Running Pig

Open Now

Now Closed

第一次試這間外賣餐廳，預約到來的，亦都準時到來。醬油烤五花腩套餐，正。韓式炸餃子，普通，可能要即場先好食。shake shake 飯盒，普通，沒什麼特別。辣炒湯年糕，好食，但唔夠熱，可能即場食會更好食。最後因為母親節關係，贈送了甜品，雖然我一度以為是醬汁，但這份心意很好。

經朋友介紹認識到呢間新開張冇耐嘅韓式燒肉店，位置喺南豐紗廠旁邊嘅工業大廈入面，主打做外賣，同朋友喺南豐紗廠食完下午茶，順便去買嚟做今晚嘅晚餐。店如其名，以烤五花肉做主打，二人餐有四款選擇，分別係韓式烤五花腩、醬油烤五花腩、辣椒醬烤五花腩同烤濟州黑毛豬五花腩，我揀咗醬油烤五花套餐，食物即叫即製，等候期間男店主俾咗兩張小教學單張我，畫作非常可愛，提供唔同嘅食法，原來女店主係韓國人，難怪諗到以韓式燒肉做主打開設外賣小店。等候時間唔算耐，驚喜嘅係包裝非常用心，女店主仲好細心咁將熱食同凍飲用保溫袋包好，並分開擺放，返到屋企包裝同食物依然完整無缺。套餐份量非常足，除咗有醬油烤五花腩之外，仲有泡菜、芝麻油、沙律、青辣椒、生蒜片、醃蘿蔔同辣醬，當然唔少得新鮮沙律菜，夠哂豐富。醬油五花肉夠入味，肥瘦均勻，外皮有微微嘅焦香，口感軟而不柴。泡菜、沙律同其他佐料用帶有分格嘅膠盒裝住，非常細心。泡菜同平時食開嘅唔同，平時食嘅韓式泡菜通常都係生醃，而呢度嘅泡菜係炒過，明顯比生醃嘅更加入味；沙律加入紅蘿蔔絲同韭菜，配上嘅醬汁帶有微微嘅酸辣，清新解膩；另外酸蘿蔔亦非常爽口開胃。沙律菜非常新鮮，而且種類亦唔單一，比一般