Lobster Une

Open Now

Now Closed

呢日去西貢探朋友，好朋友話放低兩隻嘢同佢個仔玩，俾我哋兩公婆唞啖氣，好感動🥹我哋響海旁行咗一陣，經過呢間餐廳，見到門口裝修都幾有氣氛，於是入去試吓。老婆堅持要坐吧枱，佢話生仔之後都未坐過，😂要飲返杯喎！不過佢拎完杯嘢飲，又坐返去餐枱食嘢，都一樣好feel！Saratoga Cooler叫杯cocktail享受下先🤭呢杯cocktail個樣好靚，有片橙做裝飾。味道有姜味同橙汁味，加上凍冰冰，好消暑，飲落酸酸甜甜，醒神開胃！酥皮焗田螺個田螺焗得爽口彈牙，又唔會太靭，上面配埋好多蒜蓉粒，加埋個脆脆酥皮，食嘅時候口感一流。伯爵茶蘋果木煙燻BB 鴿呢度菜真係好特別，不得不重點介紹一下！隻BB鴿上枱果陣，有個罩罩住，我以為佢保溫，原來又唔係，見到店員打入d煙燻入個罩度。之後打開個罩，高聞到蘋果木味。BB 鴿外層個皮夠脆，D肉夠香滑，食落重有伯爵茶香，好特別！

趁住假期，帶住仔女去西貢行吓，行吓海旁，行吓公園同佢哋放下電！行行吓又到晚餐時間，經過呢間新餐廳，門口裝修都幾靚，一於入去試吓。店舖裝修得好有格調，有吧枱或普通座位，坐近門口可以望埋街景，都幾寫意。薰衣草烤春雞烤雞醃得好入味，外層雞皮香脆，內層肉汁重鎖住，肉質滑嫩。配埋薰衣草調味，既香又特別，美味之選！酥皮焗田螺個酥皮好脆，好重牛油味，田螺彈牙爽口，上面仲有好香嘅蒜蓉牛油汁，兩者配合，簡直係絕配！伯爵茶蘋果木煙燻BB 鴿BB鴿上枱嘅時候係用玻璃罩罩住，店員打入煙燻，一陣之後，打開玻璃罩，聞到好香嘅蘋果木味。BB 鴿皮脆肉嫩，肉質有伯爵茶香，絕對係誠意之作。

🦞珍寶龍蝦包 每次只要喺餐牌見到佢就忍唔住一定會試🤣龍蝦包無論係香港或者去旅行都食過 龍蝦去殼去衣又厚肉 真係一塊塊肉而唔係碎濕濕做到高境界嘅啖啖肉！～最特別係選用咗比較少用到嘅雜穀麵包比平時嘅齋牛油麵包更豐富更有咬口🪵伯爵茶蘋果木煙燻BB鴿就咁睇個名已經覺得好吸引 嚟到都覺得無失望！雖然叫做BB 乳鴿但都比想象中大隻原隻經過燒烤上枱 外皮燒到油令令唔會乾柴食到肉嘅部位真係好嫩滑又有油脂香 鎖住哂啲肉汁味道方面都好有層次 先係聞到伯爵茶淡淡嘅幽香跟住就到蘋果木獨特嘅燻香味雖然話煙燻但都好容易入口 唔會話太濃太嗆反而係淡香淡雅嘅感覺✨酥皮焗田螺以前菜嚟講份量都幾多 一份有9隻絕對係一款創新嘅田螺菜式 都係第一次見酥皮唔係最透薄嗰種 反而有少少存在感外層嘅酥皮鬆脆有咬口 包著軟綿綿熱辣辣嘅田螺每粒都浸淫著滿滿嘅香草同蒜香味