紅館 (海堤街)

Open Now

Now Closed

今日在鰂魚涌附近開完會，我和同事搵個地方吃晚餐，openrice搵川菜見到這間餐廳，記得在其他地方都見過分店，就入去吃個辣辣的晚餐。店舖雖小但是幾乾淨和光猛，而且每張枱亦有膠枱布包着，感覺比較衛生。【重慶水煮嫩滑牛肉】選了小辣，其實味道一入口都覺得辣度剛剛好，但是真是越吃越辣，牛肉份量很多，口感幾嫩滑的，還有大量大豆芽菜索滿了辣汁。【四川椒麻雞】和我想像中的有點不同，面頭竟然是佈滿香蔥，幸好我和同事都喜歡吃香蔥。雞肉夠鮮嫩，雖然沒有見到藤椒粒，但是亦有嚐到藤椒油的麻香味道。配碗白飯和一罐可樂都幾開胃。

身為水煮牛肉嘅忠粉, 當然要周圍試吓唔同餐廳嘅水煮牛啦, 捐窿捐罅咁搵到呢間隱世小店 ❥⧽紅館 ❥⧽。餐廳有少少大排檔風味, 幾有氣氛。𓊈麻辣鹹魚肉粒炒飯 $𝟡𝟠𓊉驚喜! 叫呢個煲仔飯完全係因為聞到隔離枱個煲仔飯好香, 估唔到香之餘仲好好食呀! 個飯炒得好均勻, 鹹魚肉粒超惹味, 每一啖飯都有鹹魚/ 肉粒真係食得好爽, 而煲底仲有飯焦㗎。𓊈重慶水煮嫩滑牛肉 $𝟙𝟜𝟠𓊉忠粉認證呢度嘅水煮牛肉好好味! 麻香味十足, 容易入口, 不過會越食越辣。牛肉份量多, 而且好嫩滑。幾欣賞裡面嘅洋蔥, 唔會煮到淋曬, 幾爽口。𓊈招牌麻辣大波波魚蛋 $𝟚𝟟𓊉太耐無去長洲, 所以見到大粒仔魚蛋就即刻叫嚟食, 魚蛋幾彈牙, 個麻辣汁好香濃惹味。𓊈重慶酸辣粉 $𝟞𝟡𓊉酸辣粉湯底好足料, 有花生, 芝麻, 酸菜同腩肉粒, 味道適中, 而酸辣粉比較幼身, 幾煙韌。𓊈Asahi 大樽啤酒 $𝟜𝟡 𝕗𝕠𝕣 𝟚𓊉食咁多辣嘢點都要配啤酒先得, 呢度用雪凍咗嘅碗嚟裝酒㗎, 好有 feel, 飲落又冰涼!✧✧ 整體嘅嘢食都好好味呀, 煲仔飯真係好出色, 值得支持嘅隱世小店。