泰閣 (Closed)

今日難得親戚來港，帶左佢地去油麻地一間樓上泰國餐廳吃晚餐，品嚐異國風情。 由於在油麻地的關係，所以地方不難找（在酒店上一層）。在餐廳門外，可看到2個雕像佇立在門外招呼客人。入到去，也可見不同的泰國裝飾，佈置華麗。我們被安排坐在圓桌（因為人數眾多），座位舒適。基於人數較多，所以我們亦叫了個8人套餐，不用煩惱。個8人餐的份量十分足夠，整體來說都不錯，但價錢略為貴。如價錢調低一點，相信可以吸引更多人光顧！

同朋友食夜晚，見Openrice 評論唔錯就試下，點知食左餐令人失望既泰菜。個金柚子蝦球沙津幾清新，蝦及柚子都鮮甜，值得一試但好多食客叫既原個菠蘿炒飯就好差劣，個飯勁濕勁無味，似蒸完多過炒完出黎咁，無鑊氣、無乾爽既炒飯味道。唔夠飽再叫多左個豬肉炒河，又係好普通，味道欠奉，繼續令人失望。間餐廳仲要唔知點解勁大油煙，係水吧位傳到大廳，實在令人費解。出到黎頭髮成陣油煙味都幾難聞侍應服務反而唔錯，水杯空左會主動過黎斟水，收空碟又快手

導師從肯雅返嚟述職，匆匆又要回去，所以，一班朋友趁佢離開前一個星期，設席餞行，並順道幫佢慶生 。就佢方便，就選上佢家附近嘅「泰閣」，其實，對其他人都一樣方便，因為餐廳就晌油麻地港鐵站傍，近在咫尺。泰閣，無論門面、室內，都一派型格，一室芥辣黃皮椅，已經搶眼非常，木條屏風、木地板、泰式木雕，雖然都有點「神神佛佛」嘅擺設，但不失摩登。除咗卡位，四或六人枱之外，仲有兩張10人大圓枱，方便一大棚人傾偈 。正值入秋，天氣都涼咗好多，幾款應節嘅冬日窩心飲品，都喺值得一試嘅熱飲。印刷精緻嘅餐牌中，菜式共分為10類，包括沙律、湯類、海鮮、咖喱、蔬菜、肉類、飯類、麵類、飲品及甜品，另加一個近期新推嘅廚師推介餐牌。雖然有套餐供選擇，大家想散點較自主。 金柚子鮮蝦球沙律 $98 泰國金柚拆得大大嚿，清甜多汁，苦澀味輕，蝦肉鮮甜爽口，加埋花生粒、魚乾仔、乾蔥、辣椒碎，酸香醒胃、又帶點鹹鹹、辣辣，有口感，有層次。 冬蔭功 $168 冬蔭功湯有大細之分，前者為2人份（$88），後者為4-6人份（$168），不過，我哋點個大嘅，分完8小碗，都仲可以多添兩碗，所以10個人都夠晒飲。而且，亦可要求減辣