小紅館 (Closed)

.朋友介紹黎呢間食烤魚，食到我捧住個food baby走😋酸菜江團魚 ($288)好大份！好大條魚！賣相好吸引！勁香！我地想食少骨既魚，店員介紹我地食江團魚，魚滑少骨，果然好介紹！成條魚有炸過，魚肉好嫩滑、冇咩骨，勁厚肉好肥美，索哂酸菜湯，入哂味，味道酸酸甜甜。我地揀左酸菜底，有海量酸菜、少少辣椒仔、雲耳、豆卜、枝竹、冬粉，湯底夠酸，微辣，好香酸菜，超足料超惹味超開胃👍🏼仲奉送兩碗白飯同兩杯熱飲。避風塘炒蝦 ($108)都係店員推介，避風塘小菜都係佢地既撚手菜，一上枱已經聞到好香炸蒜味。蝦既份量好多，全部開邊炸，啲蝦殼炸到脆卜卜，食落係咸咸地甜甜地的，連埋蝦殼食更惹味，口感更豐富😋金銀蛋肉碎浸菜苗 ($62)好耐冇食過了，都係大大份，好抵食，好多皮蛋粒、咸蛋粒、肉碎，足料到不得了，菜心都幾好食，食完上面啲重口味野要食下菜中和返🤣脆爆阿華田 (+$13)正正常常，唔會好甜~雜果賓治 (+$13)都有好多椰果、菠蘿粒，好耐冇飲過fruit punch，甜甜地好解渴~我地平日六點半黎都見到坐無虛席，好多人都食雞煲或烤魚，下次可以試下雞煲🤤呢到冷氣都好足，散氣都好好，食完成身都唔會一浸味👍🏼店

康寧道嘅呢間餐廳真係好特別，之前行過以為係茶餐廳，有次夜晚經過竟然有驚喜，原來有得食烤魚雞煲，仲有得預訂海鮮餐同加工海鮮，真係估佢唔到👏🏼.✔️特色烤魚套餐 $288 (連飲品白飯)🔸 酸菜口味,江團魚烤魚有7種口味可以揀，就連魚都有4款可選。問咗店員，邊款魚最少骨，佢介紹咗江團魚👍🏻 而口味我哋就揀咗酸菜😋烤魚份量十足💯 店員真係無介紹錯，呢款魚真係啖啖肉，食落無腥味，又唔使怕哽骨。酸菜湯夠惹味，仲有大量配料，例如豆卜、木雲、醃菜、水晶粉等等，索汁食一流，真係好滿足。.✔️晚市小菜二人餐 $168 (連飲品白飯)呢個海鮮餐真係好抵食，可以喺30款小菜入面揀兩款小菜，仲包雞蓉粟米羹同白飯飲品。懶得煮飯或者諗唔到食咩嘅時候過嚟就啱晒🤓🔸金銀蛋肉碎浸菜心金銀蛋肉碎鋪滿碟面，非常足料👍🏻 夾埋菜心食，味道真係啱啱好。.🔸XO醬粉絲蒸開邊蝦擺盤好用心👍🏻 蒜蓉鋪滿喺開邊蝦上面，食起來超惹味，送飯一流。墊底嘅粉絲同金菇索晒啲精華同XO醬，真係超惹味。.值得一讚，店員都好nice好好服務，座位又坐得舒服，有機會會再來✔️