江浙滬 (京華大樓)

Open Now

Now Closed

年二九，老闆好人，提早收工!於是打算係銅鑼灣食晚飯之後，去維園巿花行.經過江浙滬，又好似有段時間無食上海菜，於是入去幫襯.今次食完上海菜，第二日年三十又去另一間餐廳太子沪小館食上海菜，一比之下，江浙滬即時比下去.首先蟹粉小籠包，蟹味清淡，好明顯蟹份量不足.生煎包外貌好普通毫無吸引力，慶幸包底夠脆，哩點我極重視，合格.清炒河蝦仁份量略有不足，而且口感唔夠彈牙.最失望係松子魚，先講味道，其實味道唔差，外表香脆魚肉嫩滑，茨汁酸中帶甜夠惹味，問題係外貌，完全無 "松子" 效果，只係一"舊"魚放係碟上.最後，樓面兩件姐姐係到嘈，嘈到收銀都喝佢地收聲，攪到食慾大減，有咩辦法唔負評呢?

估唔到夜晚十點半去幫襯，佢都仲做我生意，好耐未試過咁夜食宵夜啦。呢間鋪頭越夜越旺場，坐無虛席。我同朋友都要搭枱，坐低後望望菜單，全部都係正宗上海菜，宵夜食重口味野，哈哈。酸辣湯酸辣適中，叫一碗小的，兩個人每人試小小剛剛好。小黃魚炸得好脆，內裡魚肉質又有汁，好食。上海粗炒落足料，冬菇絲椰菜絲肉絲，味道好。醃篤鮮夠咸香，又係細細碗可以一齊分享。賽螃蟹嘅蛋白就炒得比較散，沒有蛋黃。小籠包皮比較厚，味道一般。