粉，多重椰子享受。整體，甜品整得出色，而且門口廚窗外面有多款蛋糕，可以揀個蛋糕慶祝生日，而且賣相唔錯。

第一次係美麗華食飯，其實係咁啱係尖沙咀想食泰國野，search到呢間感覺環境價錢都ok就拿拿林過嚟坐低休息事關頭先真係行街行到腳斷啦🙈🙈坐低望下個Menu，好多類別同選擇！仲好貼心有埋素菜餐單～最正係原來以家有個抗疫優惠：滿$200送泰式肉碎生菜包滿$500送泰式肉碎生菜包+特色鮮蝦金邊粉滿$800送泰式肉碎生菜包+特色鮮蝦金邊粉+燒脆皮豬手配泰式芥辣及辣汁由於我地得2個人食，嗌唔到咁多野😭個脆皮豬手都係留返下次再食啦～～今次都唔執輸叫夠$500佢，成件事就勁豐富勁抵啦！嚟張豐富大合照先！🤩🤩個餐具套覺得幾靚又影一影🙈原隻泰式鹵水豬手 $150呢個係超推介呀！鹵水豬手勁大兜重磅！最重要係豬手唔會覺得太油膩，肉質肥瘦有致咬落超口感我高度推介佢呢個豬手皮真係好滑lulu超正XD絕非打手~配菜包含份量唔少嘅菜﹑酸菜﹑雞蛋等，感覺唔伯太滯又健康D特色鮮蝦金邊粉 $85金邊粉又係好好味，炒得啱啱好又唔會太乾身，蝦都成4 5隻仲要大大隻👍🏻泰式肉碎生菜包 $70份量中等啦，生菜夠鮮爽，不過肉碎係冇辣味嘅，我自己鍾意辣肉碎會好D軟殼蟹芒果米紙卷 $95賣相好吸引，仲要成8舊咁多！份量都好足不過除咗2

同友人嚟開依間餐廳食飯,因為這裏夠就腳,坐得又舒服。最緊要有我地最鐘意食嘅泰菜。但係今日發現除咗平日個menu ,仲多咗個泰。潮menu ,裏面有8款世華餐廳最人氣招牌菜式,細看之下原來世華餐廳是泰國一間老字號嘅餐廳。今次就係將潮州菜元素及飲食文化注入泰國菜式中。好特別。今次同友人就從8款招牌菜式揀了兩款。另外叫咗個米紙卷。其中一款是泰式炸蝦腐皮卷 餐廳用了手打鮮蝦膠配海蝦肉,卷入鮮腐皮，啖啖都係鮮蝦肉，好彈牙,無腥味。腐皮做得好薄,好脆口,裏面包住好充足嘅蝦肉,外脆內軟,感覺好充實,世華特色鮮蝦炒金邊粉 這個好特別雖然望落似泰式金邊粉,但這個並非酸酸甜甜，而是酸中帶點辣,好驚喜。蝦好大隻又新鮮,肉質好彈牙。仲有加上芽菜,葱等的配料。令到這個金邊粉好香口,好好味。軟殼蟹芒果米紙卷 有8 件，每件都脹卜卜,真材實料。每件都充滿了甜甜嘅芒果肉和香脆嘅軟殼蟹,好新鮮。配合埋酸甜醬汁,好醒胃。今次試咗2款世華嘅招牌菜都令我有驚喜,下次要試埋其他菜式

好難得一班好姊妹約齊，又食又傾紅咖哩不辣，雜菜混合左咖哩汁好香好好吃大大隻軟殼蟹，夾芒果和粉絲，卷成一個軸，食落超爽口，而且越食越開胃炸魷魚圈酥脆可口嘩，金邊粉偏辣，如果食到辣的朋友要選這個，幾好味啊薄餅好有冬蔭功味，厚度適中這裡飲品，超香超好飲環境舒適，雖然餐廳話只可以住90分鐘，但我們坐左一晚，好開心🥳