金鶴拉麵 (九龍城道) (Closed)

同事請食晏，去 openrice 買咗 coupon 就去開餐。每款麵都有 2 片雞肉同一片义燒加半隻糖心蛋，麵嘅份量唔會太大，但唔知點解食完又好飽肚 🤣🤣🤣黑蒜油拉麵清清地，辛味拉麵同事話夠辣 😅同事仲驚唔夠飽，叫咗份唐揚炸雞 😋😋原來餐廳而家有唔同嘅 lunch set 叫，除咗麵之外仲有飯，下次有機會可以試吓喎

終於食到期待咗好耐嘅金鶴拉麵佢地都有幾多食物款式選擇首先要大讚佢地嘅服務態度真係好好店員介紹得好仔細 仲會細心派發圍裙同紮頭髮嘅橡筋我今次只係叫咗普通版嘅雞白湯拉麵見到白雪雪嘅湯底 其實我覺得已經夠曬濃厚好Creamy 我真係飲曬成個湯😂如果真係鐘意更加濃稠嘅口感仲有極濃版本上面嘅炸牛蒡絲好脆好香口拉麵裡面有慢煮雞胸同叉燒 都好淋好嫩滑🤤超級推介！而朋友叫嘅係辛味拉麵 佢就話覺得辣味好香濃 唐揚炸雞小食就炸得非常香脆 但稍微覺得乾咗少少 整體都算好食

土瓜灣呢間金鶴拉麵我哋已經試過幾次，今次已經係第三次，心癢癢又想食。適逢喺疫情之間，好多餐廳都提供外賣自取優惠，我都習慣咗買返屋企食，今次就試吓叫外賣食拉麵啦！金鶴拉麵最近提供八五折外賣自取優惠，價錢好吸引啊😍我地兩個一人選一款拉麵，再加了三個小食。雖然外賣有優惠，但都有唔少客人選擇堂食。始終食拉麵都想有一個日本餐廳嘅氣氛。我地坐低一陣都覺得好似置身日本咁，好想去旅行啊😭餐廳好乾淨企理，仲做足晒防疫措施，所以我地都食得好放心。開餐啦！食物分裝得好整齊分明，湯還湯，麵還麵，紫菜仲有用保鮮紙包住防止變淋，好貼心。我地先試一試湯底，辛味拉麵真係好香口濃味，辣味好夠，食到好刺激，好適合鐘意食辣嘅人！而黑蒜醬油湯底更香濃，帶有剛剛好的蒜香，好鐘意呢個味道，每條麵條都沾滿湯底，麵條好彈牙～而且配料好多啊，平時出面食嘅拉麵得好少肉，呢到一碗都有三大片，好軟熟。食拉麵之餘，梗係要試埋啲小食啦。最吸引我哋嘅就係嗰個黑豚肉串燒！望落好似燒得好香嘅蜜汁叉燒。一人一串，黑豚肉一層肉一層脂肪，燒到剛剛好，好香口。忍唔住食埋啲脂肪😱好好味呀。餃子都係我地無論喺日本定香港食拉麵時都會點咖，配埋醋特別開胃。而唐揚炸雞

家姐屋企大裝修，暫時未有屋企飯食，約我係佢家附近食，她住土瓜灣，咁啱見到我之前就想食嘅金鶴拉麵土瓜灣有分店，就決定食呢間。內籠裝修較黑， 有高檔日本餐廳feel， 好在打開menu，最貴嗰個都係鰻魚飯，而且個饅魚飯睇個board話有3cm厚，好正咁。 我地兩order 了鰻魚飯， 激辛拉麵， 再加多個炸雞。鰻魚飯有連埋鰻際肝湯 ，珍珠米粒粒分明，唔會太多汁浸過飯粒， 鰻魚好厚肉都有3cm厚， 有彈性嘅焦香味，鰻魚肉軟腍帶膠質，沒有碎骨，美味。激辛拉麵最出色的唔係嗰個叉燒而係入面嘅白雞肉, 慢煮雞胸肉肉質細緻，入口一點都不鞋口， 麵質彈牙。炸雞性價比高，38蚊有三大舊，伴有椒鹽, 又唔會炸過頭，保留了水份。download佢app即時有100分送，可換飲品。

這天我約了朋友在土瓜灣吃晚餐，經過其他朋友的介紹，我們決定來到這間日本菜餐廳試一試，店內環境清潔衛生，餐牌上的選擇很多，餐廳會播著一些音樂，令客人可以在一個很舒服的環境進餐，每張枱都有提供濕紙巾客人使用，濕紙巾的設計十分美觀辛味拉麵($88)拉麵十分彈牙，糖心蛋十分軟綿綿，菇軟彈煙韌 ，露筍爽彈鮮美，白茫的蔥，日式叉燒香稔軟嫩，雞肉嫩滑細密，木耳絲軟彈煙韌，細碎的紅椒絲，筍爽口微彈，配料十分豐富，而且味道恰到好處，會太辣，食物的定價也不貴，可以一試活燒蒲燒鰻魚飯($198)厚身的鰻魚，非常新鮮，是即點即燒，十分有誠意，所以需時十多分鐘，我還是覺得是值得等待的，食物的賣相非常吸引，份量非常非常多，鰻魚汁的味道恰到好處，不會太甜，應該是餐廳自己調教過的，白飯是用高質素的日本米，前菜是芥末八爪魚粒嗆鼻十分彈牙，用鳗魚的骨來敖湯，比較清淡，不落味精，食得更健康，前菜、餐湯和主食也有，十分豐富，食物的定價雖然是略高一點，但以食物的質素來說，還是可以接受，值得一試整體來說，食物的質素非常高，食物的選擇十分多，食物的份量延多，食物的用料非常新鮮，食物的賣相很吸引，餐廳十分細心，餐牌上附有食物相片