麻辣小聚 (Ladder Dundas)

Open Now

Now Closed

喜歡麻辣的朋友又一聚腳好去處，川菜我最愛，選了這間「麻辣小聚」試吓先！酸菜魚配菜酸菜及芽菜好夾，魚極滑，可惜魚份量不多，好唔夠喉啊！酸辣土豆絲土豆絲切得極幼細，可能因為咁好入味，又蒜頭又辣味，正！水煮牛肉（標準辣）牛肉極淋身，食配菜會覺得辣啲。辣子雞（標準辣）雞粒太細少，又有骨，冇乜肉食，但用黎送酒一流。高山筍炒腊肉炒得好香好乾，辣辣地，惹味。火焰蹄花（標準辣）豬腳夠大件，唔算好辣，好味😋老成都炒飯感覺有啲似楊洲抄飯，但麻辣版。孜然和牛粒牛肉粒好淋身，配菜是芫茜，芫茜我no no啦。我覺得「標準辣」不是很辣，驚受唔到既話，可以分兩次落單，可以試左呢個辣度先，受唔到既話，點其他菜小辣囉！

純粹見到傳單新開張，又想食酸辣野，決定一試。小店應該新開，午市人流不多。坐得好舒服。叫左個套餐，有湯，小食，主菜同甜品。湯料見到有茶樹菇，圓肉，雞，豬肉，好清甜好香，好啱作為中女的我。小食揀左口水雞，麻香多，小小辣，我怕辣就剛好。叫左酸菜魚，小辣。魚好滑好香，酸味來之酸菜，不會死酸，小辣又剛剛好。魚湯用黎撈飯剛剛好呀。不過我不愛大豆芽，下次要叫走豆芽🤣套餐有甜品，係四川小食冰粉。有少少花生碎，配桂花黑糖，小小甜幾得意。另外佢杯茶好香，唔知用咩茶葉呢😆總體黎講都幾抵食，希望小店在逆市中撐得住啦💪🏻