橋底辣蟹 (雅閣大廈) (Closed)

正宗港式避風塘橋底辣蟹灣仔呢間橋底辣蟹不嬲好出名，細個屋企人隔唔中都會帶我去食避風塘炒蟹😍.今日鍾意食蟹嘅表弟生日，於是book左橋底辣蟹同佢慶生😊好耐無食，再次返黎發現裝修靚左，舖頭又大左，感覺更乾淨企理！.我地嗌左兩大隻蟹😍😋店員拎俾我地睇，好大隻好生猛！.薑蔥炒蟹 🦀🎋愛好薑蔥嘅表弟話鍾意呢個薑蔥炒蟹，因為多汁又香口，蟹嘅每個部位都有’dup’碎少少，令每一啖肉都有薑蔥嘅惹味！🎋🎋🎋蟹肉好多而且食到一梳梳偏爽身，證明佢係新鮮的😇.避風塘炒蟹🦀🌬必嗌！更惹味更地道嘅一定要嗌避風塘炒蟹了！呢個避風塘炒蟹用好多蒜爆香而成，係乾身的但蟹嘅肉質依然juicy，濃郁又脆口嘅炸蒜以外又Keep到蟹嘅鮮味！港式避風塘真係一定無得輸。🔥🔥🔥.除了主角嘅蟹我地仲叫左蒜蓉炒白菜仔，點都要清下腸胃嘛！白菜仔幾鮮嫩，咬落好嫩口，唔會有渣，而且用蒜蓉炒得好香，黎到點都要叫返一份港式炒菜呢🥬

話說我同女朋友2個口痕想食d香口嘢，然後去到鵝頸橋，就黎到lee間平時成日經過但未食過gw橋底辣蟹🤭入黎個setting同平時酒樓差唔多，睇都唔洗睇，那那臨叫個蟹先，因為我最近跌親隻腳，跌打話唔食得辣，所以叫左唔辣黎食😋當我仲諗緊唔辣會唔會無咁好食，黎到發現原來唔辣都好香「避風塘」味，個蟹多椒鹽得黎入嗮個蟹到，食到lam lam利（5/5）涼瓜炒蛋當然蟹唔會食到飽，所以叫左d小菜。我自己本身唔太鍾意食涼瓜，怕苦，但佢炒蛋個鹹味中和左，所以幾夾（4.5/5)白菜仔個白菜仔用蒜頭爆香，撈飯幾好（4/5）黎完食蟹，覺得佢咁出名都有原因。下次食蟹再搵佢先🤪