林昌記 (Closed)

林昌記 (旺角).⚜️金蛋⚜️.係史上最好食嘅魚蛋啊！金蛋呢係林昌記嘅招牌之一，金黃色嘅魚蛋正因為佢用薄薄嘅漿輕微炸過！外脆內彈牙！ 好食啊😭❤️不得了呀！$20好似有12粒！最緊要其實係仲有個千島醬！真係好好食！除左金蛋呢其實佢都有白蛋，即係普通嘅魚蛋！但係都係好好食架！因為本身佢嘅魚蛋味都係好重而且勁彈牙！—————————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌林昌記 (旺角)旺角砵蘭街147–149號祥興樓地下, B1舖

每次去完朗豪坊後，我都會很自然走去林昌記買些魚蛋或其他東西吃，儘管今天時間有點趕，也無阻我去購買慾。我看見林昌記竟然推出了牛丸，我蠻有興趣的，不過還是留待下次與朋友一起吃，以免她說我不等她一起嚐嚐。😂 是次吃久違的金蛋，金蛋一直是我喜愛之一，也是林昌記的招牌，那不變的香酥金黃的外表，沒一般的油炸那麼油膩，只有讚不絕口的香口感。魚蛋魚肉味濃郁，加上彈牙無比的質感，難怪甚麼時間都人山人海光顧這裡的魚蛋製品。

放工黎旺角買野見到呢間小食店有人排隊係only賣魚蛋😳一間小店專買一類野就feel到好唔簡單跟前面個個人叫金蛋試下😏佢個粉漿好特別香脆又唔厚食落脆得黎又食到本身魚蛋既口感而個魚蛋彈牙又juicy 無被炸乾到加埋個辣醬好出色食得出係粒好有熱誠既魚蛋😂高出面個d粉漿無口感淋bet bet魚蛋幾百班

下午在旺角朗豪坊閒逛了一輪，之後南下油麻地，向駿發花園電影中心方向進發。途中經過砵蘭街，曾經被稱為以風月場所眾多聞名的砵蘭街，現在隨着朗豪坊出現，景況一下子被改變了不少。雖然不敢講風月場所完全消失，但至少不會隨街都是風月場所霓虹光管招牌，一片污煙瘴氣的樣子。砵蘭街不再龍蛇混雜，沒有大量流鶯兜搭途人，沒有黑社會明目張膽在街頭生事作亂。「林昌記」是有名的魚蛋專門店（但其實旺角有不少賣魚蛋的小食店），如果不是另外有賣「牛魔王牛丸」的話，我真的會以為「林昌記」獨沽一味只賣魚蛋，沒有其他菜式的「魚蛋專門店 。此外，如果不是認真看看「林昌記」店頭介紹的話，我也不知道「林昌記」其實源自深水埗桂林街的魚蛋老店。不過看店內的餐牌和廣告，都可以肯定「金蛋」油炸脆皮魚蛋，才是「林昌記」的鎮店之寶。雖然「林昌記」「鎮店之寶」金蛋，要付二十元價錢才得到十一粒「金蛋」這麽少，但是如果「金蛋」真的做到皮脆肉軟的話，要我給區區二十元，又算得上甚麼？試食後我一直懷疑，究竟「林昌記」的「金蛋」用了什麼材料，來製造它的黃金鬆脆外皮？「金蛋」的外表，蛋皮脆中略帶一點點鹹香，而肉裡的魚蛋肉，則彈牙中仍有少許温熱。後來我再加了些

Jan 2016🍴林昌記🍴地址：旺角砵蘭街147至149號祥興樓地下☆金蛋☆💲2⃣0⃣（11粒）金蛋，即係炸到金黃色既魚蛋老闆超超超好人，見我抽住好大袋野，主動問要唔要塑膠袋裝住😁我本來淨係落左辣椒醬，老闆介紹話點泰式甜酸醬個味道會夾d，叫我試下啦～然後幫我浸左成粒金蛋落d醬到😂同係龍津叫佢比多d醬同多枝竹籤都西你面/唔睬你既情況下，簡直係天堂同地獄既待遇👍👍.老闆叫我加酸甜醬時都有補充“隨你啦”然後建議我加少少係旁邊，而的確，金蛋加酸甜醬係夾d既😋好味：😋😋😋😋😶（4/5）炸金蛋熱辣辣，外皮脆，內裡則係彈彈白魚旦😋好香口抵食：😋😋😋😶😶（3/5）計起來，接近＄1.9/一粒，街邊魚蛋舖黎講唔係平民價，不過值得試下🙂白魚旦/咖哩魚蛋＄20有16粒，抵食d😋

夜晚臨上堂前買嘢食醫肚，林昌記我平時都只係食原味魚蛋，但戒口戒咗幾日，口淡淡，好想食啲香口嘢，跟住就叫咗碗金蛋，食第一啖好surprise咁好味！我開頭以為佢味道應該係同煎釀三寶啲炸魚蛋差唔多，但原來唔係囉！佢外層炸皮勁薄，口感同味道直情係椒鹽豆腐果層薄皮，同佢哋嘅招牌魚蛋勁夾！淨食已經好好味，點埋泰式酸辣汁又有另一番風味，總之點唔點汁食都咁正！我諗我可以一次過食幾十粒！😂

魚蛋，幾蚊串，係我M佬掃街必食嘅特色小食。好記得以前食過最好正嘅魚蛋係香港仔嘅謝記山窿魚蛋，加埋佢嗰條即炸魚片，真係正到無朋友。自從佢執咗之後，就好耐無食過令人叮一聲嘅魚蛋，直至我哋嗰日同班friend食咗旺角林昌記魚蛋。成間鋪頭就係賣魚蛋，餐牌寫住有三種口味: 原味，辣味同咖喱味。來佢哋係原味魚蛋，而辣味就係自己落自家辣椒油。魚蛋咬落去好彈牙，好香魚味。辣椒油辣得嚟又無遮到陣魚蛋香味，正!!!同老闆傾傾下，發現原來林昌記就係之前喺桂林夜市日賣十萬粒魚蛋嘅無名氏魚蛋檔，我記得嗰次要排成半個鐘先買到。林昌記魚蛋粒粒都係自家製，而且真材實料，八成都係由魚肉整成，得兩成麵粉，所以食落好香魚味，質地係爽口彈牙。相比之下，出面街嗰啲魚蛋麵粉多，魚肉少，質地淋身。除咗餐牌上嘅三款， 原來仲有兩款隱藏食品，而且我哋覺得比魚蛋仲好味，大家下次去記住嗌。第一個係黃金角。就咁睇嗰名都估到係炸，而且係炸到金黃色，好香口。一碗兩款，一厚一薄，厚身比較有咬口，魚味重啲，不過兩隻其實都好正!! 大家鐘意嘅話可以落辣椒油，不過會令到佢地淋咗，所以老闆建議唔好落。第二個係金蛋。類似黃金角，係將魚蛋炸過。不過佢無黃金角

看了某飲食雜誌的推介，特意來試下有幾好食。點了幾種不同口味的魚蛋，果然名不虛傳！首先各要了一份小的咖哩魚蛋和白魚蛋，都係$10 /7粒。白魚蛋，粒粒白白滑又圓又彈，未食已經覺得好鮮味。食落口感非常彈牙有咬口，而且食到有明顯的魚肉香味，食得出係用新鮮魚肉打成的！味道亦洽到好處鮮味十足，令人想一食再食！喜歡吃辣的朋友還可以自助加入辣椒油調味，有辣勁而且香味十足！而咖哩魚蛋，則是在優質美味的白魚蛋上再淋上滿滿的咖哩汁！咖哩汁非常香濃惹味，還帶有一點點甜味！甜甜辣辣的令人胃口大開！然後係我要誠意推介的金蛋(炸魚蛋)，聽講係熟客先識嗌，因為店面的介紹上係冇寫架！而且每份都即叫即炸，夠晒新鮮熱辣辣！$20/11粒連台灣人都話好食！一咬開熱呼呼的金蛋，透出了人見人愛的白魚蛋！而重點是外層的蛋黃酥真係炸得好好好鬆脆！你會見到鬆脆煙韌嘅外層緊緊包住裏面的魚蛋，絕對吾會一咬開就甩晒或散開。再是會嘗到有點鹹蛋黃的甘香味道！非常美味！真係令人一試難忘。連我班台灣朋友都大讚不得了，食完又再點。😋👍而且店舖老闆伙計都好好人，見我地企係度等，問我地: 有凳喎，坐低等啦。 又有禮貌，又好笑容，臨走仲同你 say go