Orange Elephant Thai Restaurant (啟德道)

Open Now

Now Closed

九龍城泰菜雲集，今次就試下呢一間主打新式泰菜嘅「橙象」飛天炒通菜 （$1）餐廳每日都有唔同嘅$1菜式，咁岩星期四係「飛天炒通菜」😍唔好以為$1就係細細碟，份量完全足夠兩個食🤩煮法完全唔會馬虎，夠晒入味，辣得過癮👍🏻咖哩海鮮脆包盅（$142）一上枱滿滿嘅咖哩相當吸引🥰餐廳都貼心俾埋較剪，食起上黎更加方便，可以保持到儀態😂雖然係百幾蚊，但海鮮種類都唔少😌辣椒膏炒蜆 （$86）用傳統嘅泰式辣膏炒，味道一定唔會輸😂蜆嘅份量都合理，唔會俾人覺得殼多過肉冬陰功湯（小/$86）容易入口，唔會辣到口水鼻涕都流晒出嚟😂同傳統嘅冬陰公湯有d唔同，偏重奶味，相對冇咁酸同辣，唔食得辣但又想過下癮不坊試下😉芒果冰特飲（$36）椰汁冰（$28）兩杯飲品都大大杯，抵飲！👍🏻

今日朋友話車我去九龍城食泰國野，佢話好好食，果然無介紹錯。呢間食店既特式係有每日$1優惠，菜式日日唔同，今日係星期一係泰式明爐烏頭，一上菜已經聞到好香，魚質唔算太嫩滑但勝在調味出色，魚肉清甜又帶一點酸既味道，各樣配菜都好入味，令人好開胃。我朋友好鐘意食泰式蝦球炒金邊粉，所以就叫左黎share食，啲蝦都幾新鮮爽口，個粉唔會太濕，醬汁味道適中，幾岩我地口味。我地仲叫左辣椒膏炒蜆，啲蜆大大隻都算新鮮，而個醬汁整得超好食！將蜆既風味帶左出黎，呢個醬汁令人回味，有機會會再黎食。平均一人唔洗$100就可以食到咁好食既泰國菜，個人覺得值得一試！

今日想食泰國野，諗起之前揸車去九龍城有間幾好食，而且有$1優惠，就去翻呢間。今日係星期一所以$1優惠係泰式明爐烏頭魚，無食咁耐依然好足料，未食已經聞到好香，魚質唔算好嫩滑但勝在味道出色，食落清甜又帶一點酸既味道，配菜有菇、酸菜、肉碎等都好入味，真係令人停唔到口。如果嫌唔夠味仲有泰式辣醬同隔離個湯比你調配自己口味。之係上辣椒膏炒蜆，賣相唔算好吸引，但啲蜆大大隻幾新鮮，重點係個汁整得超好食！唔算辣但好有泰式風味，可以撈飯食一流！呢個汁包你食完仲想再食。最後上泰式蝦球炒金邊粉，唔知幾時開始鍾意食，但都唔係間間可以整得好食，以後可以黎呢度食了，啲蝦望落已經覺得新鮮，食落爽口，個粉唔會太濕，有啲芽菜令到口感唔錯，味道岩岩好唔算好濃，好岩我口味。每次黎都會叫椰汁冰，而朋友就叫咗椰汁珍多冰，會感覺到無溝水，椰汁味好正，珍多冰個杯就會有啲椰果絲等配料比你過下癮，不過我個人就喜歡就咁飲椰汁冰多啲。總括嚟講，今次比上次更加滿足，今餐所有野都好想再食多次，會有想再黎食既衝動，而且餐廳幾大下，7點幾去就算見到好多人都有位可以即刻入。

我個人其實係幾鍾意食泰國菜既，所以耐唔耐都會特登去九龍城食泰國菜，今晚我又去左呢間泰國菜個門面同內部裝潢都幾乾淨咁，於是我同屋企人就決定俾個機會佢入座後我地就叫左幾款小菜，當中既辣椒膏炒蜆真係幾好食，無沙之餘，仲幾大隻吓，而且夠晒辣味，好岩一向重口味既我~食吓食吓好快就被我食左大半碟食得泰菜就當然要叫吓串燒，由於我成家人都唔係好鍾意食肉既關係，所以今之只揀了雞肉同牛肉，份量幾多，每串都好夠肉，加上烤得香口外，仲保留到當中既肉汁在內，再點埋香到爆的花生沙嗲醬汁下，直頭就係好食到核爆！就算食完會肥，我都係咁食左幾串~~另一我個人一定要食既就係飛天通菜 ，味道帶有好微既辣，完全將通菜當中既清新味道完全釋放出來，兩者配在一起就係好食，而菜既本質又好嫩，所以確係煮得出色！食完熱辣辣嘅菜後，再細味返杯龍眼冰，感覺真係好爽，潤喉既同時又清熱氣，真好~

男友今日即興話想食泰國菜，我就搵下九龍城有咩選擇，平時食開個幾間又唔太想食，決定試下其他未趁試過既店。巧合地搵到哩間有優惠，每日21:00後有優惠二話不說就決定去試下，九點準時到達，已經有幾堆人等緊位了，我地拎左飛大約等左十分鐘左右就入座，好肚餓既我當然已經係門口睇定叫D咩酸辣鳳爪: 我覺得一般，本人鍾意食辣，反而我厭唔夠辣，但味道同其他泰國菜店差不多生蝦刺身: 我係被佢個賣相吸引而叫，普通同埋本身唔夠凍，我都係比較鍾意食有冰陣住既擺法，同埋個生蝦汁唔夠辣，點完無咩味乾炒豬肉河: 好味，夠火喉同好入味飛天通菜: 炒得好入味，唔會炒到冧哂，岩岩好辣椒膏炒蜆: 都ok，唔係特別出色，但我中意食辣椒膏個味道，可以送飯另外，我地叫左兩個椰青，好甜好好飲可能而家到季節啦。整體上，我覺得都幾抵食，同埋又坐得舒服，埋單三百幾蚊叫到五樣野，都幾抵