魚鈁 (汝州街) (Closed)

又到星期五食好西時間，本身其實心思思想去太子食飯點知想去間餐廳已經執左🥲最後黎左深水埗稔起可以食雞煲，正！次次黎親都爆棚等好耐，今次難得唔洗等位2個人例牌叫個重慶雞煲1個辣炒土豆絲再加枝青島麻甩得黎又滿足👏🏻如果未食過建議一定要試重慶雞煲，$208半隻份量仲要大，啲雞唔係得骨頭，煲入面加左菇、豆卜等配料，吸收曬啲汁嘅精華超級惹味！話佢係全香港最好食嘅雞煲絕對唔過份！另外見到好多檯都有叫炸饅頭，望落都唔錯，下次嗌多啲人黎試吓先🙌🏻星期五六建議訂定位先❤️

💛 魚鈁 💛..............................因為油渣同南瓜要約飯局所以油渣就揀咗間睇落好好食嘅黃店試下😈.🔅想知黃店原因請Pm💛..............................🍽麻辣魚春拼魚卜煲 $108 （👏🏻7.5/10）.魚春有預先炸過再煮 所以食落比較實淨食落都食到啲魚油香 唔會比麻辣味搶哂😳對比之下魚卜就無咩特別啦 都係爽口彈牙咁魚春同魚卜都唔腥 帶少少豆豉味辟腥雖然呢味餸份量偏少 但比較特別 出面好少有😈.🍽原味焗蜆 $108 （👏🏻8/10）.湯汁好鮮味 好重薑蒜味 感覺好補咁😂個湯飲落好鮮甜暖胃 一定要飲🤤啲蜆隻隻都好肥美 食落好新鮮唔會霉不過有幾隻有沙 吐沙吐得唔夠乾淨😫.🍽重慶雞煲 (少辣) $88 （👏🏻8/10）.雞件嚿嚿都好滑 都幾重雞味🤪另外仲炒到焦焦香香 唔會求其放入去就算配料方面有冬菇 秀珍菇 同埋豆卜同行5人都話豆卜索晒啲汁超正！！雞煲醬食落唔會好麻 有輕微咖喱味呢個推薦大家叫 好味好味😋.🍽乾煸四季豆 $58 （👏🏻6/10）.四季豆啲絲無搣乾淨 食落有啲渣😖食落好重鑊氣 甜甜地咁 醬香味濃不過食落有絲同埋好細

難得細佬妹得閒食飯，經過新開既魚鈁又覺幾吸引，我又鐘意食辣，就走入去試下，估唔到咁有驚喜。細佬本身因為健康唔食肉，所以就叫左兩個菜兩個煲。點知魚春煲太吸引令細佬破戒食左勁多魚春XD。同埋服務好好，我地勁多要求都得，炒四季豆要走肉加麻又得（仲要煮得好食），加麻減辣又得（咁其實好多餐廳都得），地方又幾好坐。仲要因為未有酒賣可帶酒去飲，價錢又公道，近近地下次要再帶朋友過黎食先得。