友義氣‧酸菜魚

Open Now

Now Closed

· 友義氣酸菜魚 ·有一日想食酸菜魚，係openrice見到呢間餐廳嘅銅鑼灣分店竟然係0負評！好奇心驅使下，我地就walk-in上左去，係餐廳門口見到入面客人唔多，本身都有少少怕伏。但心諗既然都上左嚟，就試試佢啦！🫣-酸菜魚酸菜魚份量睇落好多，最特別係佢有埋魚頭，呢點係其他食酸菜魚嘅餐廳比較少見。辣度方面我地揀左中辣，不得不說佢嘅辣度做得幾好，惹味得嚟唔好遮左魚嘅鮮味。而酸菜魚除左魚之外，仲有芽菜、金菇、雲耳等等嘅配料，都幾豐富。-避風塘茄子呢個菜式係因為見到有網民推介所以試試，雖然睇落唔係好多辣椒同炸蒜，但係完全夠味，送飯好正❤️

今日同朋友去銅鑼灣行街想找嘢食，見到個名有啲特別就你啦（有義氣·酸菜魚），上到去見得幾枱客諗住應該都係一般啦，就係咁咦叫個招牌酸菜魚試吓啦！點知俾到咁大嘅驚喜我！真係特別好食！我個人就幾鍾意食酸菜魚，如有義氣個酸菜魚係我食過最好食嘅酸菜魚之一，啲湯一飲就知道係真材實料自己做出來嘅！啲魚肉又滑又嫩口！

見到有個朋友大推，所以就黎左友義氣👍🏻，仲要撞正新開張，所以有八折一共嗌左3樣野酸菜魚因為睇到食評，見到好多人都話唔夠酸，所以落單嘅時候就主動講咗話要加酸！嚟到嘅時候覺得啱啱好，睇黎依一間餐廳味道係偏淡一啲，大家要注意下。如果就咁飲湯嘅話會覺得好酸，但係如果食魚嘅時候就會覺得啱啱好，食飯嘅時候嗌咗兩碗白飯，畢咗啲湯落碗白飯度，送飯覺得啱啱好🤩👍🏻要強調就係起骨好乾淨！真係完全無骨，喺出邊嘅餐廳食，有時啲魚片難免都會有一條骨。依度起骨好細心，值得一讚！避風塘茄子因為覺得齋食酸菜魚好似太少，所以就決定嗌多樣餸，見到餐牌嘅賣相唔錯，加上我本來都鍾意食茄子，所以就嗌咗一個避風塘茄子，除咗避風塘口味，餐廳仲有椒鹽可以選擇，今日想特別啲，所以就嗌咗避風塘。嚟嘅時候份量都幾多，我諗應該有一條茄子，店家炸得好香，調味都好好，唔會太辣唔會太鹹，所以食嘅時候都好滿足。⛔️不過要注意嘅就係炸出嚟嘅茄子顏色都幾深，接近啡色，我估啲油應該用咗好多次…..除此之外，茄子係啲好吸油嘅蔬菜，所以如果好怕油膩嘅，就唔好簡依一道菜🙌🏻飲品嗌左大檸茶$26蚊超大杯，2個人飲都夠曬！ 不過嗌左少甜我都覺得好甜，大家可以留意下總

晚上放工去銅鑼灣行左一陣街。唔知係咪發放第二期消費券的關係，感覺晚上多了人出來行街購物。行完了ikea後，突然好想去食酸菜魚，加上由於本人本身都係一名好義氣仔女，一於去試呢間友義氣酸菜魚。餐廳位於金百利中心七樓，其實即係崇光百貨隔離的商業中心，地理位置十分方便。餐廳燈光通明，座位舒適。而侍應姐姐態度十分殷勤體貼細心周到。今次點了一個標準中辣的酸菜魚 ($238)同一碗白飯 ($13)，侍應姐姐說標準份量已經足夠二人去食，如果再加大就係可以供四至六人用餐的份量了。魚肉採用了新鮮海鱸魚，嫩滑，彈牙，足料，湯汁酸辣醒胃不膩，配飯一流；配菜還有蒿筍，薯粉，金菇，芽菜！除了魚肉，其次能決定酸菜魚是否足料美味，都好睇酸菜魚有冇奉上魚頭，我覺得有魚頭可以為一道酸菜魚畫龍點睛，十分有誠意！另外，再多點了一碟椒鹽殼蟹 ($115)。軟殼蟹炸到金黃色，肉質酥脆惹味，如果配上啤酒應該更佳，不過我們只點了芒果酸乳 ($26)、菠蘿酸乳($26)，因為酸乳飲料幫助消化嘛。整體而言，友義氣的酸菜魚高性價比，服務質素一流，值得推介！

今次喺金百利發現到間新餐廳主打酸菜魚 鑊氣小菜同川菜迫都要迫到👨🏽陪我食酸菜魚🤣—————————————————————為左遷就👨🏽唔鍾意酸菜嘅口味揀左小酸小辣俾佢試吓味先中島表示唔夠過癮😂但唔代表佢唔好食因為過咗👨🏽呢關下次可以食番正常小辣🙈一上枱店長就好貼心禁幫我地斟左碗湯等我哋可以試吓湯底嘅原味呈淡白色嘅魚湯唔會嗆喉仲帶有魚嘅鮮甜微微酸辣味好開胃一飲就飲左兩碗普通份量既酸菜魚其實都足夠兩個人食魚肉無骨 鮮味泉湧墊底嘅紅薯寬粉同爽口大豆芽吸收湯汁👍🏻雖然一碟酸菜魚都好夠食但都要顧及👨🏽萬一佢唔啱食都有野可以食所以都叫左個四川辣子雞丁俾佢送飯🤣本身以為會好似出面的宮保雞丁禁爆炒再勾芡上檯先知係炸雞粒咬落卜卜脆😍加上大量辣椒同花生提升味道同口感下次嚟真係可以試吓正常版😋值得一提的是檸茶你可能會話有咩咁特別佢最特別就係特別大杯一杯=2.5杯正常ѕιze嘅檸茶唔係唔飲呀？—————————————————————⇲ 酸菜魚（標準） $238⇲ 四川辣子雞丁 $108⇲ 珍寶大檸茶 $26⇲ 絲苗白飯 $13