金泰沙冰

Open Now

Now Closed

每次行過都會見到有人排隊買，聽講佢嘅秘製醬汁係靈魂，有辣有唔辣汁揀，辣嘅係酸辣汁，小辣至微辣嘅水平，唔辣嘅係沙嗲醬。要左酸豬肉同埋雞全翼串燒，燒得好好，酸豬肉泰國店先有，食落去有啲酸酸地，加埋酸辣汁好夾。雞全翼吾會燒得好焦，雞翼皮出哂油脂香，肉質非常滑，同個汁都好夾。除咗串燒，仲有芒果糯米飯，炸蝦片賣，見到芒果糯米飯上面嘅芒果份量好多，下次嚟可以再試試。

金泰沙冰，唔好比佢個名呃左😂佢唔係賣沙冰，而係賣串燒架。呢度既串燒平均都係十幾蚊一串，都幾抵食😚聽聞佢一到夜晚就排曬長龍，好多人等住買佢翻去做宵夜。 1⃣️酸豬肉（$15）第一次食酸豬肉，其實佢係用豬肉碎整成既肉捲，幾特別，配埋佢既沙爹汁同埋辣汁，酸酸辣辣，好惹味好好食😋 2⃣️豬頸肉（$14）豬頸肉油脂香味十足，加上佢地既醬汁食落微辣更加正🤤  

放工時間好多人排隊，都要等一陣燒返熱啲串燒，又有啲人大量買外賣，所以要等等等叫左一串酸豬，覺得酸豬肉唔夠酸入面好肥，如果啲肥肉細粒啲碎啲就好好就好在啲沙嗲汁夠濃香又唔會太鹹

金泰沙冰，一聽過去以為係沙冰出名，其實佢最出色同主打，係泰式串燒！以前行過成日見到佢門口好多人等野食，但望落又覺得好似好細好舊咁樣就冇去嘗試，直到某次朋友買外賣同我地分享，就此走上上癮之路！次次一拎上手掛住食，終於有次記得影相！因為你叫完姐姐會即燒，所以大家都企係門口等。其實隔兩個舖位仲有間老字號涼茶舖，怕食串燒熱氣可以趁等野食時去買番杯涼茶！個人大愛酸豬肉，叫左兩串，另外仲有串豬頸肉。酸豬肉係絞碎既生豬肉、豬皮、辣椒同大蒜包埋一齊，勁惹味！未試過既不容錯失啊！不過，因為有大量大蒜，唔建議大家太夜食喇～如果唔係⋯⋯臨訓有胃氣谷上黎⋯⋯⋯⋯你懂的🙈豬頸肉，肉質好嫩，唔會燒到乾身！好好食！串燒好食之餘，佢地既醬料都好正！我唔食辣醬，就咁用普通醬料都一流，甜甜地又有花生味！