梁記餃子麵坊 (Closed)

星期六，天氣清爽，與先生到元朗一遊。在元朗之友推薦下到此店食餃子。看過餐牌，有常見餡料的餃子，有特別口味的餃子，最終選擇淨食雙併，，還點了酥炸鯪魚球。酥炸鯪魚球(五粒)， 新鮮炸，好大粒，食落好彈牙香口，好重鯪魚味，好味道。飲啖湯，好重胡椒粉味，餃子Size大，餃子皮用上雲吞皮，皮薄滑口，隱約見到南瓜的橙色。先食南瓜餃，南瓜與豬肉分量平均，南瓜清甜可口，調味不重，以食南瓜的甜為主。菜脯沙葛餃子，內𥚃又見不到菜脯及沙葛，因為與豬肉的顏色差不多，食落菜脯與沙葛爽口， 味道帶甜，好特別的餡料。HK$32雙併餃可算便宜，有機會下次再試其他味的餃子。

在元朗一直發現不到梁記, 幸好有一天在開飯找美食時給我看見這店之寶"全蝦雲吞", 對我來說真是非常吸引..因我很怕雲吞內裏有很多豬肉及肥肉, 所以今日就決定找一找試一試吧!!!!約7:10到達, 店舖都不難找但門面不太特出, 舖內長形不算大地方啊, 但全滿坐, 幸好有人食飽飽離場, 我們就不用等位了. 先來一杯香菊蜜, 甜味適中, 菊味不似沖劑, 感覺似真材實料, 但如果菊味可以濃一點會更好~ 看看碗上很多酸菜很好味呀..重點是不會太酸, 但說明是酸辣湯底, 明顯地是不夠辣啊~豬扒我點了另上, 因我怕被湯浸淋不太香口,很細心地剪了一細塊可方便進食, 雖然看似比較薄身但炸得不太油亦不會滿口都是粉漿, 最重要是不會乾身似柴皮啊. 由於是雙拼全蝦雲吞只有3粒, 如果雲吞可以大一點會更好(好貪心)..我籨未食過雲吞是全蝦, 感覺很滿足, 滿口都是原隻蝦, 如果蝦身爽一點會更好, 這些才是雲吞吧!!!!豬手只有兩隻, 味道就只有少許胡椒味感覺上比較清淡, 不過卻有很多蠔仔, 雖然比較細隻但蠔身肥美鮮甜, 份量真是很多很多, 整碗接近清空時還有很多蠔仔在碗底..真是抵讚!!!愛蠔者必食!!!!!!

第二次黎”梁記”食啦.食既野都係同上次一樣.酸辣原味豬扒米線餐;酥炸鯪魚球;什錦餃子米線.酸辣原味豬扒米線比上次酸左好多,果然係酸吖.同埋油膩感重左好多.不過塊豬扒炸得好好.粉漿唔厚. 食落去唔會啖啖炸粉.酥炸鯪魚球煙韌又彈牙,真係可以當乒乓波打下. 即炸上黎熱辣辣再配埋個SAUCE,正.什錦餃子米線一次過跟8粒餃子,真係一次過比你試晒佢地既品種.啱晒我地LEE D 愛試新野既人啦. 餃子皮薄又滑身. 餃子無偷工減料之餘,又唔會塞到塊餃子皮爆晒.我自己就比較鍾意南瓜既香甜同白菜豬肉既清爽.香菊蜜夠甘香,足料,唔係用果菊花沖劑了事.夠涷.不太甜.再三回味.不過第一次去飲既時候,仲以為係佢個杯花左,哈哈.原來係佢個杯既獨特 STYLE.價錢看似很便宜,不過佢既麪底真係好細.齋食一豌麪二次都唔夠飽,係要再叫D小食先至夠飽.要值得讚既係佢地既既炸物無油”益”味.同埋係即叫即炸.一路食野既同時,你會見到佢地不停係到用心包餃子.家族式既生意果然對比商業D既係有HEART 既.店內既椅子係無挨”PAN”既,所以都係食完都唔會坐好耐家.不過佢地有電視供應…而佢地既位置係巴士站隔離,揸車既對比就無咁方便