台北車站 (Closed)

因為住附近所以基本上一個禮拜有幾日都喺度食老實講真係好食，暫時食過最推薦嘅係麻辣烤魚(lunch)，鹽酥雞扒飯(lunch&dinner)基本上晚市小菜都有一定嘅質素，食咩都唔會踩雷！住附近必食！

呢間最大既好處係lunch set同每日精選推介都係做到五點半，最方便係其他時候食lunch既人士。香辣乾鍋雞連爐上，一黎到已經聞到好香，雞同薯仔好入味，最中意佢d薯仔裡面夠腍但出面有咬口。夥計男男女女都好有禮貌，個Waitress好殷勤咁間中黎睇我哋個火，驚太大火要攪下，怕薯仔會黐鑊。酸菜魚片湯清不膩，酸辣適中，魚片外仲有好多料，蓮藕豆芽雲耳萵筍芽菜等。兩個餸同兩碗飯份量都好大；跟餐加12蚊轉左特飲；粉紫色既香芋珍珠奶茶同粉紅色既草莓珍珠奶茶好夢幻，同埋上面有有層cream同好多胚芽。