Video
Read full review
2017-07-15
1839 views
我本身好鍾意食大阪燒，鍾意既程度係會間唔中到一田買唔同類型大阪燒餅粉去整，連去旅行時見到大阪燒餅店都會走入去試，所以當知道香港開道頓堀御好燒專門店時真係開心到彈起，但可惜開張個陣陀緊BB, 好多檢查要做，加上好難訂位，試過有一次訂位時只是打電話問朋友時間啱唔啱，短短5分鐘又錯失一個大好良機，難免心中會有一個遺憾⋯⋯今日終於機會黎喇，有朋友可以收早一齊去試，梗係試下早D攞籌walk in入啦，我17:15左右已到店外，由於限時90分鐘，朋友最早18:00到，我唯有門外呆等先，不過同步都有其他人都同我一樣等埋朋友先至入，所以絕不孤單，但亦擔心被同行捷足先登，心情竟忐忑又緊張最終大約18:30左右入去，由於入餐廳前一早諗定食咩，所以點餐過程非常順利，我地兩個人點了以下菜式：牛舌：一碟有七塊，簡單用蔥及少少黑椒調味，就咁煎香食略嫌淡味，幸好檯面有鹽，加鹽後味道唔錯道頓堀豪華七品：餡料有豬、牛、雞及海鮮等材料，煮法非常簡單，只需將碗內材料攪拌後倒在已搽油的鐵板上，每隔5分鐘反轉一次，合共反轉3次，需時15分鐘，之後落燒餅醬汁、蛋黃醬、紫菜粉及鰹魚粉便完成口感味道都好好食蒸雜菜：只需擺鐵板上蒸10
今日終於機會黎喇，有朋友可以收早一齊去試，梗係試下早D攞籌walk in入啦，我17:15左右已到店外，由於限時90分鐘，朋友最早18:00到，我唯有門外呆等先，不過同步都有其他人都同我一樣等埋朋友先至入，所以絕不孤單，但亦擔心被同行捷足先登，心情竟忐忑又緊張
最終大約18:30左右入去，由於入餐廳前一早諗定食咩，所以點餐過程非常順利，我地兩個人點了以下菜式：
牛舌：一碟有七塊，簡單用蔥及少少黑椒調味，就咁煎香食略嫌淡味，幸好檯面有鹽，加鹽後味道唔錯
牛舌
40 views
0 likes
0 comments
道頓堀豪華七品：
餡料有豬、牛、雞及海鮮等材料，煮法非常簡單，只需將碗內材料攪拌後倒在已搽油的鐵板上，每隔5分鐘反轉一次，合共反轉3次，需時15分鐘，之後落燒餅醬汁、蛋黃醬、紫菜粉及鰹魚粉便完成
口感味道都好好食
道頓堀豪華7品
56 views
0 likes
0 comments
蒸雜菜：
只需擺鐵板上蒸10分鐘便可，不過我覺得略嫌生
蒸雜菜
43 views
0 likes
0 comments
肉類雜錦炒麵（醬汁/鹽）
我地揀左鹽味，因諗住醬汁應該同燒餅味道差唔多
先落油炒熟所有肉類（內有雞、牛及豬），同步另一邊可以炒定所有菜，全部熟晒後炒埋一堆再落麵及壺湯，落埋調味醬（即鹽汁/炒麵汁）完成
由於份量都算多，我地分開兩份，每份落唔同醬汁（因炒麵醬就放響餐檯上），所以同時可試兩種味，兩種味都好好食，值得推介
肉類雜錦炒麵（醬汁/鹽）
36 views
0 likes
0 comments
軟芝士厚燒班戟：
先倒班戟漿落鐵板（不需落油），整左個形後每邊煎兩分鐘，合共反轉3次，共6分鐘，最後落士多啤梨忌廉醬就可以食，好好食
軟芝士厚燒班戟
44 views
0 likes
0 comments
巨峰活乳酸梳打
36 views
0 likes
0 comments
燒酎、鮮西柚、鮮橙、鮮檸檬、梳打水
31 views
0 likes
0 comments
可能我地得兩個人既關係，叫左咁多野食，食埋都仲有20分鐘剩，其實時間尚算充裕，服務方面都好好，不過由於比較忙關係，侍應送餐講解煮法時比較快，不過都唔駛太擔心，唔明既可以問其他侍應或參考檯面指引，所以呢間餐廳又有得大顯身手煮野食呃like影相，食物質素及味道又好，值得推介
Post
