李好味 (Closed)

今次朋友帶我去到中環呢間李好味，門面好靚，設計復古x摩登，好特別環境舒服有打卡feel！坐低之後睇睇餐牌，啲名好笑，一睇啲食物都係簡單 牛河呀  滷味  ，但係價錢睇落去都幾貴！落完order之後驚喜就嚟喇！牛魔王過河(炒牛河)：一個牛河收到200蚊UP  我開頭都驚伏不過食落真係交到貨，餐牌寫佢係用A4和牛，切到好薄  好軟熟  食落口有牛肉香油脂香，正！味道唔會太咸剛剛好，推介！金蝦脫殻(黃金蝦)：蝦都算鮮 個蛋黃炸粉唔會太多太厚最有趣地方係佢個表面有啲粉，原來係松露嚟，食落去好香，口感一啖食晒蝦同松露感覺好特別。幾重口感，幾重香味喺口！過癮。

網上見到李好味評價不錯，一於和朋友試吓。地下似酒吧，我們上一樓，裝修以懷舊香港特色為主題。1.  金蝦脫殻: 炸漿夠薄，蝦肉大隻又不會乾硬，墊底的椰菜花蓉有黑松露香味，好好食!2. 老魷鬼鬼: 一碟有很多粒，兩個人食有啲膩，加上油炸鬼釀完魷魚膠再炸，變得有點硬，有點失望。3. 牛歡喜: 牛筋夠諗，和牛面頰又香又好味，真的令人很歡喜。還有很多菜式想試，下次要叫多啲朋友一齊食