NeNe Chicken (新都會廣場) (Closed)

想食NeNe chicken 好幾次，試過有一次黎話午餐無炸雞或烤雞，晚餐先有，所以想等人同我share。今日終於有人陪，兩個人，點左一份烤雞同一份小食。整體黎講：覺得雞太乾同無咩味，有啲失望。招牌烤雞原味（全隻）$174烤雞等待時間比較長。雞上枱時，有冒煙，係幾吸引。但食落肉質比較乾食，同無咩調味。有問店員拎辣醬，佢有「溫馨提示」話嗰醬有少少咸，叫唔好點咁多。的確無想像中嘅辣味，但都好過無😶迷你雞蛋卷（明太子）$90份量亦都比想像中大，我哋點左「迷你」，覺得其實係指regular ；「勁量」應該係指加大。蛋卷味道係正常架，入面有拉絲芝士、火腿粒同大量生洋蔥同青紅椒！純粹係我哋個人喜好問題，唔鍾意食洋蔥同青紅椒，所以對佢嘅味道有所保留。

「NENE Chicken」終於開分店來葵芳，之前在旺角開店已經很想食，今次經過剛好不用等位，幸好早點來，8點後都開始多人。 新店環境特別光鮮乾淨，裝潢比較貼近年青人的格調，簡單利落的風格。門口位置已經放了大海報，一眼望齊所有食物的menu，不過最新出的兩款炸雞口味就不在海報上，想知有咩新口味，睇落去就知。點餐後，店員都送上前菜，粟米沙律太普通，味道也麻麻，醃蘿蔔不太酸又爽脆，留待食炸雞時解辣用。Shark Attach $78，跟埋條鯊魚裝飾一齊上枱，實行有得玩有得飲，仲有得影相厄like。鯊魚裝著士多啤梨汁，倒入飲品時，鯊魚口中似有血，飲品隨即被血染，增加像真度，夠玩味。飲品大杯的份量夠我地share來飲，有大量沙冰，非常冰涼解渴，最岩夏天熱辣辣飲。味道酸酸甜甜好開胃，好似乳酸飲品，還有淡淡的椰香味，好有熱帶海洋氣息。迷你雞蛋卷（明太子） $98，無想過迷你原來都很大份，厚得像棉胎一樣豐富的材料，十分抵食的雞蛋卷。有大量芝士、明太子、餐肉，芝士既多又滋味，仲可以拉到長長的絲，太正啦。明太子微辣又咸鮮，令雞蛋卷味道更豐富，加上有木魚絲、飛魚籽、蛋黃醬等配料調味，真係滋味無窮，而且食完