炯記餐室

Open Now

Now Closed

晏就係長沙灣戲院睇戲，諗住睇戲之前求其食個茶記，就走咗入嚟炯記，點知原來一啲都唔求其仲好出色添🫢🫢醬皇冬菇豬手撈麵 $58一上枱我第一個反應係「咁大兜麵嘅🤣」撈麵用咗佢秘制嘅醬油撈，味道好香但又唔會太鹹，正😋👍🏻豬手好淋，冬菇都好入味，最有驚喜係放係側邊嘅伴菜 - 雲耳，原本諗住平平無奇，但原來入面加埋蒜蓉，食落去仲辣辣地，好開胃🥰醬皇腩叉撈粗配手撕雞腸粉 $58撈麵都係一樣用咗佢地秘制嘅醬油撈，叉燒肉質好淋，如果再肥啲就更好🤣不嬲都好鍾意食手撕雞，因為冇骨啖啖肉，呢度手撕雞我叫咗鹽焗，肉質嫩滑，而且好重鹽焗味。而啲腸粉上碟個時熱辣辣，真係即叫即蒸，好有心，加埋甜醬同麻醬，冇得輸🥹呢間啲份量好多，而且味道都好出色，性價比極高，會再嚟encore 佢嘅撈麵😍

炯記出名食手斯雞同撈麵，之前有朋友帶過我殷食覺得幾好食，所以今次特登帶媽媽黎試。炯記有幾間分店，不過唯獨長沙灣分店裝修係得別靚同野食亦多款啲。炯記其他分店裝修同一般茶記差唔多，不過長沙灣店就比較似一間cafe，感覺明亮簡潔，地方亦乾淨企理，所以我都特登黎哩間分店。另外，佢地除左飯麵，長沙灣店仲多左牛角包。玉桂奶茶 & 荔枝梳打(跟餐加$10) - 所有飯麵全日早餐都有包咖啡/茶，亦可以加$10轉特飲。玉桂奶茶好香玉桂味，茶味唔會太澀，都幾好飲。 荔枝梳打荔枝味香甜，夏天飲就最啱。鴛鴦手撕雞撈麵($58) - 鴛鴦手撕雞即係麻辣同鹽焗，手撕雞肉質好滑，鹽焗入味得黎唔會太鹹，麻辣辣度大約係小辣同中辣之間，建議食得辣先好點。撈麵用左粗麵，麵量多，炒得夠鬆，食倒油香之餘又唔會油淋淋，做得出色。跟餐仲有一小碟酸辣雲耳做開胃菜。醬皇冬菇豬手撈麵($58) - 豬手有兩大舊，炆得夠腍又入味，豬手皮厚厚充滿骨膠原，冬菇都有好多隻，同樣又腍又入味。腩叉牛角包($36) - 牛角包餡料可以揀手斯雞或者腩叉，因為已經叫左手撕雞撈麵，所以我地就揀左腩叉牛角包。牛角包比手掌仲大，口感非常鬆軟，上面夾左四大塊腩叉