磯の水產

Open Now

Now Closed

經常都話觀塘好多嘢食，今日又搵到一間好嘢！行過海濱，見到對面馬路有一間居酒屋，向來喜歡日式食品嘅我，當然不能錯過啦！但因為早前兩個trip，實在係食得太雜了…😂今日就食得清啲啦！叫咗一個五色刺身～有帶子、三文魚、吞拿魚（赤身）、油甘魚同魷魚。哇！！刺身真係新鮮到一個點！！尤其佢嘅油甘魚，簡直係我食過咁多次以嚟，油份最充足飽滿嘅一次！😘👍🏻魷魚稍為用火槍炙燒一下，有點焦焦嘅燶味，再加幾粒芝麻，別有一番味道！！野菜烏冬湯底用咗木魚湯底，比較清甜，但係淡口。銀雪魚燒得非常香口，佢個醬汁甜甜辣辣，好惹味！再叫咗兩款天婦羅：番薯同鰻魚，脆漿實在調得不錯！薄薄的一層～唔會好油膩。就响食到七七八八，正準備埋單時，店內突然充斥著一股燒海鮮嘅香味～原來別桌點咗燒虎蝦，那香氣四散，十分誘人！！奈何我地已經食飽咗…而家先點好似有啲浪費……就留一個小遺憾，待下一次再嚟品嚐吧！！

位於觀塘海濱旁嘅居酒屋 有各種各樣刺身、串燒、海鮮~-🐟鯛魚薄切 💰$150薄薄嘅鯛魚片 有酸汁可再提升個鮮味-🍣三文魚牛油果卷 💰$68牛油果食落去順滑 配埋三文魚呢個配搭冇得輸👍🏻-🍣香蔥吞拿魚腩卷 💰$88面頭都有一大推吞拿魚腩蓉 新鮮好味-🥗海葡萄沙律 💰$68海葡萄有清脆口感 成個沙律都好fresh-🐖豚肉蘆筍卷 💰$68用豚肉捲住蘆筍去燒 口感爽脆！仲有啲甜甜地嘅醬汁 不錯-🍤野菜盛天婦羅 💰$98有番薯、青椒仔、冬菇、蘆筍、茄子外層香酥鬆脆 不過個醬汁濃味少少就更好喇-🍜野菜烏冬 💰$58飽肚之選🫢有簡單配料：冬菇、蛋、椰菜、金菇

📍磯の水產觀塘海濱道133號萬兆豐中心地下3號舖.觀塘海濱附近原來有間隱世日式餐廳，睇menu好似好吸引咁，一於試下佢先😋.🌟金目鯛壽司兩件🍣 $88輕輕燒過的金目鯛帶少許焦香味，肉質細嫩肥美，味道鮮甜，口感爽滑👍🏻🌟刺身沙律🍣 $158有三文魚、吞拿魚各三塊，仲要非常厚切，魚肉肉質好正👍🏻將新鮮既刺身同沙律菜拌埋一齊，口感清新，好開胃😆🌟蔥拖羅卷🍣 $88拖羅卷有滿滿既拖羅蓉鋪係壽司飯上面，入口好清新甘甜😍🌟辣味三文魚軍艦兩件🍣 $48軍艦卷係用新鮮嘅三文魚切成長條狀，鋪係壽司飯上面，再加上辣椒醬汁，味道香辣鮮美😋🌟辛辣炸豆腐 $68炸豆腐味道辣辣地，豆腐非常嫩滑，炸到金黃色，好香口好好味呀🤩🌟牛油炒雜菌 $88炒好嘅雜菌配上牛油同洋蔥，味道濃郁，雜菌鮮甜，正呀😚🌟野菜烏冬 $58呢個烏冬麵份量好大碗，配上炒好既野菜，烏冬麵口感彈牙👍🏻食完壽司配上熱茶，個胃即刻暖笠笠🥰食飽飽仲可以去海傍散下步添🥰

今日早放工嚟到觀塘海濱附近嘅磯の水產，喺牛頭角地鐵站行過去7分鐘左右位置都幾方便，而且餐廳佈置以日式居酒屋為主題，環境坐得好舒服，坐係窗邊好chill 呢！今晚我哋叫咗刺身拼盤5種，分別有帆立貝、蝦、拖羅、油甘魚同鯛魚，每款都有3件，全部都好厚身， 刺身新鮮之外，仲好肥美口感一流。好鍾意佢哋嘅蔥吞拿魚腩卷，超好味呀～吞拿魚砌成蓉，除咗加上香蔥，上面仲加咗少少芝麻，有好香嘅魚油味。我哋仲叫叫咗水蜜桃梳打同巨峰提子梳打，香甜嘅果汁味濃，啱曬食日本料理呀～之後仲點咗鮑魚同埋虎蝦。 店內嘅「浜燒」，即係係枱前嘅小型烤爐，點完海鮮之後，由店員幫手烤熟。店員烤嘅鮑魚同埋虎蝦超靚！全部都好新鮮呀，鮑魚入口嫩滑，而且鮮味濃郁，落咗少少海鹽嘅虎蝦都好爽彈呢～最後仲點咗一份野菜烏冬，熱辣辣嘅烏冬，唔單止幼滑彈牙，鰹魚湯底都好好味，今晚食得好滿足呀！

黎到2022年最後一個晚上當然要食好少少，亦好開心再冇限聚同針掃針卡。黎到觀塘海濱一間日本水產，食完出去聽埋busking 。餐廳樓底好高，亦好有日本feel .而家新開有7折。今日亦係2022尾聲，小飲一杯。刺身拼盤5種三文魚 。油甘。拖羅。帶子。真鯛刺身每年都係厚切， 味道相當之鮮，每款基本有三件。都食得出刺身鮮味，而當中帶子好鮮甜。最後我先食拖羅，個魚味好重。上壽司拼盤7貫壽司食得出師傅既功力。7件分別係1）三文魚子2）和牛3）帶子4）左口群邊5）池魚6）油甘魚7）三文魚每款都係睇即日有咩新鮮而做，每次都可能有不同。當中今日有和牛超香，入口即溶。另外，佢壽司個壽司飯每件都握得很實。左口魚一向都覺得好味。炸芝麻雞翼新鮮炸起，好脆.作為居酒屋，用黎送酒一樓。煎餃子沾埋餃子汁，一樣，用黎配酒一樓。最後再整個野菜烏冬。野菜烏冬甜品方面。1）桃雪葩 桃味雪葩好清新好清新。又吾會好甜，仲係半個桃殻上面。2）椰子雪糕超重椰子味，一般係食馬拉野既店先有椰子雪糕，今次個雪糕好驚喜。

觀塘呢間新店主打刺身、日式料理、串燒等，離地鐵站有少少距離，不過就係正海濱道。裝修行日式居酒屋風格，想睇師傅切魚生可以坐吧枱，如果唔係既話做table會舒服少少~ -🎈刺身拼盤 5種 ($268)唔想諗的話可以直接叫一個拼盤，有油甘魚、吞拿魚、深海池魚、三文魚同帶子。每一款都好厚切 ~-🎈甜蝦刺身 ($68)呢個擺到好精緻啊，一份4隻都算新鮮。-🎈三文魚壽司 2件 ($48)一件炙燒，一件就無。我自己中意食炙燒多d，會香口少少🤏-🎈三文魚籽壽司 ($28)超多三文魚籽既軍艦，滿到裝住既碟仔都好多三文魚籽😹。超誇張，食到好滿足！-🎈蟹籽壽司 2件 ($28)同樣同係份量滿滿 ~-🎈炸芝麻雞翼 ($38)一份已經有兩隻雞翼同兩隻雞翼尖，上枱時仲係熱辣辣。雞翼炸得夠香脆。-🎈野菜烏冬 ($58)烏冬可以叫店員後上，材料都算豐富而且唔係酸個隻烏冬😤。以呢個價錢來說都收貨。-🎈椰子雪糕 (半個) ($78)一開始仲諗點解雪糕會得半個😹，原來係因為椰子雪糕放係半個椰子殼入面😹。呢個好食 ~-🎀總括而言🎀👉食物：正常，價錢唔算貴👉服務：Menu上另有水產可以叫，見到店員會幫手燒 ~ 👉環境：幾有日本

今日喺觀塘收工 行到觀塘海濱 睇下有咩嘢食 見新開左一間日本餐廳 喺海濱間西餐對面馬路 食飽又可以行吓海濱長廊 見到門口寫住有七折又幾抵食 所以就試下啦🥳 裝修都幾有日本居酒屋嘅感覺 因為新開 暫時唔多人知 所以靜靜地食幾舒服～ 巨峰提子梳打$78 坐低太口渴，所以叫咗一杯😆 味道正常嘅提子梳打～ 一間日本野有冇誠意就最緊要睇魚生刺身 估唔到呢度嘅魚生刺身幾高質素 好新鮮好鮮甜 亦都厚切 大大舊 食得好開心！魴鮄魚呢個店員推介 因為咁岩新鮮貨到 第一次食 好有咬口 唔係屬於入口即溶 而係有口感得黎食到鮮甜味😍 幾特別！油甘魚係我最愛 魚紋路分明 好飽滿厚切 表面一層反光油脂 淡淡甘甜清新 每口都充滿着魚油香氣😚 好好味！吞拿魚朋友話新鮮嘅吞拿魚係鮮紅色 呢個相當紅！而且都係一樣厚切 感覺呢條魚佢好多肌肉 因為食落係好firm 嘅飽滿感 平時出邊整得唔好係會有筋 但呢個完全冇筋 入口好實而且腍！ 左口魚壽司 切得薄薄一層 味道整體清新 有微微灸燒 更帶出魚油香！ 金目鯛壽司顏色上比左口魚深色 輕輕燒過嘅金目鯛帶點焦香 本身金目鯛質地柔軟細膩 佢比左口魚有咬口 我都幾鍾意🥰 另外要讚一讚壽