Video
Read full review
2024-11-06
153 views
二姑媽最鍾意食魚，今次同佢嚟到銅鑼灣，就試吓呢間評分好高嘅「我要烤魚」。「我要烤魚」坐落百樂中心，成幢樓都有唔少餐廳，要突圍而出，當然係有兩度扳手！餐廳推介我哋試吓佢哋嘅「酸辣金湯酸菜烤魚」有少少酸又唔會太辣，啱晒我呢啲唔食得太酸，同唔食得太辣嘅二姑媽（呢兩條友好麻煩🤣）佢一共有兩款魚可以選擇，分別係「鱸魚」、「清江魚」，二姑媽揀左「清江魚」，貪佢啖啖肉同埋嫩口少骨！隨鍋附送6種配菜：大豆芽、豆卜、蓮藕片、娃娃菜、萵筍片、金菇，店主提我哋唔使再另外加配菜先，反而可以試吓佢哋嘅招牌「啫啫系列」，聽咗佢哋推薦，我就加咗「啫啫墨魚滑入烤魚」。加埋配菜既烤魚，非常好大鍋，兩個人食一定夠飽，「啫啫墨魚滑入烤魚」上到枱已經可以即刻食，經過廚房爆炒，啲味已經索晒入味，好快已經啪哂🤣見隔籬枱食串燒咁滋味，即刻叫返幾串 — 孜然蒜蓉豆皮串、泰式豬頸肉、甜蜜燒菠蘿🍍必試泰式豬頸肉，佢哋會跟一個佢哋得獎嘅泰式醬汁😋 最後以牛油蜜糖多士同桂花蜜四川冰粉，用作為一個ending的確係一個唔錯嘅選擇！嚟得呢度難免飲返兩杯，但係酒量差差地嘅我哋，叫咗杯威士忌梳打，呢度啲師傅都願意同我哋調較酒量👍最值得欣賞喺呢
二姑媽最鍾意食魚，今次同佢嚟到銅鑼灣，就試吓呢間評分好高嘅「我要烤魚」。
「我要烤魚」坐落百樂中心，成幢樓都有唔少餐廳，要突圍而出，當然係有兩度扳手！
酸辣金湯酸菜烤魚
29 views
0 likes
0 comments
餐廳推介我哋試吓佢哋嘅「酸辣金湯酸菜烤魚」有少少酸又唔會太辣，啱晒我呢啲唔食得太酸，同唔食得太辣嘅二姑媽（呢兩條友好麻煩🤣）
佢一共有兩款魚可以選擇，分別係「鱸魚」、「清江魚」，二姑媽揀左「清江魚」，貪佢啖啖肉同埋嫩口少骨！
隨鍋附送6種配菜：大豆芽、豆卜、蓮藕片、娃娃菜、萵筍片、金菇，店主提我哋唔使再另外加配菜先，反而可以試吓佢哋嘅招牌「啫啫系列」，聽咗佢哋推薦，我就加咗「啫啫墨魚滑入烤魚」。
加埋配菜既烤魚，非常好大鍋，兩個人食一定夠飽，「啫啫墨魚滑入烤魚」上到枱已經可以即刻食，經過廚房爆炒，啲味已經索晒入味，好快已經啪哂🤣
見隔籬枱食串燒咁滋味，即刻叫返幾串 — 孜然蒜蓉豆皮串、泰式豬頸肉、甜蜜燒菠蘿🍍必試泰式豬頸肉，佢哋會跟一個佢哋得獎嘅泰式醬汁😋
最後以牛油蜜糖多士同桂花蜜四川冰粉，用作為一個ending的確係一個唔錯嘅選擇！
嚟得呢度難免飲返兩杯，但係酒量差差地嘅我哋，叫咗杯威士忌梳打，呢度啲師傅都願意同我哋調較酒量👍
最值得欣賞喺呢度啲服務好helpful，主動換碟、加湯😀仲有好多細節位加哂分！
｜烤魚｜
✦ 酸辣金湯酸菜烤魚-清江魚 $298
✦ 啫啫墨魚滑 $78
｜串燒｜
✦ 泰式豬頸肉 $14@1（2串起）
✦ 孜然蒜蓉豆皮串 $12@1 （2串起）
✦ 甜蜜燒菠蘿 $10@1 （2串起）
｜甜品｜
✦ 蜜糖牛油多士 $20
✦ 桂花蜜四川冰粉 $16
｜飲品｜
✦ 椰青 $38
✦ 威士忌梳打 $38
✦ 冷泡白桃烏龍茶 $13
✦ 自家製檸檬香茅薏米水 $22
Post
