九份飽 (淘大商場1期)

Open Now

Now Closed

因為疫情已經好耐無飛過✈️特別掛住台灣美食上網碌到九分飽呢間台灣風既餐廳，淨係環境都好自身於台灣咁🥰🥰呢到既感覺同阿元來了有小小相似，假日下午時分去到唔需要等位就可以直入呢到既餐牌好精簡，寫低想要既數量就OKAY啦❤️一共叫左5款食物❤️🐓香酥雞扒魯肉飯$52台灣米真係特別香，賣相好似差左小小🤣，好似比人食左幾啖咁，雖然魯肉唔算但都足夠分配到每啖都有小小，雞扒份量都幾多，味道都岩岩好唔會太咸🍜香酥排骨刀削麵$58刀削麵既份量再多少少就更滿足～我幾鍾意個刀削麵好彈牙，煮得岩岩好，碗麵有半隻蛋兩三片生菜同小小芫茜芽菜做配料，個湯底比較清，排骨都有4-5塊，相比起雞扒炸得比較乾身🤫🌛月亮蝦餅$34呢款係台灣常見到的台灣小吃，我同朋友都係第一次食，配埋個甜酸醬我地都覺得幾好食，外層係類似春卷皮，包住蝦肉🦐🦑酥炸花枝丸$36花枝外皮炸得好酥脆，入面食得出有花枝肉，唔會食到成口麵粉，比一般既花枝丸大粒，一啖食曬都有難度🙊，所有炸物都係超級熱，食個陣小小辣親！！🌽玉米起司蛋餅$32蛋餅個皮煎得岩岩好，餡料都好飽滿，好濃芝士味配埋粟米甜甜地，食完真係超級飽

今次朋友提議嚟呢間餐廳，話平時成日排長龍食唔到，今日6點嚟到唔洗等位，可以直入🤣餐廳裝修走台式懷舊風，不過枱就細細張，勉強放得哂食物～我哋叫咗兩個主食，首先係懷舊魯肉飯 (小) ($32)🍚魯肉味道唔錯，肥瘦同鹹味都適中，不過如果可以多少少魯肉撈飯就好喇🤣另一個主食係紅燒牛腩刀削麵 ($59)😋呢個嚟到都覺得佢幾大碗，啲刀削麵好煙韌😋牛肉都算大舊，非常容易咬開，幾入味～而個湯飲得多有少少鹹，配住麵食就ok👍🏻小食方面，我覺得玉米起司蛋餅 ($32) 就一般般，芝士幾香，不過個餅皮略硬，少少脆身～另一個小食係酥炸花枝丸 ($35)😆呢個炸得啱啱好，花枝丸亦有花枝肉，好有咬口🤤每人當然叫咗一杯嘢飲🤤朋友嘅黑糖珍珠奶茶 ($25) 冇叫少甜，估唔到唔會死甜，反而係好香嘅黑糖味😆我嗰杯係Oreo奶茶加珍珠 ($28)🧋叫咗三分糖，味道啱啱好，可以一路飲一路食到啲oreo碎碎🤤不過我覺得珍珠有啲太淋，唔夠咬口，可以再進步😆整體嚟講，呢間餐廳都算幾好食～如果唔洗排隊都可以試吓😌

好想飛過台灣掃街食野 但係現實中已經變成不可能的任務 但俾我發現左係淘大商場有一間台灣野食 唔洗講 即刻就入左去試下佢我去果時大約7點半都有大約廿個人排緊隊 不過都係等左三 四個字左右就入得去 裝修真係幾有特色 有好多關於台灣的裝飾樣樣野我都好想食 可惜肚皮有限 我地叫左兩個主食同兩個小食 香酥雞排魯肉飯: 與菜名名符其實 雞排炸得非常香脆 而同時亦保留住雞排的肉汁 至於魯肉飯完全係做到台灣的味道 唔會係我地平時我地係街食到既"肉燥飯" 係真真正正既魯肉紅燒牛腩麵: 比起其他佢就稍為遜色左少少 牛腩的份量十足 亦都炆得夠腍 純粹係味道較淡 而麵條亦都好幼滑 整體都ok酥炸花枝丸: 花枝丸炸得香脆可口 加上少少的辣粉 食起上黎更加惹味蚵仔煎: 份量都頗大份 需時要20分鐘左右 由於即煎關係 粉團煎得好Q彈 蠔仔份量都算多百香果綠茶: 飲落好重百香果味 亦有少少微酸的感覺 蜂蜜檸檬: 甜和酸的組合好夾 個人覺得三分甜剛剛好

今日happy Friday, 同朋友收工去九龍灣呢間台式餐廳「九份飽」到食。之前係北角間分店食過，性價比非常高。今次黎九龍灣淘大就試一試呢間既質素先。我哋大概晚上七點鐘到，門外已有人龍排隊，看看呢間分店比北角的大，應該都不會等好耐。大概我地等左10至15分鐘便可以入去用膳了。我地叫左香酥雞扒滷肉飯、紅燒牛腩刀削麵、酥炸花枝丸、芋圓仙草豆奶及百香果綠茶（少甜），都係上次未試過既菜式。食物一上，見到食物既分量都非常大碗，2個人食都已經好飽。味道亦不俗，所有食物都熱辣辣，新鮮炸起的。最後食埋個甜品，裡面勁多芋圓勁足料，勁多奶，超滿足！如果甜品再凍啲加碎冰就更加perfect 啦。

今日係九龍灣考完筆試之後，夜晚係九龍灣覓食，因為無堂食，只能外賣。無得堂食既情侶只能係公園開餐。海苔培根蛋餅十分足料，啖啖都食到培根，唔會好鹹。酥炸花枝丸有五粒大大粒既花枝丸，口感彈牙，十分惹味。大腸包小腸自從N年前係台北食過幾啖大腸包小腸之後就再無食過，今日終於可以再次食到。第一次食既男朋友表示好食，話糯米同台灣腸好夾。香酥雞扒魯肉飯食完幾飽肚，雞扒唔算油膩，魯肉汁撈飯食好味，仲有半隻蛋。台灣擔仔麵有一隻蝦，半隻蛋同一粒貢丸，油麵同肉躁加芽菜一齊食唔錯。冬瓜檸檬少甜男朋友鍾意飲，所以叫左杯俾佢。

無得去旅行，相信大家都靠食黎得到慰藉。我都唔例外，今個星期就決定飛一轉台灣！九份飽裝修特別，充滿舊式台灣感覺。天花掛滿紅燈籠，牆身兩邊有舊招牌設計，又靚又吸睛！食物整體味道唔錯，除左主食外，仲有多款台式小食。價錢經濟實惠！食到十成飽，人均都係$100以內，抵食。🔸台灣擔仔米粉 $42有肉燥、滷蛋、蝦、酸菜、芽菜、芫茜餸料較少。米粉量多，透明偏幼身。單一碗擔仔米粉可能會Dry少少，用黎餸小食一齊食會飽肚D。🔸海苔肉鬆起司蛋餅 $37蛋餅皮薄，咬落微帶煙韌。海苔、起司味唔算特出，但肉鬆不少。🔸酥炸花枝丸 $35熱辣辣炸起，花枝丸皮夠酥脆。咬落彈牙，唔係林滋滋個種。🔸滷味拼盤 $35拼盤包括豆腐、滷蛋、豬耳、雞翼、牛腱。滷味夠入味，香氣濃郁。個人最喜歡豬耳，爽口Q彈。另外還點選了幾樣，不過不失，就不刻意提了：）🔸綜合湯 $25 （紫菜、貢丸、魚丸）🔸蜜桃紅茶 $20 （+$3椰果）/ 🔸草莓綠茶 $20

今日和朋友往九龍灣在份飽食台灣菜, 我們點了香酥雞扒魯肉飯, 香燥雞扒肉燥面、酥炸花枝丸、滷味拼盤、珍珠奶茶和芋頭牛奶。香酥雞扒魯肉飯雞扒熱辣辣, 肉質鮮嫩啖啖肉, 口感十足, 魯肉飯飯粒軟綿, 魯肉肉質鮮甜味美,口感十足, 整碗香酥雞扒魯肉飯食落美味, 口感豐富；酥炸花枝丸炸得金黃, 食落有彈牙有鹽酥香味, 食落惹味；滷味拼盤有豆腐, 雞翼、朱耳、蛋和牛展, 牛展食落軟腍, 豆腐鎖上滷水汁, 食落香甜；最後珍珠奶茶我選了少甜, 珍珠奶茶奶茶茶味香濃, 奶味香滑, 珍珠大小適中, 甜度適中。餐廳裝修是五六十年代台灣, 很有古早風, 餐廳食物美味份量十足, 價錢合理, 食了一頓高質美味台灣菜。