Video
Read full review
2016-04-05
889 views
滷水雞中翼，第 4 次黎終於食到雞翼喇 ﹗滷水雞中翼居然會係冷盤，估您唔到 ﹗口感同味道都勁似醉雞翼，肥嘟嘟、脹卜卜飽滿雞中翼賣相非常靚仔，顏色富光澤非常奪目。滷水味清淡而滲出少少酒味喎，咁得意既？伴碟用上醃青瓜十分有趣又特別，味濃帶麻油香，爽脆多汁。許記淪陷，已被大陸婆完全佔據 ﹗嘈喧巴閉、鬼殺咁嘈，您屋企咩 ﹗比我安安樂樂靜靜地嘆個麵唔得既 ﹗醉雞髀，馳名花雕醉雞髀，肉質結實有健身，雞皮滑一滑，雖然白雪雪雞肉有點乾鞋，但酒味芬芳不嗆不濁，清醇酒味中帶一絲香甜味道。雞髀浸得入味透切，連骨子裡都滲著酒香。一碗麵我真係怕唔夠飽呢，都係叫多隻雞髀買個保險穩陣喇。醉雞髀保持高質水準，花雕味香甜極濃，不嗆不澀，不是單純只用花雕浸，肯定有藥材及調過味的尼。雪白全熟肉質結實，沒有半點血絲，雞皮滑滑，整體滿意，潮州麵檔黎講真係做得出色，當然不能與上海舖相題並論啦。醉雞髀，人氣醉雞髀，一試難忘。雞皮滑而肉結實，浸得全水沒血絲沒血水，怕生既朋友就非常適合喇。酒香宜人溫和，不嗆不霸道，陣陣芳香帶甜味，甜到骨子裡。原隻雞髀應該更好味，有機會要試試免斬原隻上，豪氣地大啖大啖咬，一咬一扯開心到死。醉雞髀麵走蔥，
醉雞髀，馳名花雕醉雞髀，肉質結實有健身，雞皮滑一滑，雖然白雪雪雞肉有點乾鞋，但酒味芬芳不嗆不濁，清醇酒味中帶一絲香甜味道。雞髀浸得入味透切，連骨子裡都滲著酒香。一碗麵我真係怕唔夠飽呢，都係叫多隻雞髀買個保險穩陣喇。醉雞髀保持高質水準，花雕味香甜極濃，不嗆不澀，不是單純只用花雕浸，肯定有藥材及調過味的尼。
雪白全熟肉質結實，沒有半點血絲，雞皮滑滑，整體滿意，潮州麵檔黎講真係做得出色，當然不能與上海舖相題並論啦。醉雞髀，人氣醉雞髀，一試難忘。雞皮滑而肉結實，浸得全水沒血絲沒血水，怕生既朋友就非常適合喇。酒香宜人溫和，不嗆不霸道，陣陣芳香帶甜味，甜到骨子裡。原隻雞髀應該更好味，有機會要試試免斬原隻上，豪氣地大啖大啖咬，一咬一扯開心到死。
醉雞髀麵走蔥，見牛展水餃都食晒，搞搞新意思，成碟醉雞倒晒落碗麵試試，自創新食法 ﹗將醉雞浸浸湯，暖食怪怪的，都係凍食較好，大家唔好試喇。有花椒味既辣椒油超正，推介！夠晒香又夠晒辣，如果成羮食係可以使我冒汗的呢。
豬潤蝦籽撈麵走蔥，豬潤連生菜浸湯另上，飲啖靚湯先 ﹗完全係香濃豬潤生菜大地魚湯，非常甜美呢，堅要飲多兩啖試真一點，回味無窮！麻辣辣椒渣蝦籽撈麵，幼麵爽彈，蝦籽香口夾住大量花椒辣椒渣不停啜，勁正勁刺激呀，完全停不了 ﹗又辣到飊晒汗，額頭汗珠一滴滴，舒服晒 ﹗豬潤非常嫩滑，不老不鞋，爽脆又 Juicy，潤味甘香，吸引左美味湯汁就更美味 ﹗生菜翠綠爽甜，滿意。
豬雜牛肚麵走蔥加腩汁，哥哥仔您落錯單喇，已經重覆左幾次我係要牛筋呀 ﹗幫襯左好多餐喇，每次都十分滿意，都差不多試晒所有菜色，今日輪到豬心、豬潤、豬粉腸。香濃既湯汁越飲越起勁，灌穿了滑彈粉腸、爽脆豬心、鮮爽豬潤、彈牙金錢肚，豬雜牛肚乾淨美味有質數，每一口都嚐到肉味甘甜夾雜濃湯既清香。
金錢肚炆得入味，爽口中不失棉滑，濃郁滷水芳香撲鼻，不過份不霸道。主角麻辣辣椒油隆重發場 ﹗以 1 比 1 既份量將幼麵捲住辣椒渣直衝入口，中辣程度帶少少麻，依個感覺非常引人入性 ﹗好鬼好食 ﹗以前魚滑既辣椒油都有花椒八角味道，但不及許記既美味香辣而不濁，而且我其實好憎八角味道。
雲吞牛筋麵走蔥，原來早前已經試過，唔記得啦。可能係大埔墟最好食既牛孖筋 ﹗Super 軟棉棉、滑溜溜，完完全全吸收晒滷水既幽香、精華，香料味濃而神秘，咸香中帶點複雜肉甜味道。牛筋炆得膠膠黏黏，不能掩蓋的養顏骨膠原，不要停、食多點 ﹗靚晒 ﹗雲吞，一口鮮肉雲吞，結實有質數，豬肉彈中帶嚥韌。成粒豪情地啪入口，香甜肉汁含蓄地緩緩滲出，合格。
台柱依然係花椒辣椒油，那種辣中帶麻既味道使到我越食越想食，開胃又醒神，渾身是勁 ﹗每一口爽彈幼麵都要混上大量辣椒渣，實在太好味刺激，食極都唔覺飽呢 ﹗必須大束大束地夾，完全忍唔到手，只係啜左幾啖碗麵已經灰飛煙滅，一條麵都無得留底，當然唔夠喉啦 ﹗香甜濃郁蝦籽大地魚湯變得又辣又麻，點忍得口 ﹗好好飲呢。只係質地有點漿又黏黏，因為浸左麵條一段時間，部份麵粉及鹼水已溶入湯中，無左初時清爽既味道及質感。
牛筋蝦籽撈麵走蔥，牛筋及生菜浸湯另上，不過牛筋味道依然香濃，滷水味突出而清香，並未因為浸湯而受到影響。牛筋勁棉勁滑勁膠，黏黏的感覺非常爽乎，係我最愛既口感呢 ﹗生菜鮮爽翠嫩，捲住湯汁更加美味濕潤。簡單是美，今次唔食雙併咁貪心喇 ﹗傳聞蝦籽麵質數都好出眾，當然要親身驗證啦。高份量既蝦籽粉末毫不嗇吝，絕不孤寒，幾乎舖滿每一吋麵條。
用筷子將麵條係大量蝦籽中翻騰，左穿右插直至完全均勻，沾上辣椒渣直接送入黑洞之中。舌頭捲著蝦籽跟麵條認真地吸啜打滾，細心品嚐。蝦籽似乎香甜味欠奉，微弱蝦咸香不過不失，加上爽彈幼麵都唔錯既，普普通通沒有驚喜。牛筋蝦籽撈麵走蔥，蝦籽咸香混入花椒辣椒油都好好味，各自精采 ﹗辣到冒汗最高興，奇怪地混入蝦籽反而無咁辣呢。
牛展水餃麵走蔥，美味牛筋賣晒？牛腩又試過幾次，唯有食牛展囉。牛展大路穩陣，略帶滷水味道，質地較硬而有趙頭。大大隻水餃結實唔會散筲筲，味道及感覺都同菜肉餃一模一樣，99% 餡都係菜，幾乎食唔到豬肉碎，不過菜蔬非常鮮甜，大量菜汁好好食。今次碗湯只係暖暖地，溫度要剛剛燙咀先最好味架麻，不過湯底味道仍然甜美，加上幼麵爽彈，滿意。
蝦籽撈麵走蔥，麵底對我黎講只屬兒童餐，份量太小唔夠飽呢 ﹗少食多滋味，下次先加底啦。幼麵乾爽，彈牙嚥韌，混上蝦籽就更加乾，加點湯會好趙好吞一點。蝦籽舖得滿滿的， 清淡蝦籽咸香，倘算滿意。我那麼喜歡食麵，麵怪一名 ﹗其實為的只是辣辣辣，食麵只係表面，辣椒油先係主角呀 ﹗一碗平凡又普通既蝦籽撈麵，混入大量花椒味辣椒渣，整碟當堂閃閃發光，附與生命一般，光芒四射。
香辣無窮又帶麻，失控地只懂得食。最後要付上兩大羮辣椒油既代價先可以送晒成碟蝦籽撈麵上路呢，非常滿足 ﹗辣到冒汗爽到爆，非常美味 ﹗對面兩位阿叔阿嬸落幾滴辣椒油都流晒鼻水叫救命，無咁誇張麻，哈哈。見到我大啖大啖咁食飲辣椒油都面不改容，露出驚訝既面孔呢！另外，聽到後面位妹妹話鍾意食有鹼水味既麵，我心諗咁重口味？您係勁既。
魚蛋花枝丸麵加底走蔥，印象中並無試過呢，神推鬼擁就 order 左咯。花枝丸？竟然會係真花枝丸！真材實料無欺場無搵笨，絕對唔係火鍋店麵粉丸，食都一口都係粉又漿住個嘴！花枝味道極香極濃，仲食到有脆卜卜花枝肉夾雜其中，突別香口啊！非常好食。魚蛋皮光肉滑白雪雪勁彈牙，魚味清淡而咸香出眾。加底份量勁大，彷如有兩碗麵呢，爽彈滿意掛湯力強，每一口都嚐到澎湃香甜湯汁。美味熱燙燙既湯底要趁熱盡早飲，如果食晒先飲有的話，鹼水味重又漿住個嘴呢。
魚蛋花枝丸麵加底走蔥，平時正常份量都要羮半辣椒油夠，何妨今次加底呢 ﹗兩大羹滿滿麻辣辣油，激辣美味又十分香口，增加食慾，食極都唔覺飽。魚蛋花枝丸麵加底走蔥，唔想食得太飽，難得一碗雙併麵加底就算，連小食都懶叫，轉頭仲要去飲酒呢。
滷水雞中翼
36 views
0 likes
0 comments
醉雞髀
56 views
0 likes
0 comments
醉雞髀
56 views
0 likes
0 comments
醉雞髀
74 views
0 likes
0 comments
醉雞髀麵走蔥
17 views
0 likes
0 comments
醉雞髀麵走蔥
27 views
0 likes
0 comments
豬潤蝦籽撈麵走蔥
15 views
0 likes
0 comments
豬潤蝦籽撈麵走蔥
29 views
0 likes
0 comments
豬雜牛肚麵走蔥加腩汁
13 views
0 likes
0 comments
豬雜牛肚麵走蔥加腩汁
25 views
0 likes
0 comments
雲吞牛筋麵走蔥
20 views
0 likes
0 comments
雲吞牛筋麵走蔥
22 views
0 likes
0 comments
雲吞牛筋麵走蔥
13 views
0 likes
0 comments
牛筋蝦籽撈麵走蔥
22 views
0 likes
0 comments
牛筋蝦籽撈麵走蔥
41 views
1 likes
0 comments
牛筋蝦籽撈麵走蔥
34 views
0 likes
0 comments
牛展水餃麵走蔥
36 views
0 likes
0 comments
蝦籽撈麵走蔥
39 views
0 likes
0 comments
蝦籽撈麵走蔥
25 views
0 likes
0 comments
蝦籽撈麵走蔥
17 views
0 likes
0 comments
魚蛋花枝丸麵加底走蔥
18 views
0 likes
0 comments
魚蛋花枝丸麵加底走蔥
59 views
1 likes
0 comments
魚蛋花枝丸麵加底走蔥
32 views
0 likes
0 comments
魚蛋花枝丸麵加底走蔥
39 views
0 likes
0 comments
Post
