Urban United Burger & Bar (Closed)

今日又去又新街食lunch，原來行入少少有間食burger嘅餐廳，裝修好美國風，牆上仲畫滿graffiti燒牛柳沙律 ($78)牛柳燒得剛好，外層燒至啡色，裏面仲係粉紅色，好嫩滑，其實都幾厚，仲有清甜嘅沙律菜同青瓜逹拉斯烤菇牛堡 ($88)好喜歡食大蘑菇，所以選擇咗呢個，個菇大大隻，仲好多汁，牛肉好juicy，又結實，加上半溶嘅芝士，超正，個Burger實在太大，又厚，最後我都係用刀切開食 都市大拼盤 ($128)有豬肋骨、雞翼同薯條，豬肋骨唔乾，肥瘦適中，肉質嫩，都幾軟腍，個雞翼係芒果雞翼，出面好少有，酸酸甜甜咁，芒果味濃，好味又特別，薯條新鮮炸，也不錯

一直聽聞元朗有間美式burger店，工業風嘅門面加上色彩繽紛又畫滿塗鴉嘅牆，唔係唔入嚟試吓呀嘛？影相一定會好靚！燒牛柳沙律 ($78)牛柳燒得好嫩，外層啡色但入面係粉紅色，肉質有嚼勁，非常吸引啲沙律菜及青瓜勁鮮甜逹拉斯烤菇牛堡 ($88)嚟得呢度，一定要叫個burger試吓啦。唔算特別肚餓，所以叫呢個試吓，感覺上冇咁膩吖嘛！大大隻烤菇上搽滿汁，口感超滑，一切開啲菇汁漏晒出嚟滲晒勁惹味；牛肉上充滿半溶芝士，口感結實又juicy，食起上嚟都唔覺膩，份量啱啱好；整體係非常juicy，但墊住個木盤嘅係一張紙，切得太落力張紙會爛咗，差啲食埋張紙，要留意一吓都市大拼盤 ($128)豬肋骨肉質都幾軟腍，肥瘦適中；芒果雞翼真係第一次食，酸酸甜甜咁非常好味，芒果汁濃郁，正！最可惜係薯條凍得好快，如果係新鮮炸起就好了芒不了梳打 ($52)甜度適中，入面有芒果肉及椰果，口感激好，篤一篤塊薄荷葉，更清香，今日雖然唔係好熱，但都好正！

4個人share食，齊齊食！●芝加哥BLT牛堡&薯條：漢堡肉厚多汁，煙肉香脆，薯條新鮮炸起脆卜卜 ●美式炸雞：炸粉同雞肉比例恰當，唔會咬落去得啖粉團味 ●素食烤菇意粉：烤菇有口感，意粉唔油膩 ●都市大拼盤：豬肋骨夠哂大舊，雞翼加青檸一齊烤，酸酸甜甜好惹味 ●Badger Golden Glory 生白啤：由吧台特製 ●盆栽朱古力：別出心裁的設計，小小的薄荷葉，朱古力顆粒，幼滑奶油，加上濃郁的熱朱古力