金鶴拉麵 (閩街)

Open Now

Now Closed

平時去佐敦，都好少行入這條街，見到門面裝修好有日本feel, 原來係食拉麵，一於試呢間。環境以木質裝潢加上柔和燈光，雖然座位唔算多，不過有一張圍住廚房嘅吧枱，睇住師傅整拉麵，這個感覺唔錯。食飯時間好多人，要等位，如果唔想等，可以外賣自取啊！限定款—極濃龍蝦湯拉麵 | $138 + $60 配一隻龍蝦尾湯底係以龍蝦殼炒製熬湯而成，龍蝦味特別濃郁鮮甜，唔會太鹹；而龍蝦尾係燒過的，肉質結實彈牙，啖啖肉；除咗龍蝦，還有一塊半肥瘦叉燒和溏心蛋，拉麵非常掛湯，啖啖都沾有龍蝦湯味；值得一提，這裡侍應好好，會主動問你要唔要走蔥、荀和木耳等醬油拉麵 | $88湯底係日本直送的醬油再配上鰹魚高湯，味道清新；而拉麵質感軟硬適中，跟埋糖心蛋，還有兩種肉，有不同味道和口感；跟埋木耳，成個麵好豐富和滿足這裡除了拉麵外，還有串燒都唔錯，所以叫了一客雞軟骨（2串）| $48大家有機會去既話，除了食拉麵外，亦可以試下串燒😁

試左個醬油拉麵同埋蟹肉拉麵。本人就試左醬油拉麵，係鰹魚湯底，不過不失咁。不過入面有兩舊好hai嘅雞，真心唔識欣賞，唔明點解會將兩舊hai sap sap嘅雞放入拉麵度😅 舊叉燒好薄，唔認真睇以為係火腿片，味道方面就一般啦，坦白講香港有好多拉麵店整嘅叉燒會好食過佢。男朋友食蟹肉拉麵，佢表示湯底正常，多蟹肉，但叉燒就唔掂。佢話以後可以唔使再試呢款。另外，都試左個唐揚炸雞，呢個就唔錯嘅，新鮮炸起幾香囗幾好味。

📍佐敦閩街3號地舖本身好期待可以食到呢個拉麵因為見到OpenRice好平有大概600❤️❤️咁諗就冇死啦。但係…真心失望冇特別，真係食嗰啲好食過去好L多囉🤷🏻‍♂️🤷🏻‍♂️🤷🏻‍♂️1)醬油拉麵，一嚟到就已經係咁試個湯底啦，點知湯水太清，冇任何醬油味，心諗未食過啲咁淡味嘅拉麵，拉麵問過我點樣煮，所以就超林，冇晒拉麵嘅彈牙特色， 慢煮雞肉凍冰冰，叉燒太普通，期望越大失望越大🤦🏻‍♂️🤦🏻‍♂️🤦🏻‍♂️2)雞皮串燒，得一個咸字3)雞潤串燒，得一個粉字4)雞泡魚乾，難食到係食唔晒㗎。環境，今餐俾錢買環境，食物好失望😅😅真心請都唔會去食第二次，浪費quota

其實我一向都唔係太好拉麵 因為唔係好啱自己口味 好怕湯底好咸好油膩🤪不過朋友極力推薦我要試下呢一間疫情嘅關係餐廳都提供左消毒啫喱係每一枱應該本身枱同枱都分得開 坐得幾舒服我叫左醬油拉麵🍜湯底好清 啱晒怕油膩嘅我湯底係由鏗魚湯同日本醬油調配嘅 係日本嘅風味～第一啖入口唔會覺得死咸 食到有醬油嘅清甜味食完成碗拉麵 飲埋湯都唔會覺得口渴麵質好彈牙 軟硬度適中 至於配料方面 有兩塊雞肉🐓係慢煮嘅 好嫩滑 唔會柴皮另外仲有叉燒 都幾大塊 🐖仲有有唔少嘅木耳 同埋唔少得嘅糖心蛋 滿足😋食完想再幫襯👍🏻👍🏻

北海道極濃蟹湯拉麵：我睇過佢網站㗎啦🤓 佢擺咗蟹湯拉麵做招牌。食完之後，我覺得佢嘅蟹湯唔係扮哂蟹、係堅蟹味！同埋蟹肉十足十係你食蟹由蟹腳挑出黎嘅蟹肉一樣。😍醬油拉麵：睇佢咩料（Menu），佢話自己係有鰹魚湯底🤔 食拉麵之前，特登先飲一啖湯底——係香濃嘅鰹魚味😂 因為之前先食過另外一間叫做「鰹XX」嘅日式麵店，但係湯底係冇鰹魚味～今次呢碗麵係比較之下，就突出好多😂 只能夠嘆：「一分錢一分貨」🤷🏻‍♂️兩碗麵嘅糖心蛋都恰到好處、慢煮雞肉柔嫩軟口，close shot一張就睇到其實裡面嘅肉絲鬆軟、唔硬唔韌。漆黑（啤酒🍻）：雖然佢講到自己有咖啡豆嘅香味、不過可能因為凍飲，所以唔係太出到味道

佐敦附近上完堂，跟住就當然係要醫一醫肚，行到官涌街市附近竟然有金鶴拉麵🍜分店，簡直太好啦，諗都唔使諗，就選擇佢，因為一直都想試但總是沒有機會。點了一個雞白湯拉麵，和一個醬油拉麵，原來午市有追加小食優惠，當然唔會放過優惠嘅時刻，加了一個唐揚炸赤雞，煎日式餃子🥟，但胃口大的朋友想加多一個燒雞泡魚乾，最後是可以食得完。雞白湯拉麵，牛蒡刨成絲，炸得好靚，且香脆，白雪雪的雞胸肉，肉質嫩滑，店員溫馨提示，小心湯底沾到這兩款食物，會影響口感。奶白色的雞湯底，不油膩，不鹹，口感香滑，配上彈牙的拉麵🍜，正除了兩塊雞胸肉外， 更有兩塊叉燒和半隻溏心蛋，這個價錢有這樣的質素，簡直性價比高👍🏻醬油拉麵也不輸蝕，高湯加上日式醬油做湯底，味道雖然較為清淡，愛味道偏淡的朋友可以一試，配料一樣有雞胸和叉燒各兩塊，及半隻溏心蛋。麵條一樣彈牙。小食方也不差，唐揚炸赤雞，炸粉漿夠薄身，外脆內軟煎日式餃子🥟，皮薄餡足燒雞泡魚乾，配上醬汁燒成，燒得剛好，不會太乾身，用來送酒一流

呢一日朋友話帶我食間隱世，但好好味既拉麵，話約係佐敦等，仲話要一收工就衝，話餐廳6點開始，or可以早d到就更好。聽到朋友咁緊張既語氣，就睇得出佢真係好為食。。。❣️環境呢度有bar枱位同正常table位，我就中意坐bar枱位既，可以望住廚師準備菜餚，都係一種享受。❣️Menu拉麵店固然係主打拉麵，但呢間金鶴拉麵除左雞白湯拉麵之外，仲有份量十足既鰻魚飯，都係主打之一。另外仲有餐前/佐酒小食可以叫。✨金鶴雞白湯拉麵 ($98)一上枱就比大大個炸牛蒡吸引住我地視線，咁立體既擺盤都好少見，吸引到我朋友都即刻meet左d黎食，成個小朋友咁。呢個拉麵湯底呈奶白色，入口都幾香濃，真係第一次飲到咁濃味既雞白湯，絲毫不輸出面既豚骨湯。而雞肉就slow cook既，keep到雞肉既鮮甜同嫩滑，唔會嚡口。同埋麵條既掛湯能力都幾好，吸收哂湯底既精華。✨醬油拉麵 ($78)呢個醬油拉麵不單單只有醬油，而係用左鰹魚高湯為湯底，再加入日本醬油去調味，入口唔會過鹹，反而有點點甜味，味道清新，有別一般食完會好口乾既拉麵。而肉類方面，就同雞白湯拉麵一樣，有半隻溏心蛋同慢煮雞肉。✨日本明太子雞翼 ($48/2pcs)師傅大把大

金鶴拉麵 (佐敦)環境一流，有置身日本的感覺！坐住bar檯望住師傅係到細心拆鰻魚骨，而且每人位都會有包獨立濕紙巾，原來都係日本運到無酒精抹手抹面都得！.⚜️雞白湯拉麵⚜️自家調配嘅雞白湯，有兩片赤雞肉同多瘦少少肥嘅叉燒，成碗仲有個炸牛旁作點綴！不錯！.⚜️醬油拉麵🍜⚜️其實兩份麵都好大份麵底，份量十足，湯底味道適中，同樣配有兩片赤雞同兩片叉燒！店員服務200分，天氣凍有外套頸巾會主動比個箱你裝，絕對有舒適嘅環境進食！而且只要download佢地app, 有底分100贈送可以換一客溏心蛋或樽裝汽水一支！(⁎⁍̴̛ᴗ⁍̴̛⁎) —————————————————————-環境：⭐️⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.📌金鶴拉麵 (佐敦)佐敦九龍佐敦閩街三號地舖

見很多平台都有介紹過這間金鶴拉麵，今日下午就和男朋友一齊去試試，下午兩點仍然有十數人在門外等待。幸好趕在last order前進場，裝修幾有用心，有一個吧枱，可以觀望着廚師製作拉麵和串燒。活燒蒲燒鰻魚飯是店內大力推薦的菜式，本見到價錢真是嚇一大跳，完全沒想到要點，不過聞到燒鰻魚的味道香味撲鼻，十分吸引，而且濃濃的鰻魚汁亦又甜蜜的感覺，忍不住點了一客。鰻魚本身的特別鮮味濃郁，而且魚肉燒得剛熟，燒汁又鹹甜相宜，配軟熟的日本米一流。雖然極盡奢華，但真是一分錢一分貨，絕對值得一試。醬油拉麵湯頭夠清，鰹魚高湯加日本醫油的鹹味有回甘，真係幾出色，麵質就一搬，少少掛湯，叉燒肥厚剛好，還有雞肉都算鮮嫩。雖然今餐價值不斐，但食物真是好吃，而且發現店鋪在各大平台都有優惠，下次應該會來試其他拉麵。

ichiban Ramen✨💛🍜🥟🥢 for this cold winter🌬❄ Oishiii❤..呢幾日 天氣真係凍左好多好多，大家記得要小心保暖喔。而咁凍既天氣 最岩就係食一碗暖呼呼既熱湯拉麵。係一間充滿日式風味既`高水準隱世拉麵店，高格調又時尚既橫裝 為我在港找到一處拉麵新體驗。鶴立雞群的他 讓我真的感覺置身日本呢。金鶴雞白湯拉麵🐥🍜貴為餐廳招牌 當然不能錯過這碗拉麵。主角既雞白湯用上赤雞熬製6小時，做成既湯底濃而不膩`口感順滑，呈奶白色。一上枱已經覺得好吸引呢，而餐廳仲好貼心 把整隻碗預先弄熱，就算時間耐左未食 都唔會影響拉麵/湯底既溫度，飲落既雞白湯真係好香好滑好奶 讚！而面頭炸至金黃色既牛蒡，賣相好靚 脆脆的。提提你 要維持香脆口感，記得唔好浸落湯面裡頭喔。而慢煮既日本赤雞，是帶凍的 要冷食，同樣記得不用浸湯吃呢。經慢煮既赤雞肉 食落好鮮嫩`肉質好滑`一點都不會鞋，只需基本調味 已經吃到雞本身既鮮嫩味道 有驚喜。這裡用心製作既拉麵，真是一碗雞白湯拉麵既完美演譯！醬油拉麵🍢🍜另一款拉麵湯底 用上鰹魚高湯加日式醬油，味道較細緻清新`清淡得黎又帶點咸味。若然喜歡清淡一點既湯

上網睇到佐敦有新開日本食店，見到有買一送一優惠，特登黎試下！店員一開始就介紹曬個餐牌比我地，誠意十足！首先就叫左個店員推介既雞白湯拉麵個湯底好好味，唔似味精湯，真係可以食完麵飲埋佢！雞肉經過慢煮，好軟熟，唔似平時食果啲雞胸肉。因為買一送一既關係，叫多個醬油拉麵試下，味道都幾好，不過無雞白湯果個咁正。仲有壓軸既鰻魚飯，用日本活鰻魚以炭火燒成，鰻魚肉好厚身，味道好好。199就食到呢個質素既鰻魚飯都好抵環境都幾好，女朋友力讚個廁所好乾淨，要去！